GT vs CSK, IPL 2023 Final: વરસાદ ને લઈ Reserve Day પર ફાઈનલ રદ્દ થાય તો કોને લાગશે લોટરી, હાર્દિક પંડ્યા કે ધોની? આ ટીમના ફેન્સ ઝૂમી ઉઠશે!
IPL 2023 Final on Reserve Day: અમદાવાદમાં રવિવારે ફાઈનલ મેચ રમાનારી હતી, પરંતુ ટોસ પહેલાથી શરુ થયેલા વરસાદની આવન-જાવન રાત્રીના અગીયાર વાગ્યા સુધી રહી હતી અને અંતે મેચ સોમવારે રમવાનો નિર્ણય થયો હતો.
IPL 2023 Final રવિવારને બદલે સોમવારે થવા જઈ રહી છે. રવિવારે વરસાદ વરસવાને લઈ મેચને સોમવારે શિફ્ટ કરવામાં આવી છે. રવિવારે ટોસ સમય પહેલા જ ધોધમાર વરસાદ વરસવો શરુ થયો હતો. જોકે બાદમાં વરસાદ રોકાતા મેદાનને તૈયાર કરવાની કાર્યવાહી શરુ થઈ હતી અને ફાઈનલ મેચ રમવાની તૈયારીઓ થઈ હતી. પરંતુ એટલામાં ફરીથી વરસાદ વરસવો શરુ થયો હતો. જે વરસાદની આવન-જાવન રાત્રીના 11 કલાક સુધી રહી હતી અને અંતે વરસાદને લઈ મેચને રવિવારે રદ કરી દેવામાં આવી હતી. હવે સવાલ એ થઈ રહ્યો છે કે, જો રવિવારની જેમ જ સોમવારે પણ વરસાદ વિલન બને તો IPL 2023 ચેમ્પિયન કઈ ટીમ બને?
આ વાતનો જવાબ પણ અહીં મોજૂદ છે. ડેબ્યૂ સિઝનમાં જ ચેમ્પિયન બનનાર હાર્દિક પંડ્યાની ટીમ ગુજરાત ટાઈટન્સ ટ્રોફી હાથમાં ઉપાડશે કે, ધોનીની આગેવાનીમાં ચાર વારની ચેમ્પિયન ચેન્નાઈ સુપર કિંગ્સ. જોકે આ વચ્ચે ફેન્સ પણ મેચ રમાય અને ચેમ્પિયન રમતના પ્રદર્શનના દમ પર થાય એમ જરુર ઈચ્છશે. પરંતુ વરસાદી માહોલ ફરી સોમવારે સર્જાય અને રમત રમી જ ના શકાય તો બંનેમાંથી એક ટીમને ચેમ્પિયન તો પસંદ કરવી જરુરી છે.
ગુજરાત કે ચેન્નાઈ, કોના ચાહકોને થઈ જશે મોજ?
રિઝર્વ ડે પર IPL Final રમાઈ શકતી નથી તો, આ માટે પણ બીસીસીઆઈએ પુરી તૈયારીઓ પહેલાથી જ કરેલી છે. જે મુજબ પહેલા તો શક્ય તમામ પ્રયાસ મેદાન પર જ ચેમ્પિયન પસંદ થાય એ પ્રમાણેનુ આયોજન કરવામાં આવેલુ છે. આમ છતાં ના સુપર ઓવર કે ના તો કપાયેલી ઓવર બાદ પણ મેચ થઈ શકે છે તો, આ માટે ચોક્કસ નિયમ છે. જેના આધારે ચેમ્પિયન ટીમ પસંદ કરવામાં આવી શકે છે.
વરસાદને લઈ મેચ નથી થઈ શકતી તો આવી સ્થિતીમાં પોઈન્ટ્સ ટેબલના રેન્કિંગના આધારે ચેમ્પિયન ટીમને પસંદ કરવામાં આવી શકે છે. એટલે કે પોઈન્ટ્સ ટેબલમાં જે ટીમ સૌથી ઉપર એટલે કે પ્રથમ સ્થાને રહી હોય એ ટીમને ચેમ્પિયન તરીકે પસંદ કરવામાં આવી શકે છે. હવે આવી સ્થિતીમાં ગુજરાત ટાઈટન્સ સતત બીજી સિઝનમાં ચેમ્પિયન બની શકે છે. ગુજરાત ટાઈટન્સ આઈપીએલમાં પોતાની બીજી સિઝન રમી રહ્યુ છે અને સતત બીજી સિઝનમાં ટીમ ફાઈનલમાં પહોંચી છે. પ્રથમ સિઝનમાં જ ધમાકેદાર એન્ટ્રી કરતા ટીમ સીધી ટાઈટલ જીતી હતી.
Monday is the new day ☀️
Let’s go again, #TitansFAM! #PhariAavaDe | #CSKvGT | #IPL2023Final pic.twitter.com/bOSK2Nl5bA
— Gujarat Titans (@gujarat_titans) May 29, 2023
આ પણ વાંચોઃ IPL 2023 Final Weather Update: ફાઈનલ મેચમાં ફરી વરસાદ બનશે વિલન? જાણો રિઝર્વ ડે પર કેવો રહેશે મોસમનો મિજાજ
આવુ માત્ર ચોથીવાર
અત્યાર સુધી આમ તો રવિવારે જ મોટા ભાગે ફાઈનલ મેચ રમાતી આવી હોવાની પરંપરા રહી છે. પરંતુ આઈપીએલ ઈતિહાસમાં જોવામાં આવે તો આવુ ચોથી વાર થઈ રહ્યુ છે કે, ફાઈનલ મેચ રવિવારને બદલે અન્ય દિવસે રમાઈ રહી છે. આમ તો નિર્ધારીત કાર્યક્રમ મુજબ રવિવારે જ IPL Final રમાનારી હતી. પરંતુ વરસાદ વિલન બનતા આખરે મેચ રિઝર્વ ડે પર રમાઈ રહી છે. આ પહેલા ત્રણ વાર મેચ રવિવારના બદલે અન્ય દિવસે રમાઈ છે. જોકે રિઝર્વ ડે પર ફાઈનલ મેચ રમાઈ રહી હોય એવુ પ્રથમ વાર બની રહ્યુ છે.
આ પણ વાંચોઃ CSK vs GT IPL 2023 Final: મોદી સ્ટેડિયમની એક તસ્વીર વાયરલ થઈ અને મચી ગઈ હલચલ! ચેન્નાઈના ચાહક ભડક્યા
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
Published On - 9:00 am, Mon, 29 May 23