BPL 2022: ક્રિકેટના મેદાનમાં મોટીં ઉંમરના આ દિગ્ગજે જબરદસ્ત કેચ ઝડપી સૌને દંગ રાખી દીધા, IPL માં આ ઉંમરે પણ કરોડો મેળવશે! Video

એમએસ ધોની (MS Dhoni) , ડ્વેન બ્રાવો, ઈમરાન તાહિર એવા ખેલાડીઓ છે જેઓ પોતાની ફિટનેસના આધારે ક્રિકેટના મેદાનમાં ધમાલ મચાવી રહ્યા છે. આ સિવાય બીજું એક નામ છે જે કદાચ મોટી ઉંમર હોવા છતાં ફિટનેસમાં યુવા ખેલાડીઓને માત આપે છે. આ ખેલાડીનું નામ છે ફાફ ડુ પ્લેસિસ (Faf du Plessis), જે 37 વર્ષનો હોવા છતાં પોતાની ફિલ્ડિંગ માટે પ્રખ્યાત છે. ફાફ ડુ પ્લેસિસ હાલમાં બાંગ્લાદેશ પ્રીમિયર લીગ (BPL 2022) માં કોમિલા વિક્ટોરિયન્સ તરફથી રમી રહ્યો છે અને ત્યાં તે ફરી એકવાર તેની ફિલ્ડિંગ દ્વારા છવાયેલો છે.

ડુ પ્લેસિસનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે બાઉન્ડ્રી લાઇન પર જબરદસ્ત કેચ (ફાફ ડુ પ્લેસિસ કેચ) લેતો જોવા મળી રહ્યો છે. ડુ પ્લેસીસે આ કેચ ફોર્ચ્યુન બરીસાલ નો ઝડપ્યો હતો. 16મી ઓવરમાં જેક લિંટોટે તનવીર ઈસ્લામની બોલ પર લાંબી સિક્સર ફટકારવાનો પ્રયાસ કર્યો હતો. બોલ તેના બેટની વચ્ચે વાગ્યો હતો પરંતુ લોન્ગ ઓફ પર ઉભેલા ડુ પ્લેસિસે આશ્ચર્યજનક રીતે બોલને કેચ કર્યો હતો. ડુ પ્લેસિસ બાઉન્ડ્રી લાઇનની ખૂબ જ નજીક હતો અને કેચ લીધા બાદ તે તેની પાર પણ ગયો, પરંતુ તેણે પહેલાથી જ બોલને અંદર ફેંકી દીધો અને પછી બોલને સરળતાથી ફરી કેચ કરી લીધો. ડુ પ્લેસિસનો આ કેચ ખરેખર શાનદાર હતો અને તે કેટલીકવાર આઈપીએલમાં પણ આવા કેચ લેતો જોવા મળ્યો છે.

ડુ પ્લેસિસ IPL 2022 મેગા ઓક્શનમાં ‘આગ’ લગાવી શકે છે

જણાવી દઈએ કે ફાફ ડુ પ્લેસિસ આ વખતે IPL મેગા ઓક્શનમાં ઉતરનારો છે. ડુ પ્લેસિસને ચેન્નાઈ સુપર કિંગ્સે જાળવી રાખ્યો નહોતો અને હવે આ ખેલાડી પર ઘણી ટીમો દાવ લગાવી શકે છે. IPL 2022ના 10 માર્કી ખેલાડીઓમાં ડુ પ્લેસિસનો સમાવેશ થાય છે. જમણા હાથના બેટ્સમેને છેલ્લી સિઝનમાં 16 મેચમાં 633 રન બનાવ્યા હતા. ચેન્નાઈને આઈપીએલ જીતાડવામાં ડુ પ્લેસિસનો મોટો હાથ હતો.

ટીમો ડુ પ્લેસિસ પર મોટો દાવ પણ રમી શકે છે કારણ કે તે કેપ્ટનશીપ પણ કરી શકે છે. આ વખતે ઘણી ટીમો નવા કેપ્ટનની શોધમાં છે જેમાં પંજાબ કિંગ્સ, કેકેઆર, બેંગ્લોરનો સમાવેશ થાય છે. ઉપરાંત, ચેન્નાઈ સુપર કિંગ્સ પણ તેને ફરીથી પોતાની ટીમમાં સામેલ કરવા માંગે છે.

ઓસ્ટ્રેલિયાના પૂર્વ ક્રિકેટર બ્રેડ હોગે પણ પોતાના વીડિયોમાં આ જ વાત કહી છે. બ્રાડ હોગે કહ્યું, “આઈપીએલની હરાજીમાં ડુપ્લેસીની સૌથી વધુ માંગ રહેશે કારણ કે તેની પાસે નેતૃત્વ ક્ષમતા પણ છે. આરસીબી, પંજાબ કિંગ્સ, કેકેઆર અને સીએસકે ચોક્કસપણે તેની પાછળ જશે. આ સિવાય ડુ પ્લેસિસ ટોપ ઓર્ડરમાં સતત રન બનાવે છે. મને લાગે છે કે ડુ પ્લેસિસને 7 થી 11 કરોડ રૂપિયા મળી શકે છે.

આ પણ વાંચોઃ Sabarkantha: તલોદ નગર પાલિકાના સભ્યોએ અચાનક રાજકીય માહોલ ગરમ કરી દીધો, રાજીનામા ધરી ધારાસભ્ય અને પ્રમુખને ભીંસમાં લીધા

આ પણ વાંચોઃ Sabarkantha: હિંમતનગર-અમદાવાદ હાઇવે પર ‘કર્કવૃત્ત નિદર્શન સાયન્સ પાર્ક’ શરુ થવાની જોવાઇ રહી છે રાહ, ગત બજેટમાં આપી હતી ભેટ