Breaking News: ભારતીય બોલરે એક જ ઇનિંગ્સમાં 9 વિકેટ લીધી, રજત પાટીદારની સેના ઘૂંટણિયે આવી

રણજી ટ્રોફી 2026-27ના ચોથા રાઉન્ડમાં એક મુકાબલો વિદર્ભ અને મધ્યપ્રદેશ વચ્ચે રમાઈ રહ્યો છે. નાગપુર ખાતે રમાઈ રહેલા આ મુકાબલામાં મધ્યપ્રદેશની પૂરી ટીમ પ્રથમ ઇનિંગ્સમાં માત્ર 209 રન બનાવીને ઓલઆઉટ થઈ ગઈ હતી.

મધ્યપ્રદેશ તરફથી અથર્વ મહાજને સૌથી વધુ રન બનાવ્યા હતા. વિદર્ભના બોલર હર્ષ દુબેએ પોતાની ઘાતક બોલિંગથી કહેર વર્તાવતા એકલા હાથે મધ્યપ્રદેશના 9 ખેલાડીઓને પેવેલિયનનો રસ્તો બતાવ્યો હતો. હર્ષ દુબેએ આ જ વર્ષે અફઘાનિસ્તાન સામેની સિરીઝમાં ઇન્ટરનેશનલ ડેબ્યૂ કર્યું હતું.

મુકાબલામાં મધ્યપ્રદેશની ખરાબ શરૂઆત

મેચની શરૂઆતમાં મધ્યપ્રદેશની ટીમે ટોસ જીતીને પહેલા બેટિંગ કરવાનો નિર્ણય કર્યો હતો. જો કે, શરૂઆત સારી રહી નહોતી અને નચિકેત ભુતેએ યશ દુબેને આઉટ કરીને પહેલો ઝટકો આપ્યો, જે 12 બોલમાં 5 રન બનાવીને આઉટ થયો હતો.

આ પછી હર્ષ દુબેએ ચંચળ રાઠોડને આઉટ કર્યો, જેણે 13 રન બનાવ્યા. આ સિવાય સક્ષમ પુરોહિત 21 રન અને કેપ્ટન રજત પાટીદાર માત્ર 2 રન બનાવીને પેવેલિયન પરત ફર્યા હતા. પાટીદાર પાસેથી મોટી ઇનિંગ્સની અપેક્ષા હતી પરંતુ તે ફ્લોપ રહ્યો હતો.

અથર્વ મહાજને બનાવ્યા સૌથી વધુ રન

મધ્યપ્રદેશ તરફથી બેટિંગ કરતા શુભમ શર્માએ 35 બોલમાં 16 રન, સારાંશ જૈને 41 બોલમાં 34 રન અને અરશદ ખાને 34 બોલમાં 12 રન બનાવ્યા હતા. આ ઉપરાંત, કુમાર કાર્તિકેયે 7 રન અને રવિ કિરણે 1 રન બનાવ્યો હતો.

અથર્વ મહાજને શાનદાર બેટિંગ કરતા 123 બોલમાં સૌથી વધુ 85 રન બનાવ્યા, તેણે પોતાની ઇનિંગ્સમાં 5 ચોગ્ગા અને 3 છગ્ગા ફટકાર્યા હતા. અંતે આવેશ ખાન 15 બોલમાં 13 રન બનાવીને અણનમ રહ્યો હતો.

હર્ષ દુબેએ ઝડપી 9 વિકેટ

વિદર્ભ તરફથી બોલિંગમાં હર્ષ દુબેએ કહેર વર્તાવતા 23.1 ઓવરમાં માત્ર 53 રન આપીને 9 વિકેટ ઝડપી હતી. 1 વિકેટ નચિકેત ભુતેને મળી હતી, જેણે 46 રન આપ્યા હતા.

જો કે, વિદર્ભના બાકીના બોલરો જેવા કે રજનીશ ગુરબાની, દર્શન નલકંડે, અમાન મોખાડે અને પાર્થ રેખાડેને કોઈ વિકેટ મળી નહોતી. જવાબમાં પ્રથમ દિવસની રમત પૂરી થવા સુધી વિદર્ભે 4 વિકેટના નુકસાન પર 52 રન બનાવી લીધા છે.

Breaking News: CSK ‘મોટો દાવ’ રમવા તૈયાર… 14.2 કરોડનો ખેલાડી થશે ‘બહાર’, સુધારશે ગત ઓક્શનની ‘ભૂલ’