IND W vs SA W: વર્લ્ડ કપ ફાઈનલની બધી ટિકિટો મિનિટોમાં વેચાઈ ગઈ, ચાહકોએ સોશિયલ મીડિયા પર ગુસ્સો વ્યક્ત કર્યો
ભારત અને દક્ષિણ આફ્રિકા વચ્ચે મહિલા ODI વર્લ્ડ કપ ફાઈનલ 2 નવેમ્બરના રોજ નવી મુંબઈના ડીવાય પાટિલ સ્પોર્ટ્સ સ્ટેડિયમ ખાતે રમાશે. આ મેચની ટિકિટોની ખૂબ માંગ છે. અહેવાલો અનુસાર બધી ટિકિટો થોડીવારમાં જ વેચાઈ ગઈ હતી જેથી અનેક ચાહકો નિરાશ થયા હતા.
મહિલા ODI વર્લ્ડ કપ 2025ની ટાઈટલ મેચ ભારત અને દક્ષિણ આફ્રિકા વચ્ચે રવિવાર, 2 નવેમ્બરના રોજ રમાશે. નવી મુંબઈના ડીવાય પાટિલ સ્પોર્ટ્સ સ્ટેડિયમમાં રમાનારી આ મેચને લઈને ચાહકો ખૂબ જ ઉત્સાહિત છે. પરિણામે, ટાઈટલ મેચની બધી ટિકિટો થોડીવારમાં જ વેચાઈ ગઈ. ટિકિટના અભાવે ચાહકો સોશિયલ મીડિયા પર પોતાની નારાજગી વ્યક્ત કરી રહ્યા છે. ડીવાય પાટિલ સ્પોર્ટ્સ સ્ટેડિયમની બહાર ચાહકોની મોટી ભીડ એકઠી થઈ ગઈ છે.
ટિકિટો મિનિટોમાં વેચાઈ ગઈ
મહિલા ODI વર્લ્ડ કપ ફાઈનલની ટિકિટો 1 નવેમ્બર, શનિવાર બપોરે BookMyShow પર લાઈવ થઈ અને થોડીવારમાં જ વેચાઈ ગઈ, જેના કારણે ચાહકો ખૂબ નિરાશ થયા. જોકે, અહેવાલો અનુસાર, સત્તાવાર ટિકિટિંગ પાર્ટનર BookMyShow પર ટિકિટ બુકિંગ 31 ઓક્ટોબર સુધી શરૂ થયું ન હતું, અને બધી ટિકિટો અચાનક 1 નવેમ્બરના રોજ વેચાઈ ગઈ. આનાથી ચાહકો ગુસ્સે થયા છે.
Dear @cricketworldcup your women’s World Cup final tickets are still showing “coming soon” on @bookmyshow while website like @viagogo is selling them on premium pricing????? Can we get the tickets at the normal pricing please. pic.twitter.com/Tfl8KK6wI2
— RR #LetsTalk (@rahulrakesh) October 31, 2025
ચાહકો ગુસ્સે થયા
આ પહેલા 22 ઓક્ટોબરના રોજ બપોરે 12 વાગ્યે, BookMyShow એ સોશિયલ મીડિયા પ્લેટફોર્મ X પર ચાહકોને માહિતી આપી હતી કે મહિલા વર્લ્ડ કપ ફાઈનલની ટિકિટોનું વેચાણ સાંજે 6 વાગ્યે શરૂ થશે. આ ખાસ પ્રી-સેલ 22 થી 24 ઓક્ટોબરની વચ્ચે થવાનું હતું. વેચાણ 24 ઓક્ટોબરના રોજ સાંજે 7 વાગ્યે શરૂ થવાનું હતું. જ્યારે કેટલાક ચાહકો આ સમય દરમિયાન ટિકિટ બુક કરવામાં સફળ રહ્યા, ત્યાર પછીની ઘટનાઓથી BookMyShow, BCCI અને ICC પ્રત્યે ચાહકોને ગુસ્સો આપ્યો.
This is your POWERPLAY!
Get your tickets for the ICC Women’s World Cup Final during the Exclusive Pre-Sale with Google Pay, starting today 6 PM onwards!
22 Oct 6 PM IST → 24 Oct 6 PM IST
General Sale: 24 Oct, 7 PM ISTWhen the world’s eyes are on the final, make sure… pic.twitter.com/S8tOBmgrKj
— BookMyShow (@bookmyshow) October 22, 2025
ફાઈનલ મેચની ટિકિટ લાઈવ ઉપલબ્ધ નથી
ભારત અને દક્ષિણ આફ્રિકા ફાઈનલમાં પહોંચ્યા પછી, ટિકિટનું વેચાણ પ્લેટફોર્મ પર લાઈવ થયું નથી. તેના બદલે, BookMyShow મોબાઈલ એપ્લિકેશન અને વેબસાઈટ બંને પર “ટૂંક સમયમાં આવી રહ્યું છે” સંદેશ પ્રદર્શિત થયો. 31 ઓક્ટોબર સુધી આ સ્થિતિ રહી.
બુક કરવા જતા જ સોલ્ડ આઉટનો મેસેજ
શનિવાર, 1 નવેમ્બરના રોજ ફાઈનલ માટે ટિકિટ બુક કરવાનો પ્રયાસ કરતી વખતે, BookMyShow એ “સોલ્ડ આઉટ” મેસેજ દર્શાવ્યો, જેનાથી ચાહકો ગુસ્સે અને નિરાશ થયા. જ્યારે ₹150 ની કિંમતની ટિકિટો કાં તો વેચાઈ ગઈ હતી અથવા ટેકનિકલ ખામીને કારણે ઉપલબ્ધ ન હતી, ત્યારે ₹7500 ની કિંમતની ટિકિટો (કદાચ VIP બોક્સ) BookMyShow પર ઉપલબ્ધ દેખાઈ રહી હતી, પરંતુ બુકિંગના પ્રયાસો અસફળ રહ્યા.
Yesterday the tickets for the Women’s World Cup final at DY Patil Stadium were being sold at a cost of ₹150-₹500.
Now look at this, what a shameless exploitation. Don’t call it demand, it is daylight robbery. pic.twitter.com/bIV5KRWMLk
— Sameer Allana (@HitmanCricket) October 31, 2025
ચાહકોએ BCCI ને અપીલ કરી
એક અહેવાલ અનુસાર, 2025 મહિલા ODI વર્લ્ડ કપ ફાઈનલની ટિકિટો 1 નવેમ્બરના આઠ દિવસ પહેલા, 24 ઓક્ટોબરના રોજ વેચાઈ ગઈ હોવાના અહેવાલ છે. આ જ દિવસે વેચાણ શરૂ થયું હતું, અને તે સમયે જ્યારે ભારત ફાઈનલમાં આવશે એ નક્કી પણ ના હતું. ટિકિટ મેળવવામાં અસમર્થ ચાહકોએ સોશિયલ મીડિયા પ્લેટફોર્મ X પર BookMyShow ની ટિકિટ વિતરણમાં ગડબડ માટે ટીકા કરી અને BCCI ને દરમિયાનગીરી કરવા વિનંતી કરી.
Huge crowd gathered for Tickets in Navi Mumbai stadium for India Vs South Africa ODI World Cup final match which is on Tomorrow pic.twitter.com/Y4bJENQA9z
— Desi Dude (@Desidude175) November 1, 2025
સ્ટેડિયમની બહાર ભારે ભીડ
ચાહકોએ એવું પણ જણાવ્યું હતું કે ટિકિટ, જે પહેલા 150-500 રૂપિયાની વચ્ચે હતી, તે ઈવેન્ટના બે દિવસ પહેલા જ ભારે વધારો કરવામાં આવ્યો હતો. આ દરમિયાન, ડીવાય પાટિલ સ્ટેડિયમની બહાર ભારે ભીડ જોવા મળી હતી. સોશિયલ મીડિયા પર અનેક વીડિયોમાં ટિકિટ માટે લાંબી કતારો જોવા મળી હતી.
આ પણ વાંચો: જો ભારત વર્લ્ડ ચેમ્પિયન બનશે તો ખેલાડીઓ પર થશે કરોડો રૂપિયાનો વરસાદ, BCCIનો આ છે પ્લાન
