PAK vs AUS: સ્ટીવ સ્મિથે રાવલપિંડીની પિચ પર પ્રતિક્રિયા આપતા તેને ડેડ ગણાવી હતી
PAKvAUS: પાકિસ્તાનમાં રમાઇ રહેલ ટેસ્ટ સીરિઝમાં ઓસ્ટ્રેલિયાએ વળતો જવાબ આપ્યો છે. ચોથા દિવસની રમત પુરી થતા કાંગારૂનો સ્કોર 7 વિકેટે 449 રન છે.
પાકિસ્તાન (Pakistan Cricket) અને ઓસ્ટ્રેલિયા (Cricket Australia) વચ્ચે રાવલપિંડીમાં રમાઈ રહેલી પ્રથમ ટેસ્ટ મેચ દરમિયાન પિચ એકદમ સપાટ રહી હતી. ચાર દિવસની રમતમાં બે ઈનિંગ્સ પણ પૂરી થઈ ન હતી. પાકિસ્તાન અને ઓસ્ટ્રેલિયા બંનેએ મોટો સ્કોર બનાવ્યો છે. કાંગારૂ બેટ્સમેન સ્ટીવ સ્મિથે પીચ પર પ્રતિક્રિયા આપતા તેને ડેડ પીચ ગણાવી હતી.
સ્ટીવ સ્મિથે કહ્યું કે તેની પાસે ઝડપી બોલરો માટે વધારે ગતિ અને બાઉન્સ નથી. મને લાગે છે કે સ્પિનરોએ થોડી સારી બોલિંગ કરી છે. જ્યારે તમે યોગ્ય લાઇનને હિટ કરો છો ત્યારે થોડી કુદરતી ભિન્નતા હોય છે અને તમે જાણો છો, જ્યારે તમે રફ પીચ પર બોલ નાખો છો ત્યારે થોડો ફેરફાર થાય છે. તેથી મેં વિચાર્યું કે પીચ થોડી વધુ તૂટી જશે અને કદાચ શરૂઆતથી પીચ પર થોડો વધુ વળાંક મળશે. પરંતુ એવું બન્યું નથી. પણ હા, એકદમ સરળ રીતે, ડેડ વિકેટ હતી.
સ્મિથને આશા છે કે અંતિમ દિવસે ઓસ્ટ્રેલિયાના નીચલા ક્રમના બેટ્સમેનો થોડા ઝડપથી રન બનાવશે. જો કે હવે માત્ર એક જ દિવસ બાકી હોવાથી આ પીચ પાસેથી વધુ અપેક્ષા રાખી શકાય તેમ નથી. મેચ ચોક્કસપણે ડ્રો જેવી લાગે છે. સ્મિથે કહ્યું કે જો અમને થોડી લીડ મળે તો આ રમતમાં શું થશે તેની કોઈને ખબર નથી. જો આ રફ પીચ પર થોડા રન બને, તો પાંચમા દિવસે કંઈક થઈ શકે છે. જો કે સ્મિથે અનુમાન લગાવ્યું છે, તેમ કરવું ભાગ્યે જ શક્ય છે.
પ્રથમ બેટિંગ કરવા ઉતરેલી પાકિસ્તાનની ટીમે બે દિવસની બેટિંગ બાદ 4 વિકેટે 476 રન બનાવીને દાવ ડિકલેર કર્યો હતો. બે બેટ્સમેનોએ સદી ફટકારી હતી. આ પછી ઓસ્ટ્રેલિયાએ પણ પાકિસ્તાનને જડબાતોડ જવાબ આપ્યો અને 7 વિકેટે 449 રન બનાવ્યા. પાંચમા દિવસની રમત હજુ બાકી છે અને ઓસ્ટ્રેલિયા 27 રનથી પાછળ છે.
આ પણ વાંચો : Video : મહિલા વર્લ્ડ કપમાં વિકેટકીપરના ગ્લવ્સમાં ચીપકી ગયો બોલ, રનઆઉટ થતાં બચી ગઇ બેટ્સમેન
આ પણ વાંચો : સ્પેનમાં પૈરા એથલિટ માનસી જોશીએ ગુજરાતનો ડંકો વગાડ્યો, ગોલ્ડ સહિત કુલ ત્રણ મેડલ જીત્યા
