લાઈવ મેચમાં પાકિસ્તાની ક્રિકેટરનું મોત, ભારે ગરમીને કારણે જીવ ગુમાવ્યો

ક્રિકેટ જગતમાંથી એક ખરાબ સમાચાર આવ્યા છે. પાકિસ્તાની મૂળના એક ક્રિકેટરનું લાઈવ મેચ દરમિયાન મોત થયું. આ ઘટના ઓસ્ટ્રેલિયામાં રમાઈ રહેલી ક્લબ ક્રિકેટ મેચ દરમિયાન બની હતી. વાસ્તવમાં, આ ખેલાડી ભારે ગરમીમાં રમાયેલી સ્થાનિક મેચ દરમિયાન જમીન પર પડી ગયો હતો, પછી તેને તાત્કાલિક હોસ્પિટલમાં લઈ જવામાં આવ્યો, પરંતુ તેને બચાવી શકાયો નહીં.

પાકિસ્તાની મૂળના ક્રિકેટરનું અવસાન

ઓસ્ટ્રેલિયામાં ભારે ગરમી વચ્ચે રમાયેલી સ્થાનિક મેચ દરમિયાન મેદાન પર પડી જવાથી પાકિસ્તાની મૂળના ક્લબ ક્રિકેટર જુનૈદ ઝફર ખાનનું મૃત્યુ થયું હતું. ગયા શનિવારે એડિલેડના કોનકોર્ડિયા કોલેજ ઓવલ ખાતે પ્રિન્સ આલ્ફ્રેડ ઓલ્ડ કોલેજિયન્સ અને ઓલ્ડ કોનકોર્ડિયન્સ ક્રિકેટ ક્લબની ટીમો વચ્ચે આ મેચ રમાઈ હતી. જુનૈદ ઝફર ઓલ કોનકોર્ડિયન્સ ક્રિકેટ ક્લબ તરફથી રમી રહ્યો હતો.

દક્ષિણ ઓસ્ટ્રેલિયામાં તાપમાન 40 ડિગ્રીથી ઉપર

40 વર્ષથી વધુ ઉંમરના જુનૈદ ઝફરે આ મેચમાં 40 ઓવર ફિલ્ડિંગ કરી અને સાત ઓવર બેટિંગ કરી અને પછી તે જમીન પર પડી ગયો. તમને જણાવી દઈએ કે, દક્ષિણ ઓસ્ટ્રેલિયા હાલમાં તીવ્ર ગરમીની ઝપેટમાં છે અને હવામાન વિભાગના જણાવ્યા અનુસાર, તે સમયે તાપમાન 40 ડિગ્રીથી ઉપર હતું. એડિલેડ ટર્ફ ક્રિકેટ એસોસિએશનના નિયમો અનુસાર, જો તાપમાન 42 ડિગ્રીથી વધુ હોય તો મેચ રદ્દ કરવી જોઈએ. પરંતુ આ મેચ દરમિયાન આવું કરવામાં આવ્યું ન હતું.

ઓલ કોનકોર્ડિયન્સ ક્રિકેટ ક્લબે નિવેદન બહાર પાડ્યું

જુનૈદ ઝફરના ક્લબ ઓલ કોનકોર્ડિયન્સ ક્રિકેટ ક્લબે કહ્યું, ‘અમારા ક્લબના એક મૂલ્યવાન સભ્યના નિધનથી અમને દુઃખ થયું છે. કોનકોર્ડિયા કોલેજ ઓવલમાં રમતી વખતે તેની તબિયત લથડી ગઈ અને શ્રેષ્ઠ પ્રયાસો છતાં તેને બચાવી શકાયા નહીં. તેના પરિવાર, મિત્રો અને ટીમ પ્રત્યે અમારી સંવેદના.’ તમને જણાવી દઈએ કે, પાકિસ્તાની મૂળનો જુનૈદ ઝફર 2013થી એડિલેડમાં રહેતો હતો. તે ત્યાં આઈટી ઉદ્યોગમાં કામ કરતો હતો.

આ પણ વાંચો: IPL 2025 : IPLની એક મેચમાં અમ્પાયરિંગ કરવાનો અમ્પાયરને કેટલો પગાર મળે છે?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો