ઈશાન કિશને તે ભૂલ કરી જેના માટે તે અનેકવાર થાય છે ટ્રોલ, છોડવું પડ્યું મેદાન

ઈશાન કિશન હાલમાં ટીમ ઈન્ડિયામાં પુનરાગમન કરવા માટે સખત મહેનત કરી રહ્યો છે. ઈશાન બુચી બાબુ ટૂર્નામેન્ટમાં ઝારખંડની કેપ્ટનશીપ કરી રહ્યો છે. આ ટૂર્નામેન્ટની પહેલી જ મેચમાં ઈશાન કિશને શાનદાર સદી ફટકારી હતી, ત્યારબાદ તેની ટીમને જોરદાર જીત મળી હતી. પરંતુ બીજી જ મેચમાં ઈશાન કિશને તે ભૂલ કરી જેના માટે તે ઘણીવાર ટ્રોલ થાય છે. બુધવારે હૈદરાબાદ સામેની મેચમાં ઈશાન કિશન માત્ર 1 રન બનાવીને આઉટ થયો હતો અને તેના આઉટ થવાનું કારણ ખૂબ જ ખરાબ શોટ હતો.

ઈશાન કિશન બીજી ઈનિંગમાં રહ્યો ફ્લોપ

ઈશાન કિશને હૈદરાબાદ સામે 11 બોલમાં એક રન બનાવ્યો હતો. ફ્લોપ થવું એ કોઈ મોટી સમસ્યા નથી, આવું દરેક ખેલાડી સાથે થાય છે પરંતુ કિશને જે રીતે તેની વિકેટ ગુમાવી તે આશ્ચર્યજનક છે. તનય થિયાગરાજનના બોલ પર ઈશાન કિશન પોતાની વિકેટ ગુમાવી બેઠો હતો. ઈશાને આ ખેલાડીના બોલ પર સ્વીપ સ્લોગ શોટ રમીને વિરોધીને પોતાની વિકેટ ભેટમાં આપી હતી. અહીં મોટી વાત એ છે કે ઈશાન કિશને આ શોટ ત્યારે રમ્યો જ્યારે તેની ટીમ પહેલા જ પાંચ વિકેટ ગુમાવી ચૂકી હતી. ઈશાન માટે આ ટૂર્નામેન્ટ ઘણી મહત્વની છે. જો તે આ ટૂર્નામેન્ટમાં રન બનાવશે તો આવતા મહિને બાંગ્લાદેશ સામેની T20 શ્રેણીમાં ટીમ ઈન્ડિયામાં વાપસી કરી શકે છે.

ઝારખંડની ટીમ મુશ્કેલીમાં

મેચની વાત કરીએ તો ઝારખંડની ટીમ મોટી મુશ્કેલીમાં ફસાઈ ગઈ. જ્યારે ઈશાન કિશન આઉટ થયો ત્યારે ટીમનો સ્કોર માત્ર 145 રન હતો. આ પછી, સમાચાર લખાય છે ત્યાં સુધી, ટીમે 171 રનમાં 8 વિકેટ ગુમાવી દીધી હતી. ઝારખંડ તરફથી એકમાત્ર ઓપનર શરણદીપ સિંહે શાનદાર 8 ઈનિંગ રમી હતી. આ જમણા હાથના બેટ્સમેને 151 બોલમાં 78 રન બનાવ્યા હતા.

આ પણ વાંચો: જેને ભારત-પાકિસ્તાન સાથે છે ગાઢ સંબંધ, તે હવે બાંગ્લાદેશમાં ક્રિકેટ ચલાવશે

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો