IPL 2026 માં RCB vs CSK વચ્ચેની મેચમાં એક ભૂલ અને 16 બોલમાં 8 છગ્ગા, એક ઓવરમાં 30 રન, ચેન્નાઈને પડી માર

RCB અને CSK વચ્ચે રમાયેલી IPL 2026 ની મેચમાં એક એવી ધમાકેદાર ઇનિંગ્સ જોવા મળી કે જેના કારણે આખી મેચનો દિશા જ બદલાઈ ગયો. શરૂઆતમાં એવું લાગતું હતું કે બેંગ્લોર માટે મોટો સ્કોર બનાવવો મુશ્કેલ રહેશે, કારણ કે પ્રથમ ત્રણ ઓવરમાં એકપણ બાઉન્ડ્રી આવી નહોતી. પરંતુ ત્યારબાદ જે બન્યું તે IPL ઈતિહાસમાં યાદગાર બની ગયું.

Royal Challengers Bengaluru એ પહેલા બેટિંગ કરતા ધીમો પ્રારંભ કર્યો હતો, પરંતુ ચોથી ઓવરથી મેચનો રંગ બદલાઈ ગયો. ખાસ કરીને અંતિમ ઓવરોમાં ટીમના વિસ્ફોટક બેટ્સમેન ટિમ ડેવિડે જે તોફાની બેટિંગ કરી, તેનાથી Chennai Super Kings ના બોલરો સંપૂર્ણ રીતે દબાઈ ગયા.

15મી ઓવરમાં દેવદત્ત પડિકલ આઉટ થયા બાદ ટિમ ડેવિડ ક્રિઝ પર આવ્યો. શરૂઆતમાં તે થોડો સંઘર્ષ કરતો દેખાયો હતો અને પહેલા થોડા બોલમાં ખાસ રન બનાવી શક્યો નહોતો. પરંતુ 17મી ઓવરથી તેની બેટિંગમાં જબરદસ્ત ફેરફાર આવ્યો. સ્પિનર નૂર અહેમદ સામે તેણે સતત ત્રણ છગ્ગા ફટકારીને તોફાનની શરૂઆત કરી.

ફ્રી હિટ પર તેણે છગ્ગો ફટકાર્યો

18મી ઓવરમાં CSK પાસે ડેવિડને આઉટ કરવાની મોટી તક હતી, પરંતુ અંશુલ કંબોજ દ્વારા ફેંકાયેલ નો-બોલે આખી મેચનો ટર્નિંગ પોઇન્ટ બની ગયો. બોલ્ડ થયા બાદ પણ નો-બોલને કારણે ડેવિડને જીવદાન મળ્યું, અને ત્યારબાદ ફ્રી હિટ પર તેણે છગ્ગો ફટકારીને દબાણ વધાર્યું.

આ પછી 19મી ઓવરમાં ડેવિડે જેમી ઓવરટન સામે પૂરેપૂરી તાકાતથી હુમલો કર્યો. તેણે આ ઓવરમાં ચાર છગ્ગા અને એક ચોગ્ગા ફટકારીને કુલ 30 રન બનાવ્યા. 17મી ઓવરની શરૂઆતથી 19મી ઓવર સુધી તેણે કુલ 16 બોલમાં 8 છગ્ગા અને 2 ચોગ્ગા ફટકાર્યા, જે ખરેખર અદ્ભુત પ્રદર્શન હતું.

ઇનિંગના છેલ્લે બોલ પર ચોગ્ગો ફટકાર્યો

ડેવિડની આ વિસ્ફોટક ઇનિંગ્સના કારણે તે માત્ર 23 બોલમાં 65 રન સુધી પહોંચી ગયો. ખાસ વાત એ હતી કે જ્યાં કેપ્ટન રજત પાટીદાર 40 રન પર હતા, ત્યાં ડેવિડ છેલ્લી ઓવરોમાં આગળ નીકળી ગયો. ઇનિંગના છેલ્લે બોલ પર ચોગ્ગો ફટકારીને તેણે ટીમને 250 રન સુધી પહોંચાડી.

આ સ્કોર માત્ર મોટો જ નહોતો, પરંતુ IPL ના 17 વર્ષના ઇતિહાસમાં CSK સામે કોઈપણ ટીમ દ્વારા બનાવવામાં આવેલો સૌથી મોટો સ્કોર બની ગયો. એક નાની ભૂલ અને એક નો-બોલ કેવી રીતે આખી મેચને બદલી શકે છે, તેનું આ મેચ જીવંત ઉદાહરણ બની રહી.

Breaking News : IPL 2026 માં વિરાટ કોહલીએ તોડ્યો રોહિત શર્માનો મોટો રેકોર્ડ