મહિલા ક્રિકેટ ટીમના પૂર્વ કોચના ઘરેથી પૈસા ભરેલી બેગ મળી, જાણો કોણ છે તુષાર અરોઠે

ભારતીય મહિલા ક્રિકેટ ટીમના પૂર્વ કોચ તુષાર અરોઠે ફરી એક વખત ચર્ચામાં આવ્યા છે. પોલીસે તેમની પુછપરછ કરી છે. તુષાર અરોઠેની આ વખતે પુછપરછ તેના ઘરેથી થઈ અને પૈસા ભરેલી બેગો મળી આવી છે. પોલીસે વડોદરાના પટપડગંજ વિસ્તારમાં આવેલા તુષારના ઘરેથી એક કરોડ રુપિયા મળ્યા છે. આ પૈસા ક્યાંથી આવ્યા, આનો સોર્સ શું છે, આ સવાલોનો પૂર્વ ભારતીય કોચ પાસેથી કોઈ જવાબ મળ્યો નથી.

વડોદરા પોલીસે આ મામલે પ્રેસ રિલીઝ કરી જણાવ્યું કે, તેમણે અરોઠેને આ પૈસાને લઈ કોઈ જવાબ મળ્યો નથી. જેનાથી તે સંતુષ્ટ થઈ શકે, પોલીસે જણાવ્યું કે, તેમણે ઘરે દરોડો પાડતા એક બેગ મળી આવ્યું છે જેમાં કુલ રકમ 1.01 કરોડ હતી.

તુષાર અરોઠે પહેલા પણ પોલીસના સકંજામાં આવી ચૂક્યો છે

આ કોઈ પહેલી વખત નથી જ્યારે તુષાર અરોઠેનો પોલીસ સામે સામનો થયો હોય. ભારતીય મહિલા ક્રિકેટ ટીમના કોચ અને પૂર્વ રણજી ખેલાડી રહી ચૂકેલા અરોઠે આ પહેલા આઈપીએલમાં ફિક્સિંગ કરવાને લઈ પોલીસના હાથે આવી ચૂક્યો છે. આઈપીએલ 2019 દરમિયાન એક કૈફેમાં રેડ પાડી ગુજરાત પોલીસે જ્યારે 19 લોકોની ધરપકડ કરી તો તેમાં એક અરોઠે પણ હતી. અરોઠેના ફોન અને ગાડી પણ ઝપ્ત કરી લેવામાં આવી હતી.

2018માં ભારતીય ટીમના કોચ પદ પરથી રાજીનામું આપ્યું

તુષાર અરોઠે ભારતીય મહિલા ટીમના કોચ પણ રહી ચૂક્યા છે. તેમણે વર્ષ 2018માં અંગત કારણોસર રાજીનામું આપ્યું હતુ. જેને બીસીસીઆઈએ સ્વીકારી લીધું હતુ. ભારતીય મહિલા ક્રિકેટ ટીમ જ્યારે આઈસીસી 2017 વર્લ્ડકપની ફાઈનલમાં પહોચી તો તેના કોચ તુષાર અરોઠે હતા.

આ પણ વાંચો : રોયલ ચેલેન્જર્સ બેંગ્લોરની ટીમે હોમ ગ્રાઉન્ડ પર સિઝનની અંતિમ મેચમાં મેળવી યાદગાર જીત

ક્રિકેટ સહિત રમતગમતના દરેક સમાચાર વાંચવા અહીં ક્લિક કર