Tim Paine Scandal: ઓસ્ટ્રેલિયન ક્રિકેટ બોર્ડે ટિમ પેનના ભવિષ્ય માટે ખરાબ સંકેત આપ્યા, કહ્યુ પહેલા ખબર નહોતી નહિંતર કેપ્ટન ના હોત
ટિમ પેને (Tim Paine) તાસ્માનિયા ક્રિકેટમાં કામ કરતી યુવતી ને અશ્લીલ મેસેજ મોકલ્યા હતા, શુક્રવારે ટેસ્ટની કેપ્ટન્સી છોડી
ઓસ્ટ્રેલિયા ક્રિકેટ એશિઝ શ્રેણી (Ashes 2021) પહેલા વિવાદોમાં ઘેરાયેલું છે. વિવાદનું કારણ ટિમ પેન સ્કેન્ડલ (Tim Paine Scandal) છે, જેણે શુક્રવારે ટેસ્ટની કેપ્ટન્સી છોડી દીધી હતી. મીડિયામાં તેનો અશ્લીલ સંદેશો આવ્યા બાદ ટિમ પેને કેપ્ટનશીપ છોડી દીધી હતી. જે મેસેજ તેણે મહિલા સહકર્મીને મોકલ્યો હતો. ટિમ પેને કેપ્ટનશીપ છોડી દીધી છે પરંતુ આ ખેલાડી એશિઝ સિરીઝમાં રમવા માંગે છે. જો કે હવે ક્રિકેટ ઓસ્ટ્રેલિયાના ચીફનું નિવેદન તેને ખરાબ સંકેત આપી રહ્યું છે.
શનિવારે ક્રિકેટ ઓસ્ટ્રેલિયા (Cricket Australia) એ સ્વીકાર્યું કે ટિમ પેનનો મામલો મીડિયાથી છુપાવવો એ એક મોટી ભૂલ હતી. ક્રિકેટ ઓસ્ટ્રેલિયાના અધ્યક્ષ રિચર્ડ ફ્રોઈન્સ્ટાઈને મીડિયા સાથે વાત કરતા કહ્યું, ‘હું વર્ષ 2018માં લેવાયેલા નિર્ણય વિશે કંઈ કહી શકું તેમ નથી, પરંતુ તથ્યો અનુસાર, જો આ મામલો આજે સામે આવ્યો હોત તો અમે આ નિર્ણય ન લીધો હોત. આ નિર્ણયથી ખોટો સંદેશ ગયો. ઓસ્ટ્રેલિયન કેપ્ટન સ્વચ્છ ચારિત્ર્ય ધરાવતો હોવો જોઈએ અને ઉચ્ચતમ ધોરણો ધરાવતો હોવો જોઈએ. તે સમયે ટિમ પેનને સુકાનીપદેથી હટાવી દેવા જોઈતો હતો.
ટિમ પેને તેનો અશ્લીલ ફોટો યુવતીને મોકલ્યો હતો
ટિમ પેન વર્ષ 2017માં અશ્લીલ મેસેજ સ્કેન્ડલમાં ફસાયો હતો. તેણે તસ્માનિયા ક્રિકેટમાં કામ કરતી મહિલાને તેના અશ્લીલ ફોટા અને ગંદા મેસેજ મોકલ્યા હતા. જેનો સ્ક્રીનશોટ વાયરલ થયા બાદ આ ખેલાડીએ કેપ્ટનશીપ છોડી દીધી. ટિમ પેને રડતા રડતા ચાહકોની માફી પણ માંગી હતી. ટિમ પેનને વર્ષ 2018માં તસ્માનિયા ક્રિકેટ અને ક્રિકેટ ઓસ્ટ્રેલિયાએ ક્લીનચીટ આપી હતી. તપાસ મુજબ, તે ટિમ પેઈનનો અંગત મામલો હતો અને તેણે ક્રિકેટ ઓસ્ટ્રેલિયાની આચાર સંહિતાનું કોઈપણ રીતે ઉલ્લંઘન કર્યું નથી.
જો કે હવે ટીમ પેનને ટીમમાં જાળવી રાખવા પર પણ સવાલ ઉઠી રહ્યા છે. ભૂતપૂર્વ દિગ્ગજ ક્રિકેટર માર્ક વોએ કહ્યું કે તે હવે ટિમ પેનની કારકિર્દીને આગળ વધતો જોતો નથી. તે જ સમયે, એડ કોવેને કહ્યું કે ટિમ પેને શુક્રવારે જ નિવૃત્ત થવું જોઈતું હતું. જો કે, ટિમ પેન હજુ પણ ઓસ્ટ્રેલિયન ટીમમાં રહેવા માંગે છે અને સાથે જ એશિઝમાં રમવા માંગે છે. પરંતુ ક્રિકેટ ઓસ્ટ્રેલિયાના ચીફે જે રીતે નિવેદન આપ્યું છે તે જોઈને લાગે છે કે ટિમ પેન મુશ્કેલીમાં છે. ક્રિકેટ ઓસ્ટ્રેલિયાએ પણ 8 ડિસેમ્બરથી શરૂ થનારી શ્રેણી માટે નવા કેપ્ટનની જાહેરાત કરવાની છે. પેટ કમિન્સ આ રેસમાં સૌથી આગળ છે.
આ પણ વાંચોઃ Ban vs Pak: પાકિસ્તાન અને બાંગ્લાદેશ વચ્ચેની T20 સિરીઝમાં પોલંપોલ, પાકિસ્તાની બોલરોની ઝડપ જોઇ ચાહકો લોટપોટ થઇ ગયા
આ પણ વાંચોઃ IND vs NZ: હર્ષલ પટેલ થી પ્રભાવિત થયો આ ન્યુઝીલેન્ડનો દિગ્ગજ, કહ્યુ બુમરાહ સાથે મળીને ડેથ ઓવરમાં ખતરનાક જોડી બની શકે છે
Published On - 2:42 pm, Sat, 20 November 21