India vs Pakistan Live Score Highlights : રવિન્દ્ર જાડેજા અને હાર્દિક પંડ્યાના રમતે ભારતને 5 વિકેટે વિજય અપાવ્યો

અંતમાં હાર્દિક પંડ્યાએ શાનદાર છગ્ગો જમાવી દીધો હતો. આ સાથે જ ભારતે 5 વિકેટે જીત મેળવી હતી.

રવિન્દ્ર જાડેજાએ શાનદાર ઈનીંગ રમીને ટીમને લક્ષ્યની નજીક લાવી દીધી છે, અહીં લાવીને પોતાની વિકેટ ગુમાવી છે. 29 બોલમાં 35 રન નોંધાવીને જાડેજા પરત ફર્યો છે.

હરિસ રઉફ 19મી ઓવર લઈને આવ્યો હતો. જે ઓવરમાં એક બાદ એક એક બે ચોગ્ગા હાર્દિક પંડ્યાએ જમાવી દીધા છે. પહેલા ડીપ એક્સ્ટ્રા કવર પર અને બાદમાં ડીપ મીડ વિકેટ પર ઓવરના ત્રીજા અને ચોથા બોલ પર ચોગ્ગા જમાવ્યા હતા. ઓવરના અંતિમ બોલ પર હાર્દિકે વધુ એક ચોગ્ગો જમાવી દીધો હતો

નસીમ શાહ 18મી ઓવર લઈને આવ્યો હતો. આ ઓવરના પાંચમાં બોલ પર છગ્ગો ફટકાર્યો હતો. જાડેજાએ સ્લોગ કરીને બોલરના ઉપરથી બોલને છ રન માટે મોકલ્યો હતો.

18મી ઓવરના પહેલા બોલ પર વાઈડ. આ પછી નસીમ શાહે આગલા બોલ પર ચોગ્ગો સહેવો પડ્યો. જાડેજાએ એક્સ્ટ્રા કવર પર શાનદાર શોટ રમ્યો અને ચોગ્ગો ફટકાર્યો. જો કે પછીના બોલ પર નસીમ શાહ ઈજાગ્રસ્ત થયો હતો.

17મી ઓવરમાં હરિસ રઉફે 9 રન આપ્યા હતા. આ ઓવર ખૂબ જ ઇકોનોમી હતી જેણે ચોક્કસપણે ભારત માટે તણાવમાં વધારો કર્યો છે. આ ઓવરમાં બે બોલ વાઈડ હતા. ભારતે 18 બોલમાં 32 રન બનાવવાના છે

નસીમ શાહ 15 મી ઓવર લઈને આવ્યો હતો. જેના પર નસીમે રુમ બનાવી આપતા જ તેનો હાર્દિકે પૂરો ફાયદો ઉઠાવીને કટ કરી દઈ બોલને પોઈન્ટ પાસે શાનદાર ચોગ્ગો ફટકાર્યો હતો.

નસીમ શાહે 15મી ઓવરમાં સૂર્યકુમાર યાદવને બોલ્ડ કર્યો હતો. સૂર્યા મિડ ઓન પર બોલ રમવાનો પ્રયાસ કરી રહ્યો હતો પરંતુ તે ચૂકી ગયો અને બોલ સ્ટમ્પ સાથે અથડાયો. સૂર્યાએ 18 બોલમાં 18 રન બનાવ્યા બાદ પરત જવું પડ્યું હતું. સૂર્યાએ ઇનિંગમાં બાઉન્ડ્રી ફટકારી હતી

12 ઓવર લઈને મોં. નવાઝ આવ્યો હતો., ઓવરના ત્રીજા બોલ પર રવિન્દ્ર જાડેજાએ આગળ નિકળીને તાકાત પૂર્વક શોટ રમીને બાઉન્ડરી મેળવી હતી. બોલરના બંને પગ વચ્ચે થઈને બોલ સીધો જ બાઉન્ડરીની પાર પહોંચ્યો હતો.

શાદાબે 11મી ઓવરમાં સાત રન આપ્યા હતા. ઓવરના ચોથા બોલ પર સૂર્યકુમાર યાદવે સ્વીપ કરીને ચોગ્ગો ફટકાર્યો. શાનદાર શોટ. સૂર્યકુમાર લાંબા સમયથી સારા ફોર્મમાં છે, તેથી તેની પાસેથી ઘણી આશાઓ છે.

નવાઝ લઈને આવેલ 10મી ઓવરના ચોથા બોલ પર રવિન્દ્ર જાડેજાએ છગ્ગો ફટકાર્યો છે. ફુટવર્કનો ઉપયોગ કરીને ઉઠાવીને છગ્ગો ફટકાર્યો છે. આ ઓવરના પહેલા બોલે જ નવાઝે કોહલીની વિકેટ ઝડપી હતી.

વિરાટ કોહલી પણ હવે પરત ફર્યો છે. તેણે બેટથી સતત રન નિકાળ્યા બાદ વિકેટ ગુમાવી છે. રોહિત શર્મા બાદ મહત્વની વિકેટ ભારતે ગુમાવી છે. થોડાક આગળ આવીને ઈનસાઈડ આઉટ ડ્રાઈવ લગાવવાના પ્રયાસમાં ટાઈમીંગ નહીં કરી શકતા લોંગઓફમાં ઈફ્તિખારના હાથમાં કેચ ઝડપાયો હતો.

રોહિત શર્મા એ છગ્ગો જમાવ્યા બાદ વિકેટ ગુમાવી દીધી છે. ફરી એકવાર મોટો શોટ ફટકારવાના પ્રયાસમાં તેણે વિકેટ ગુમાવી છે. નવાઝના બોલને આગળ આવીને લોંગ આફ પર ફટકારવા જતા યોગ્ય ટાઈમીંગ નહીં જાળવી શકતા તે ઇફ્તિખારના હાથમાં કેચ ઝડપાયો હતો.

7મી ઓવર લઈને મોહમ્મદ નવાઝ આવ્યો છે. જેની ઓવરના ચોથા બોલ પર રોહિત શર્માએ છગ્ગો ફટકાર્યો હતો. આ પહેલા પણ રોહિતે નવાઝ પર છગ્ગો લગાવાનો પ્રયાસ કર્યો હતો. પરંતુ બોલ બાઉન્ડરીની અંદર રહ્યો હતો. નવાઝ પર લોંગ ઓન પર શાનદાર છગ્ગો લગાવતા દર્શકો પણ ખુશ થઈ ગયા હતા.

છઠ્ઠી ઓવરના બીજા બોલ પર વિરાટ કોહલીએ ચાર રન મેળવ્યા હતા. હરિસ રઉફ આ ઓવર લઈને આવ્યો હતો. કોહલીએ તેના પસંદગીના શોટ વડે શાનદાર બાઉન્ડરી મેળવી હતી. ઓન સાઈડ પર ફ્લિક કરી દઈને હવામાં શોટ મારી લોંગ ઓનમાં ચાર રન મેળવ્યા હતા.

પાચમી ઓવર લઈને શાહનવાઝ દહાની આવ્યો હતો. ઓવરના ચોથા બોલ પર કોહલીએ ચોગ્ગો ફટકાર્યો હતો. ડીપ પોઈન્ટની દીશામાં ઉઠાવીને શોટ લગાવીને આ બાઉન્ડરી ફટકારી હતી.

વિરાટ કોહલીએ હારિસ રઉફના બોલ પર છગ્ગો જમાવી દીધો છે. કોહલી બાઉન્સર બોલને પુલ કરવા ઈચ્છતો હતો. પરંતુ બેટની ઉપરની કિનારીને અડીને બોલ સીધો જ છગ્ગાના રુપમાં બાઉન્ડરીની પાર પહોંચ્યો હતો.

શાહનવાઝ દહાનીએ બીજી ઓવરમાં 7 રન આપ્યા હતા. ઓવરના પાંચમા બોલ પર કોહલીએ પુલ કરીને મિડ-વિકેટ પર ચોગ્ગો ફટકાર્યો. ટીમ ઈન્ડિયા માટે અહીં આવા જ શોટની જરૂર હતી. પાકિસ્તાન તરફથી ઘણી આક્રમક બોલિંગ થઇ રહી છે.

નસીમની ઓવરમાં કોહલીને પણ મોટું જીવન મળ્યું. કોહલી ઓવરના ચોથા બોલ પર ડ્રાઇવ કરવાનો પ્રયાસ કરી રહ્યો હતો. બોલ બેટના કિનારે વાગ્યો હતો પરંતુ ફખર ઝમાન કેચ લઈ શક્યો ન હતો. તે જ સમયે, છેલ્લા બોલ પર રોહિત સામે જોરદાર અપીલ કરવામાં આવી હતી પરંતુ અમ્પાયરે આઉટ આપ્યો ન હતો. પાકિસ્તાનની જેમ ભારતની પ્રથમ ઓવરમાં પણ ઘણો ડ્રામા થયો હતો.

ભારતને પ્રથમ ઓવરના બીજા બોલ પર ઝટકો લાગ્યો છે. કેએલ રાહુલની વિકેટ ભારતે એક રનના સ્કોર પર જ ગુમાવી દીધી છે. રાહુલના બેટને નસીમ શાહનો ઝડપી બોલ અડકીને સીધો જ સ્ટંપમાં જઈને ઘૂસતા બોલ્ડ થયો હતો. આમ રાહુલ ગોલ્ડન ડક પરત ફર્યો હતો.

ભારતની બેટિંગ શરૂ થઈ ગઈ છે. કેપ્ટન રોહિત શર્મા અને કેએલ રાહુલ ઓપનિંગ કરવા મેદાનમાં ઉતર્યા છે. પાકિસ્તાન તરફથી ડેબ્યૂ કરી રહેલ નસીમ શાહ ઓવર લઈને આવી રહ્યો છે.

પાકિસ્તાનની ઇનિંગ 147 રનમાં સમાપ્ત. પાકિસ્તાન 147/10 (19.5). ભૂવનેશ્વરે લીધી 4 તો હાર્દિકની 3 વિકેટ. રિઝવાનના સર્વાધિક 43 રન.

દહાનીનો અંતિમ ઓવરમાં આક્રમક અંદાજ, ફટકારી સિક્સ.

ભૂવનેશ્વરે બે બોલમાં ઝડપી બે વિકેટ. પાકિસ્તાનની 9 વિકેટ આઉટ. પાકિસ્તાન 136/9 (19).

શાદાબ ખાનને ભૂવનશ્વરે કર્યો આઉટ. શાદાબ 10 રન કરી LBW આઉટ.

હેરિસ રોફની શાનદાર બેટિંગ. એક ઓવરમાં ફટકારી બે ફોર. પાકિસ્તાનનો સ્કોર 124-7(18)

પાકિસ્તાનની નિરાશાજનક બેટિંગ યથાવત, 7 મી વિકેટ ગુમાવી. નવાઝ 1 રન કરી આઉટ. અર્શદિપ સિંહે લીધી વિકેટ. પાકિસ્તાનનો સ્કોર 116/7 (17.2).

ભૂવનેશ્વર કુમારને મળી સફળતા. આસિફ અલી 9 રન કરી આઉટ. ભૂવનેશ્વરની બીજી સફળતા. પાકિસ્તાનનો સ્કોર 114/6 (17)

હાર્દિકે 4 ઓવરમાં 3 વિકેટ ઝડપી 25 રન આપ્યા. પાકિસ્તાનનો સ્કોર 111/5 (16).

રિઝવાન બાદ ખુશદિલ પણ આઉટ. પાકિસ્તાનની સ્થિતિ ખરાબ 97/5 (14.3).

હાર્દિકનો ઇકોનોમિકલ સ્પેલ. 3 ઓવરના અંતે 1 વિકેટ લઇ 18 રન આપ્યા.

હાર્દિકે અપાવી મહત્વપૂર્ણ સફળતા. આક્રમક થઇ રહેલા ઇફ્તિખાર આઉટ; પાકિસ્તાન 87/3 (12.1).

રિઝવાનની ધીમી બેટીંગ યથાવત. રિઝવાન 36 (36), ઇફ્તિખાર 28 (21).

ચહલની ઓવરમાં ઇફ્તિખારનો આક્રમિક શોટ.

રિઝવાનની ફોર. આવેશ ખાનની ખરાબ ફિલ્ડીંગ.

સ્પિનરોની ઇકોનોમિકલ બોલિંગ. રિઝવાન 29 (31), ઇફ્તિખાર 16(14).

પાકિસ્તાનનો સ્કોર 63/2(9). રિઝવાન 26 (28), ઇફ્તિખાર 14 (11).

ઇફ્તિખારની બીજી ફોર, ચહલે પ્રથમ ઓવરમાં આપ્યા 8 રન. રિઝવાન 24 (25), ઇફ્તિખાર 13 (8).

સાતમી ઓવરમાં ઇફતિખારની પ્રથમ ફોર. હાર્દિકે આપ્યા 2 ઓવરમાં 15 રન.

વિકેટની પાછળ કાર્તિકે કર્યો કેચ. પાકિસ્તાનનો સ્કોર 43/2 (6).

સિક્સ પછી તરત બીજા બોલે ફોર. પાકિસ્તાન 42/1

પાકિસ્તાનની ધીમી શરૂઆત. ઝમાને ઓવરની પ્રથમ બોલમાં ફોર ફટકારી, પછી ઓવર ઇકોનોમિકલ.

ભારતીય બોલરની ઇકોનોમિકલ શરૂઆત, રનરેટ કાબૂમાં. રિઝવાને ફટકારી પ્રથમ ફોર. રિઝવાન 7 , ઝમાન 4.

બાબર આઝમ 10 રન કરી આઉટ. ભૂવનેશ્વરને સફળતા મળી, અર્શદિપ સિંહે શોર્ટ ફાઇન લેગ પર કર્યો કેચ

ઓવરની અંતે બાબર આઝમના બેટથી શાનદાર ફોર. આઝમ 10, રિઝવાન 2.

પ્રથમ ઓવરની શરૂઆતમાં આપી બે વાઇડ.

પ્રથમ ઓવરમાં બાબર આઝમના બેટથી શાનદાર ફોર.

રિઝવાન સામે ભારતીય ટીમે લીધો રિવ્યુ. વિકેટની પાછળ કેચ માટે રિવ્યુ. થર્ડ અમ્પાયરે નોટ આઉટનો આપ્યો નિર્ણય

રિઝવાનને આઉટ અપાયો LBW. નિર્ણયને કર્યો રિવ્યુ. અમ્પાયરનો નિર્ણય થર્ડ અમ્પાયરે બદલ્યો.

ભૂવનેશ્વર કુમાર કરશે બોલિંગની શરૂઆત, આઝમ અને રિઝવાન કરશે બેટિંગની શરૂઆત.

ગઇકાલે રમાનારી શ્રીલંકા અને અફઘાનિસ્તાન વચ્ચેની મેચથી સ્પષ્ટ છે કે આ મેચમાં સ્પિનરોની ભૂમિકા પણ ઘણી મહત્વની રહેશે. ભારત માટે યુઝવેન્દ્ર ચહલ અને રવિન્દ્ર જાડેજા આ જવાબદારી નિભાવશે.

પાકિસ્તાન: બાબર આઝમ (કેપ્ટન), મોહમ્મદ રિઝવાન (વિકેટકીપર), ફખર ઝમાન, ઇફ્તિખાર અહેમદ, ખુશદિલ શાહ, આસિફ અલી, શાદાબ ખાન, મોહમ્મદ નવાઝ, નસીમ શાહ, હારિસ રઉફ, શહનબાઝ દાહાની.

ભારત: રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, દિનેશ કાર્તિક (વિકેટકીપર), હાર્દિક પંડ્યા, યુઝવેન્દ્ર ચહલ, રવીન્દ્ર જાડેજા, ભુવનેશ્વર કુમાર, આવેશ ખાન, અર્શદીપ સિંહ

ભારત-પાકિસ્તાન એશિયા કપના મુકાબલામાં ભારતે ટોસ જીતીને બોલિંગનો નિર્ણય કર્યો. ઋષભ પંત ટીમમાંથી બહાર અને દિનેશ કાર્તિકને ટીમમાં સ્થાન.

ગૌતમ ગંભીરે મેચની પહેલા કહ્યું કે વિરાટ કોહલીએ ત્રીજા નહી પણ ચોથા નંબરે રમવું જોઇએ. તેમણે ઇચ્છા વ્યક્ત કરી કે સૂર્યકુમાર યાદવને ત્રીજા સ્થાને તક મળે અને વિશ્વ કપ પણ આ સ્થાન પર રમે.

કેપ્ટન રોહિત શર્મા અને કોચ રાહુલ દ્રવિડે પીચનું નિરીક્ષણ કર્યું. બંને ટોસ પહેલા જાણવા માંગશે કે જો ટોસ જીત્યા તો શું નિર્ણય કરવો જોઇએ.

ભારત વિ. પાકિસ્તાન મેચ શરૂ થવા પહેલા બંને ટીમના ક્રિકેટ પ્રેમીઓ પોતાની ટીમનો ઉત્સાહ વધારવા સ્ટેડીયમમાં ભેગા થયા છે. સ્ટેડીયમમાં તો ફેન્સ છે જ પણ સ્ટેડીયમની બહાર અને દુનિયાભરમાં ફેન્સનો ઉત્સાહ જોવા મળી રહ્યો છે.

મેચ માટે ભારત અને પાકિસ્તાનની ટીમ મેદાન પર પહોંચી છે. ખેલાડીઓએ વોર્મ અપ શરૂ કર્યું છે. વિરાટ કોહલી પણ બેટ લઇ મેદાન પર પહોંચી ગયા છે.

પાકિસ્તાન તરફથી આજે 19 વર્ષીય યુવા ફાસ્ટ બોલર નસીમ શાહ ટી20 ડેબયૂ કરવાનો છે. ભારતે તેમના સામે સતર્ક રહેવાની જરૂર છે.

ટીમ ઇન્ડીયાના કેપ્ટન રોહિત શર્મા આજે પ્લેઇંગ ઇલેવનમાં ઋષભ પંતને સ્થાન આપશે કે અનુભવી દિનેશ કાર્તિકને, એ જાણવા ક્રિકેટ ચાહકોમાં ભારે ઉત્સુક્તા છે. બંને ખેલાડી છેલ્લા કેટલા સમયથી શાનદાર પ્રદર્શન કરી રહ્યા છે.

ભારત અને પાકિસ્તાન વચ્ચે ટી20 ફોર્મેટમાં અત્યાર સુધી 9 મેચો રમાઇ છે, જેમાં 6 મેચમાં ભારતની જીત અને ફક્ત બે મેચમાં પાકિસ્તાનને જીત મળી છે. એક મેચ ટાઇ થઇ છે. બંને વચ્ચે છેલ્લી મેચ પણ ટી20 ફોર્મેટમાં રમાઇ હતી જેમાં પાકિસ્તાનની જીત થઇ હતી.

કોંગ્રેસ મહાસચિવ પ્રિયંકા વાડ્રાએ યૂટ્યૂબ પર વીડિયોમાં કહ્યું કે, મારી પાસે એક વિશેષ યાદ છે. ઘણા વર્ષો પહેલા હું ભારત-પાકિસ્તાનની મેચ જોવા કરાચી ગઇ હતી. હું એ ક્ષણને ક્યારે નહીં ભૂલી શકું જ્યારે ભારતે મેચ જીતી હતી.

કોંગ્રેસ નેતા રાહુલ ગાંધીએ વીડિયો શેર કરીને ટીમ ઈન્ડિયાને અભિનંદન પાઠવ્યા છે. તેણે કહ્યું, ‘બધા આ મેચની રાહ જોઈ રહ્યા હતા, તે દિવસ આવી ગયો છે. ટીમ ઈન્ડિયાને મારા તરફથી અભિનંદન.

આ પણ વાંચો : India Vs Pakistan: ભારત સામેની મેચમાં પાકિસ્તાનની ટીમ કાળી પટ્ટી બાંધીને મેચમાં ઉતરશે, જાણો કેમ

આ પણ વાંચો : IND vs PAK: ભારતે આ 4 પડકારને પાર કરવા જરુરી, ત્યાર બાદ ટીમ ઈન્ડિયાની જીત નિશ્ચિત

ટીમ ઈન્ડિયાના મુખ્ય કોચ રાહુલ દ્રવિડનો કોરોના રિપોર્ટ નેગેટિવ આવ્યો છે. તે દુબઈ ગયેલી ભારતીય ટીમમાં સામેલ થઈ ગયો છે. તેમની જગ્યાએ વચગાળાના કોચ VVS લક્ષ્મણ બેંગલુરુ પરત ફર્યા છે.

ભારત અને પાકિસ્તાન વચ્ચે રમાનારી મેચને લઈને માત્ર ક્રિકેટરોમાં જ નહીં પરંતુ ચાહકોમાં પણ ભારે ઉત્સાહ જોવા મળી રહ્યો છે. આનું કારણ એ પણ છે કે બંને વચ્ચે વર્ષોથી દ્વિપક્ષીય સિરીઝ રમાઈ નથી.

પાકિસ્તાનના કેપ્ટન બાબર આઝમે પોતાની ટીમને છેલ્લા વર્લ્ડકપ મેચને યાદ કરવાનું કહ્યું છે. છેલ્લા વર્લ્ડકપમાં પાકિસ્તાનની ટીમે ભારતને દુબઈના જ મેદાનમાં 10 વિકેટથી હરાવ્યુ હતુ. આ જ મેદાન પર આજે ફરી એક વખત બંન્ને ટીમની ટક્કર થશે.

રોહિત શર્મા આ મેચમાં ટી20 ક્રિકેટમાં સૌથી વધુ રન બનાવનાર બેટ્સમેન બની શકે છે. જો મેચમાં રોહિત શર્મા 11 રન બનાવી લે છે તો ન્યૂઝીલેન્ડના માર્ટિન ગુપ્ટિલને પાછળ છોડી શકે છે. ગુપ્ટિલના 3497 રન છે. તે જ સમયે, ભારતીય કેપ્ટનના 3487 રન છે. વિરાટ કોહલી આ મામલે ત્રીજા સ્થાને છે. તેના નામે 3308 રન છે.

મેચ પહેલા પાકિસ્તાન ક્રિકેટ બોર્ડે એક વીડિયો શેર કર્યો છે. જેમાં પાકિસ્તાન ક્રિકેટ ટીમના ચાહકો ઓટોગ્રાફ લેતા જોવા મળી રહ્યા છે. આ વીડિયો શેર કરતા પીસીબીએ ચાહકોને પોતાની અસલી તાકાત ગણાવી છે.

આ પણ વાંચો : Asia Cup 2022માં ધમાલ મચાવશે કોહલી? કેપ્ટન રોહિતે વિરાટના ફોર્મ વિશે આપ્યું મોટું અપડેટ

સચિને 2003 વર્લ્ડ કપનો ફોટો શેર કર્યો છે. આ વર્લ્ડ કપમાં ભારતે સચિનના 98 રનની ઈનિંગની મદદથી પાકિસ્તાનને હરાવ્યું હતું. સચિને શેર કરેલો ફોટો મેચ પછીનો છે, જ્યારે ભારત અને પાકિસ્તાનના ખેલાડીઓ હાથ મિલાવતા હતા.

Waiting for the #INDvsPAK match tonight!🏏 #AsiaCup2022 pic.twitter.com/LCpOS7GwFY

— Sachin Tendulkar (@sachin_rt) August 28, 2022

વિરાટ કોહલીની 100મા ટી20 મેચ પહેલા તેના ખાસ મિત્ર ડી વિલિયર્સે વિરાટને ખાસ શુભકામના પાઠવી છે.

રિકી પોન્ટિંગે ભારત અને પાકિસ્તાન વચ્ચેની મેચ પહેલા સંજના ગણેશન સાથેની વાતચીત દરમિયાન કહ્યું હતું કે, ભારત આ મેચ જીતશે. તેણે કહ્યું કે ભારત-પાકિસ્તાન અને ઓસ્ટ્રેલિયા-ઈંગ્લેન્ડની મેચોનું દબાણ એક સરખું છે, પરંતુ અત્યારે ભારતીય ટીમ વધુ મજબૂત દેખાઈ રહી છે.

એશિયા કપમાં બંને ટીમો વચ્ચે આ 15મી મેચ હશે. આ પહેલા રમાયેલી 14 મેચોમાં 8 મેચ ભારત અને 5 મેચ પાકિસ્તાને જીતી છે. એક મેચ વરસાદને કારણે અનિર્ણિત રહી હતી. ભારત છેલ્લે 2012માં આ ટૂર્નામેન્ટમાં પાકિસ્તાન સામે હારી ગયું હતું.