IPL 2021: સનરાઇઝર્સ હૈદરાબાદ ભલે 1 મેચ જીતી હોય, પરંતુ પ્લેઓફ માટે આ એક દરવાજો હજુ ખુલ્લો, જાણો પોઇન્ટનો ખેલ
ઓરેન્જ આર્મી તરીકે પ્રખ્યાત SRH અત્યાર સુધી રમાયેલી 9 મેચમાંથી માત્ર એક જ મેચ જીત્યું છે. IPL ના ઇતિહાસમાં આ પહેલા કોઇ ટીમની આવી ખરાબ હાલત થઇ નથી.
IPL 2021 સનરાઇઝર્સ હૈદરાબાદ (Sunrisers Hyderabad) માટે તે જ રીતે ચાલે છે, જેમ IPL 2020 ની સિઝન ચેન્નાઇ સુપર કિંગ્સ (Chennai Super Kings) માટે હતી. ઓરેન્જ આર્મી તરીકે જાણીતી આ ટીમ અત્યાર સુધી રમાયેલી 9 મેચમાંથી માત્ર એક જ જીતવામાં સફળ રહી છે. આઇપીએલના ઇતિહાસમાં આ પહેલા કોઇ ટીમ સાથે આવી ખરાબ હાલત થઇ નથી. CSK પણ નહીં, જેણે પાછલી સિઝનમાં તેનો સૌથી ખરાબ તબક્કો જોયો. સનરાઇઝર્સ પહેલા કોઇ ટીમ એવી નહોતી કે તેણે અગાઉ રમાયેલી 9 મેચમાંથી માત્ર 1 જ જીતી હોય.
આ જ કારણ છે કે ઓરેન્જ આર્મી પણ પોઈન્ટ ટેલીના તળિયે છે. આવી સ્થિતિમાં, મોટો સવાલ એ છે કે, આ ટીમ પ્લે-ઓફની રેસમાંથી બહાર કેમ નથી? તે હજી પણ અંતિમ ચારમાં સ્થાન મેળવવાની રેસમાં કેમ છે? તો આની પાછળ IPL 2021 માં ગ્રુપ સ્ટેજનું ગણિત છે.
હવે તે ગણિત શું છે, ફક્ત તેને સમજો. તમામ ટીમોએ ગ્રુપ સ્ટેજની 14 મેચમાંથી 9 કે તેથી વધુ મેચ રમી છે. સનરાઇઝર્સ હૈદરાબાદે તેની 9 મેચ રમી છે. આમાં તેણે 8 ગુમાવી છે. એટલે કે, માત્ર 1 જીત મેળવી છે. અને આમ 2 પોઈન્ટ મેળવીને પોઈન્ટ ટેલીના તળિયે છે. પરંતુ આ ટીમ ફર્શ થી અર્શ સુધી પહોંચી શકે છે. હજુ પણ આ ટીમ પાસે 12 પોઈન્ટ એકત્ર કરવાની તક છે. આ ત્યારે થઇ શકે છે જ્યારે તે તેની આગામી પાંચ મેચો જીતી લે.
હવે ફક્ત વર્ષ 2019 ની IPL સિઝન યાદ રાખો. 12 પોઇન્ટ સાથે જ તો સનરાઇઝર્સ પ્લે-ઓફ માટે ક્વોલિફાય થયુ હતુ. તો પછી આ વખતે કેમ નહીં? આ કેવી રીતે શક્ય છે, તેના માટે, બાકીની ટીમોના સમીકરણને સમજો.
SRH પ્લેઓફ રમવાનું સમીકરણ
10 મેચ બાદ દિલ્હી કેપિટલ્સના 16 પોઇન્ટ છે. આ દરમ્યાન CSK ના 9 મેચમાં 14 પોઇન્ટ. તેમની આગામી તમામ મેચ જીતવાની સાથે, SRH એ પણ આશા રાખવી પડશે કે, આ બે ટીમો 22 થી વધુ પોઈન્ટ એકત્રિત ના કરે. આ સિવાય, KKR અને પંજાબ કિંગ્સ હવે તેમની બાકીની મેચોમાંથી માત્ર એક વધુ જીતે છે, તો બંનેના 10 પોઇન્ટથી વધુ ના હોઈ શકે. RCB એ આગામી 5 મેચમાં માત્ર 1 વધુ જીત મેળવે, એટલે કે તેના 12 પોઈન્ટથી વધુ ના હોવા જોઈએ. જ્યારે મુંબઈ અને રાજસ્થાન આગામી 5 મેચમાંથી 2 વધુ જીતી ગયા. જેથી તેમની પાસે પણ માત્ર 12 પોઇન્ટ હોય. જો આવું થાય, તો SRH નુ કામ બની શક અને તેઓ પ્લેઓફમાં પહોંચી શકે છે.