Cricket: ટીમ ઇન્ડિયાને ડઝન થી વધુ જાણીતા ક્રિકેટરો આપનારા કોચ તારક સિન્હાનુ નિધન, ક્રિકેટ જગતમાં શોક
71 વર્ષીય તારક સિંહા (Tarak Sinha) એ આજે સવારે 3 વાગ્યે અંતિમ શ્વાસ લીધા હતા. તેઓ ઘણા સમયથી બીમાર હતા. પંત અને શિખર ધવનને પણ તે કોચીંગ આપી ચુક્યા છે.
ભારતને પ્રખ્યાત ક્રિકેટરો આપનાર કોચ તારક સિંહા (Tarak Sinha) નું નિધન થયુ છે. તેઓ ઘણા સમયથી બીમાર હતા. 71 વર્ષીય તારક સિંહાએ આજે સવારે 3 વાગ્યે અંતિમ શ્વાસ લીધા હતા. તારક સિંહા દિલ્હીમાં સોનેટ ક્રિકેટ ક્લબ નામની એકેડમી ચલાવતા હતા. તેમના કોચિંગમાંથી બહાર આવેલા 12 ખેલાડીઓએ આંતરરાષ્ટ્રીય ક્રિકેટમાં ભારતનું પ્રતિનિધિત્વ કર્યું હતુ. જ્યારે ફર્સ્ટ ક્લાસ ક્રિકેટમાં ઓછામાં ઓછા 100 ખેલાડીઓએ પોતાની પ્રતિભા દર્શાવી હતી.
સોશિયલ મીડિયા દ્વારા ને તારક સિંહાના નિધન અંગે જાણકારી ચાહકો સામે આવી હતી. તારક સિંહા દેશના 5મા કોચ હતા, જેમને દ્રોણાચાર્ય એવોર્ડથી સન્માનિત કરવામાં આવ્યા હતા. તેમના પહેલા આ એવોર્ડ દેશ પ્રેમ આઝાદ, ગુરચરણ સિંહ, રમાકાંત આચરેકર અને સુનીતા શર્માને મળ્યો હતો.
તારક સિંહાના 12 ‘યોદ્ધા’
તારક સિન્હા પાસેથી ક્રિકેટ શીખનારા ખેલાડીઓની યાદી લાંબી છે, પરંતુ તેમના 12 શિષ્યો એવા હતા જેઓ તેમની પાસેથી ક્રિકેટ શીખ્યા બાદ દેશ માટે રમ્યા હતા. જેમાં સુરિન્દર ખન્ના, રણધીર સિંહ, રમણ લાંબા, મનોજ પ્રભાકર, અજય શર્મા, કેપી ભાસ્કર, અતુલ વાસન, આશિષ નેહરા, સંજીવ શર્મા, આકાશ ચોપરા, શિખર ધવન અને ઋષભ પંતનો સમાવેશ થાય છે. ભારત માટે પુરૂષ ક્રિકેટમાં નામ નોંધાવનાર આ 12 ખેલાડીઓ ઉપરાંત તે મહિલા ક્રિકેટરોમાં અંજુમ ચોપરાના કોચ પણ હતા.
તારક સિંહાની કોચિંગ કારકિર્દી
તારક સિંહા દિલ્હી ટીમના કોચ પણ હતા. તેમના કોચિંગ હેઠળ દિલ્હીએ 1985-86માં રણજી ટ્રોફીનો ખિતાબ જીત્યો હતો. વર્ષ 2001-02માં તેને ભારતની મહિલા ક્રિકેટ ટીમની મુખ્ય કોચ બનાવવામાં આવી હતી. તેમના કોચિંગ હેઠળ જ મિતાલી રાજ અને ઝુલન ગોસ્વામી જેવા ખેલાડીઓએ આંતરરાષ્ટ્રીય ક્રિકેટમાં પદાર્પણ કર્યું હતું. તેમના કોચિંગ હેઠળ, ટીમે દક્ષિણ આફ્રિકાની ધરતી પર વિદેશમાં તેની પ્રથમ ટેસ્ટ જીતી હતી.
આ પછી ઈંગ્લેન્ડનો ઘરઆંગણે 4-0થી પરાજય થયો હતો. 2002માં, જ્યારે તે દિલ્હીની જુનિયર ટીમનો કોચ બન્યો ત્યારે તેણે રાજ્યની ટુર્નામેન્ટમાં અંડર-15, અંડર-19 અને અંડર-22 ટાઇટલ જીત્યા. તે સ્પષ્ટ છે કે કોચ તરીકે તારક સિંહા દેશને આંતરરાષ્ટ્રીય ખેલાડીઓ અપાવવામાં જ સફળ રહ્યા ન હતા પરંતુ ટીમોને ટાઈટલ જીતાડવામાં પણ સફળ રહ્યા હતા.
આ પણ વાંચોઃ T20 World Cup 2021: સ્કોટલેન્ડને રગદોળી ભારતની સેમિફાઇનલની આશા જીવંત, 8 વિકેટે ટીમ ઇન્ડિયાની શાનદાર જીત
આ પણ વાંચોઃ T20 World Cup 2021: ટીમ ઇન્ડિયાના નસિબનો ફેંસલો શનિવારે થશે, જીત બાદ સમિફાઇનલની આવી છે ફોર્મ્યૂલા
Published On - 9:28 am, Sat, 6 November 21