IPL 2022 KKR vs PBKS Head to Head: કોલકાતા નાઈટ રાઈડર્સ સામે પંજાબ કિંગ્સનો કેવો છે રેકોર્ડ? જાણો

કોલકાતા નાઈટ રાઈડર્સ (Kolkata Knight Riders) અને પંજાબ કિંગ્સ આઈપીએલ (IPL 2022) ની 8મી મેચમાં ટકરાશે. બંને ટીમોએ અત્યાર સુધી સારી રમત બતાવી છે. જો કે કોલકાતા નાઈટ રાઈડર્સ તેની બીજી મેચ રોયલ ચેલેન્જર્સ બેંગ્લોર સામે હારી ગઈ હતી. પરંતુ તેની હારમાં પણ તેની તાકાત દેખાતી હતી કારણ કે KKR એ 128 રન બનાવ્યા હોવા છતાં રોયલ ચેલેન્જર્સ બેંગ્લોરને લોઢાના ચણા ચાવવાની ફરજ પડી હતી. બીજી તરફ આ પહેલા પંજાબ કિંગ્સે પોતાની પ્રથમ મેચમાં રોયલ ચેલેન્જર્સ બેંગ્લોરને હરાવ્યું હતું. 206 રનનો ટાર્ગેટ મળ્યો હોવા છતાં પંજાબ કિંગ્સે એક ઓવર પહેલા જ જીત મેળવી લીધી હતી. આવી સ્થિતિમાં હવે કોલકાતાની બોલિંગ અને પંજાબની બેટિંગ (KKR vs PBKS) વચ્ચે સીધો મુકાબલો થશે.

જો કે, હવે સવાલ એ છે કે બંને ટીમો વચ્ચે કોનો હાથ ઉપર છે? આંકડામાં કોણ આગળ છે? પંજાબે કેટલી મેચ જીતી છે અને કોલકાતા નાઈટ રાઈડર્સે કેટલી મેચ જીતી છે? છેલ્લી બે IPL સિઝનમાં આ બંને વચ્ચે કેવી રહી મેચ? આગળ જાણો આ સવાલોના જવાબ?

કોલકાતા પંજાબ પર ભારે છે

કોલકાતા નાઈટ રાઈડર્સ અને પંજાબ કિંગ્સ વચ્ચે અત્યાર સુધીમાં 29 મેચ રમાઈ છે. કોલકાતાએ 19 મેચ જીતી છે જ્યારે પંજાબે માત્ર 10 મેચ જીતી છે. મતલબ કે કોલકાતાએ લગભગ બમણી જીત મેળવી છે.

છેલ્લી 4 મેચમાં શું થયું?

જો કે આંકડામાં કોલકાતા નાઈટ રાઈડર્સ પંજાબ કિંગ્સ પર આગળ છે, પરંતુ છેલ્લી ચાર મેચમાં બંને ટીમો વચ્ચે બરાબરીનો મુકાબલો છે. પંજાબ અને કોલકાતા બંનેએ બે-બે મેચ જીતી છે. છેલ્લી સિઝનમાં, કોલકાતા અને પંજાબે 1-1થી મેચ જીતી હતી અને IPL 2020 માં પણ બંને ટીમો બરાબરી પર હતી.

કોલકાતા નાઈટ રાઈડર્સ: અભિજિત તોમર, અજિંક્ય રહાણે, બાબા ઈન્દ્રજીત, નીતિશ રાણા, પ્રથમ સિંહ, રિંકુ સિંહ, શ્રેયસ ઐયર (કેપ્ટન), અશોક શર્મા, પેટ કમિન્સ, રસિક ડાર, શિવમ માવી, ટિમ સાઉથી, ઉમેશ યાદવ, વરુણ ચક્રવર્તી, અમાન ખાન, આન્દ્રે રસેલ, અનુકુલ રોય, ચમિકા કરુણારત્ને, મોહમ્મદ નબી, રમેશ કુમાર, સુનીલ નારાયણ, વેંકટેશ ઐયર, સેમ બિલિંગ્સ, શેલ્ડન જેક્સન.

પંજાબ કિંગ્સ: મયંક અગ્રવાલ (કેપ્ટન), શિખર ધવન, અર્શદીપ સિંહ, કાગીસો રબાડા, જોની બેયરિસ્ટો, રાહુલ ચહર, હરપ્રીત બ્રાર, શાહરૂખ ખાન, પ્રભસિમરન સિંહ, જીતેશ શર્મા, ઈશાન પોરેલ, લિયામ લિવિંગસ્ટોન, ઓડિયન સ્મિથ, સંદીપ શર્મા, રાજ અંગદ બાવા, ઋષિ ધવન, પ્રેરક માંકડ, વૈભવ અરોરા, ઋત્વિક ચેટર્જી, બલતેજ ઢાંડા, અંશ પટેલ, નાથન એલિસ, અથર્વ તાયડે, ભાનુકા રાજપક્ષે, બેની હોવેલ.

આ પણ વાંચોઃ Ayush badoni, IPL 2022: 22 વર્ષનો યુવાન જેવો માહોલ એવુ ચલાવે છે બેટ, શરુઆતમાં જ આયુષ બદોની ચારેકોર છવાઈ ગયો

આ પણ વાંચોઃ CM ભૂપેન્દ્ર પટેલે ટ્રોફી લોંચીંગ સમયે શાનદાર ક્રિકેટ બેટ જોઈ કહ્યુ ‘મારે પણ આવુ બેટ જોઈશે’, ચૂંટણી પહેલા ચોગ્ગા છગ્ગા વાળી કરશે!