T20 World Cup 2024 : પાકિસ્તાનના કેપ્ટન બાબર આઝમ પર મેચ ફિક્સિંગનો આરોપ ! જુઓ વીડિયો
પાકિસ્તાનની ટીમ 20 વર્લ્ડકપમાં પહેલા રાઉન્ડમાં જ બહાર થઈ ચુકી છે. ત્યારબાદ હવે કેપ્ટન પર મોટો આરોપ લાગી રહ્યો છે. પાકિસ્તાનના એક યુટ્યુબરે કેપ્ટન બાબર આઝમ પર મેચ ફિક્સિંગનો આરોપ લગાવ્યો છે.હાલમાં બાબર આઝમે મોંઘી કાર ખરીદી છે, ત્યારબાદ યુટ્યુબરે પુછ્યું કે, 8 કરોડની ગાડી ક્યાંથી આવી જુઓ વીડિયો.
ટી20 વર્લ્ડકપના પહેલા જ રાઉન્ડમાં શરમજનક પ્રદર્શન બાદ પાકિસ્તાન બહાર થઈ ગયું છે. હવે પાકિસ્તાનમાં ટીમના રમવા પર ધમાલ મચી છે. કેપ્ટન બાબર આઝમ પર પણ મેચ ફિક્સિંગનો આરોપ લાગ્યો છે. તો ચાલો જાણીએ કે, આ બાબર આઝમ પર મેચ ફિક્સિંગનો આરોપ લગાવ્યો કોને છે.પાકિસ્તાનમાં સોશિયલ મીડિયા પર એક વીડિયો વાયરલ થઈ રહ્યો છે. જેમાં કહેવામાં આવ્યું છે કે, અમેરિકા વિરુદ્ધ પાકિસ્તાનની હાર બાગ બાબર આઝમને લોકોના મેણા પર સાંભળવા પડ્યા છે.
કેપ્ટન બાબર આઝમ પર આરોપ લગાવ્યો
હવે આ આરોપ મુબાશિર લુકમાને લગાવ્યો છે. આ આરોપમાં એક વીડિયો પણ સોશિયલ મીડિયા પર ખુબ વાયરલ થઈ રહ્યો છે. આ વીડિયોમાં લુકમાને પાકિસ્તાનના કેપ્ટન બાબર આઝમ પર આરોપ લગાવ્યો છે કે, અમેરિકા સામે મેચ હાર્યા બાદ મોટી મોટી ગિફટો મળી રહી છે.
તમને જણાવી દઈએ કે, ટી20 વર્લ્ડકપમાં પાકિસ્તાનની આ પહેલી મેચ હતી અને તે સુપર ઓવર સુધી પહોંચી હતી. ત્યારબાદ મેચનો નિર્ણય સુપર ઓવરમાં આવ્યો હતો, જેમાં પાકિસ્તાનની ટીમની હાર થઈ છે.
These are serious allegations on Babar Azam from senior journalist Mubashir Luqman.
Investigation should be done by PCB.
More to come in upcoming days…#WT20_2024 pic.twitter.com/o1ji2JlApd— Cric mate (@cricmatee07) June 19, 2024
પાકિસ્તાની ક્રિકેટરો આવ્યા વિવાદોમાં
ક્રિક મેટ નામના એક યુઝરે લુકમાનનો આ વીડિયો અપલોડ કર્યો છે. જેમાં બાબર આઝમ પર આ આરોપ લગાવવામાં આવી રહ્યો છે. તેમણે કહ્યું કે, બાબર ભાઈ 7-8 કરોડની ગાડી ગિફટ મળી રહી છે. તેમજ ઓસ્ટ્રેલિયા અને દુબઈમાં એપાર્ટમેન્ટ પણ મળ્યા છે.
પાકિસ્તાનનો ફાસ્ટ બોલર હરિસ રઉફ ક્રિકેટ ફેન્સ સાથે મારપીટ કરવાને કારણે વિવાદોમાં ફસાઈ ગયો હતો. હવે પાકિસ્તાનનો દિગ્ગજ ક્રિકેટર શાહિદ આફ્રિદી પોતાની એક સેલ્ફીને લઈને વિવાદમાં આવ્યો હતો. ત્યારબાદ હવે પાકિસ્તાનના કેપ્ટન બાબર આરોપ પર મેચ ફિક્સિંગનો આરોપ લાગ્યો છે.
આ પણ વાંચો : T20 World Cup 2024 : શું વરસાદથી ભારત-અફઘાનિસ્તાનની રમત બગાડશે, કોને થશે ફાયદો અને કોને નુકસાન થશે જાણો