IND vs WI : 452 દિવસ પહેલા તિલક વર્મા સાથે એવું શું થયું જેણે બદલ્યું તેનું જીવન?
તિલક વર્માએ વેસ્ટ ઈન્ડિઝ સામેની પ્રથમ T20 મેચમાં 39 રનની શાનદાર ઈનિંગ રમી હતી, જ્યારે બીજી T20માં તેણે માત્ર અડધી સદી ફટકારી હતી. જાણો આ ખેલાડીની સફળતાનું રહસ્ય અને શા માટે તિલક છે ટીમ ઈન્ડિયા માટે મોટી શોધ?
ઉંમર માત્ર 20 વર્ષ પરંતુ બેટિંગ અદભૂત અને અજોડ. વાત કરવામાં આવી રહી છે ટીમ ઈન્ડિયાના યુવા ખેલાડી તિલક વર્માની, જેણે વેસ્ટ ઈન્ડિઝ વિરુદ્ધ બીજી T20માં 51 રનની શાનદાર ઈનિંગ રમી હતી. ટીમ ઈન્ડિયાને વેસ્ટ ઈન્ડિઝ સામેની પ્રથમ બે T20 મેચમાં હારનો સામનો કરવો પડ્યો છે. પરંતુ તેને તિલક વર્માના રૂપમાં એક મોટો ખેલાડી પણ મળ્યો છે. જો કે તિલક વર્માએ માત્ર બે T20 મેચ રમી છે, પરંતુ તેણે જે પ્રકારની રમત દેખાડી છે તે જોઈને આ ખેલાડીને ટીમ ઈન્ડિયાનો આગામી સુપરસ્ટાર કહેવામાં આવી રહ્યો છે.
જ્યારે રોહિતે તિલકની પ્રશંસા કરી હતી
12 મે, 2022, આ એ તારીખ છે જ્યારે તિલક વર્માને ટીમ ઈન્ડિયાના કેપ્ટન રોહિત શર્મા પાસેથી તેના વખાણ સાંભળવા મળ્યા. રોહિત શર્માએ IPL દરમિયાન આખી દુનિયાની સામે આ વાત કહી હતી કે તિલક વર્મા એવો ખેલાડી છે જે ત્રણેય ફોર્મેટમાં ટીમ ઈન્ડિયા માટે નામ કમાઈ શકે છે. રોહિતે કહ્યું હતું કે તિલક વર્મા માત્ર 19 વર્ષનો છે અને તે ખૂબ જ શાંત મનથી રમે છે. મને લાગે છે કે તિલક વર્મા ટૂંક સમયમાં ટીમ ઈન્ડિયા માટે ત્રણેય ફોર્મેટમાં રમશે. રોહિતે તિલકના સ્વભાવ અને ટેકનિકના વખાણ કર્યા હતા. રોહિતના મતે, તિલક પાસે તે બધું છે જે એક સફળ બેટ્સમેનને આંતરરાષ્ટ્રીય ફોર્મેટમાં જોઈએ છે.
તિલક વર્માને રોહિતની વાત યાદ આવી
ગયાનામાં વેસ્ટ ઈન્ડિઝ વિરુદ્ધ અડધી સદી ફટકાર્યા બાદ તિલક વર્માને રોહિત શર્માની આ જ વાત યાદ આવી ગઈ હતી. તિલક વર્માએ કહ્યું કે જ્યારે રોહિતે તેને કહ્યું કે તે ઓલ ફોર્મેટનો ખેલાડી છે તો તેના પછી તેનો આત્મવિશ્વાસ ઘણો વધી ગયો. તિલક વર્માએ કહ્યું કે રોહિત શર્માએ તેને કહ્યું હતું કે તેણે તેની રમતમાં સતત સારું પ્રદર્શન કરવાની કુશળતા લાવવી જોઈએ. માત્ર રમતના મેદાનમાં જ નહીં, મેદાનની બહાર પણ તેણે શિસ્તબદ્ધ રહેવું પડશે. તિલકે રોહિતની વાત માની અને તેણે પ્રથમ T20 ઇન્ટરનેશનલ મેચોમાં જ પોતાનું કૌશલ્ય સાબિત કર્યું.
તિલક વર્મા લાંબી રેસનો ઘોડો
સૌથી મોટી વાત એ છે કે તે ડાબોડી બેટ્સમેન છે જે મિડલ ઓર્ડરમાં સારી બેટીન કરી શકે છે. તિલકમાં મુશ્કેલ પરિસ્થિતિઓમાં પણ બેટિંગ કરવાની ક્ષમતા છે. ઉપરાંત, તે નંબર 3 થી નંબર 6 સુધી ગમે ત્યાં બેટિંગ કરી શકે છે. ગ્રાઉન્ડ શોટ સિવાય તિલક પાસે મોટી હિટ લગાવવાની ક્ષમતા પણ છે. તેણે પોતાની T20 કારકિર્દીની શરૂઆત સિક્સરથી કરી હતી.
આ પણ વાંચોઃ શાહીન આફ્રિદીને 95 મીટર સિક્સ ફટકારી, આ બેટ્સમેને ટીમને હારમાંથી બચાવી, જુઓ Video
ટીમ ઈન્ડિયાને એક સારો ખેલાડી મળ્યો
તિલક માત્ર 20 વર્ષનો છે અને તેની ફિટનેસ જબરદસ્ત છે. તમે ફિટનેસના આધારે જ આંતરરાષ્ટ્રીય ક્રિકેટમાં ત્રણેય ફોર્મેટ રમી શકો છો. સ્પષ્ટ છે કે તિલકના રૂપમાં ટીમ ઈન્ડિયાને એક સારો ખેલાડી મળ્યો છે. એવી અપેક્ષા રાખવામાં આવે છે કે મેનેજમેન્ટ આ ખેલાડીને યોગ્ય રીતે તૈયાર કરશે, તેને સુધારશે અને તેને યોગ્ય તકો આપીને રોહિત શર્માની વાત પણ સાચી સાબિત થશે.
