IND vs WI: U19 World Cup અને IPL એ ખ્યાતિ અપાવી હવે ટીમ ઇન્ડિયાએ દેખાડ્યો ભરોસો, જાણો કેમ છે ખાસ આ 21 વર્ષનો સ્ટાર બોલર

ભારત ક્રિકેટની દુનિયામાં તેના બેટ્સમેન તેમજ સ્પિન બોલરો માટે પ્રખ્યાત છે. તેની પાસે ક્યારેય સારા બેટ્સમેન અને સ્પિનરોની કમી નહોતી. તાજેતરમાં, થોડા સમય પહેલા, આર અશ્વિન , રવિન્દ્ર જાડેજા, યુઝવેન્દ્ર ચહલ અને કુલદીપ યાદવ (Kuldeep Yadav) પછી ભારતનો આગામી સ્પિન પ્લાન્ટ ક્યાં છે તે અંગે ચિંતા હતી. પરંતુ તાજેતરની IPL 2021 જોયા પછી, આ ચિંતામાં કોઈ યોગ્યતા હોય તેવું લાગતું નથી. વેસ્ટ ઇન્ડિઝ (West Indies) સામેની ઘર આંગણે રમાનારી વ્હાઇટ બોલ સિરીઝ માટેની ભારતીય ટીમ જાહેર થઇ ચુકી છે. જેમાં રવિ બિશ્નોઇ ( Ravi Bishnoi) નો સમાવેશ કર્યો છે. તેને હમણાં જ લખનઉની આઇપીએલ ટીમે પોતાની સાથે જોડ્યો છે.

નવા સ્પિનના જાદુગરો રાહુલ ચહર, વરુણ ચક્રવર્તી, હરપ્રીત બ્રાર, શાહબાઝ અહેમદના રૂપમાં દેખાયા છે. પરંતુ તેમની વચ્ચે એક એવો બોલર છે જેની ચર્ચા બહુ ઓછી થાય છે પરંતુ તે લાંબી રેસનો ઘોડો લાગે છે. રાજસ્થાનનના જોધપુર થી આવતો રવિ લેગ સ્પિનર છે અને તે અંડર-19 ક્રિકેટ વડે ચર્ચામાં છવાયો હતો. જેના થકી જ તે આઇપીએલમાં પ્રવેશ મેળવી શક્યો હતો. અહીં માત્ર બે સિઝનમાં રવિ બિશ્નોઈએ સાબિત કર્યું કે ભારતની સ્પિન ભવિષ્યને સંભાળવાની ક્ષમતા ધરાવે છે.

IPL માં રવિ બિશ્નોઈનું પ્રદર્શન

રવિ બિશ્નોઈ અત્યાર સુધી આઈપીએલમાં પંજાબ કિંગ્સ માટે 21 મેચ રમી ચૂક્યો છે. આમાં તેના નામે 23 વિકેટ છે. તે દર 20મા બોલ પછી એક વિકેટ લે છે અને એક વિકેટ માટે લગભગ 21 રન ખર્ચે છે. તેની ઇકોનોમી પણ શાનદાર છે અને તેણે IPLમાં પ્રતિ ઓવર 6.89 રન ખર્ચ્યા છે. સૌથી સારી વાત એ છે કે આ 21 વર્ષીય બોલર પોતાની જાતને ઝડપથી સુધારે છે. આંકડાઓ પર નજર કરીએ તો ખબર પડે છે કે IPL 2020માં તેણે 14 મેચ રમી અને 12 વિકેટ લીધી. ત્યારે તેની એવરેજ 31થી ઉપર હતી અને ઈકોનોમી પણ 7.37 હતી.

હવે જો IPL 2021 ની વાત કરીએ તો તેના આંકડા સંપૂર્ણપણે બદલાઈ ગયા છે. આ સિઝનમાં તેણે સાત મેચ રમી છે અને 11 વિકેટ લીધી છે. આ સિઝનમાં તેની એવરેજ 14.71 રહી છે, ત્યારબાદ ઇકોનોમી પણ છ થઈ ગઈ છે. એટલે કે ગત સિઝનની સરખામણીએ હવે તે એક વિકેટ માટે માત્ર 14.72 રન જ ખર્ચે છે. ઉપરાંત, દરેક 15મા બોલ પર વિકેટ મેળવે છે.

ગુગલી એ રવિની સૌથી મોટી તાકાત છે

પ્રથમ નજરમાં, બિશ્નોઈની એક્શન પરંપરાગત રીતે તદ્દન અવ્યવસ્થિત લાગે છે. બોલ ફેંકતી વખતે, તેનું શરીર અને માથું ડાબી બાજુ પડે છે જે સીધો રહેવો જોઈએ. પરંતુ આ ક્રિયાને કારણે ગુગલી રવિ બિશ્નોઈની સૌથી મોટી તાકાત બની જાય છે. આ કારણે બોલ ખૂબ જ ઝડપથી ટર્ન થાય છે. તેની મોટાભાગની વિકેટ આ બોલના બળ પર જ મળી છે.

હવામાં બોલ ઝડપી આવવાને કારણે, બેટ્સમેન ગુગલી રમવા માટે પાછળના પગ પર જાય ત્યાં સુધીમાં, બોલ કાં તો સ્ટમ્પ ઉડાવી દે છે, અથવા પેડ્સ સાથે અથડાય છે. તે લેગ બ્રેકનો ઉપયોગ ઓછો કરે છે પરંતુ તે તેનો ઉપયોગ હથિયાર તરીકે કરે છે. નિષ્ણાતો કહે છે કે જો બિશ્નોઈ લેગ બ્રેક કરવામાં માસ્ટર બને છે તો તેનો જાદુ વધી જશે.

આ પણ વાંચોઃ રવિ શાસ્ત્રીએ MS Dhoni નુ ખોલ્યું રહસ્ય, કહ્યું- મારી પાસે તેનો નંબર નથી, તે પાસે ફોન નથી રાખતો

આ પણ વાંચોઃ IND VS WI: ટીમ ઇન્ડિયામાં આ 5 ખેલાડીઓને લાગી જબરદસ્ત ‘લોટરી’, રોહિત શર્મા અને રાહુલ દ્રવિડે અપાવી તક