કાઉન્ટી ચેમ્પિયનશિપ ડિવિઝન-2ની ડરહામ અને સસેક્સ (Sussex Cricket) મેચમાં મોહમ્મદ રિઝવાને (Mohammad Rizwan) એવો કેચ પકડ્યો કે બધા ચોંકી ગયા. પાકિસ્તાની વિકેટ કીપર બેટ્સમેન મોહમ્મદ રિઝવાન કાઉન્ટીમાં સસેક્સ તરફથી રમી રહ્યો છે. ભારતીય ટેસ્ટ ક્રિકેટર ચેતેશ્વર પુજારા (Cheteshwar Pujara) પણ આનો એક ભાગ છે. આ પહેલા રિઝવાને આ મેચમાં 79 રન બનાવ્યા હતા. પહેલા સ્લીપમાં ઉભેલા 29 વર્ષના રિઝવાને ડરહામના બેટ્સમેન ડેવિડ બેડિંગહામનો શાનદાર કેચ લીધો હતો. રિઝવાનના આ કેચ પછી તમામ ખેલાડીઓ દંગ રહી ગયા હતા. કારણ કે રિઝવાન પાસે આ કેચ પકડવા માટે ખૂબ જ ઓછો રિએક્શન ટાઈમ હતો.
સસેક્સ ક્રિકેટ (Sussex Cricket) એ રિઝવાનના આ કેચનો વીડિયો શેર કર્યો છે. વાસ્તવમાં, આ ઘટના ડરહામની ઇનિંગ્સની 103મી ઓવરમાં બની હતી. ડરહામના બેટ્સમેન ડેવિડ બેડિંગહામે ડાર્લી રોલિન્સના બોલ પર ફોરવર્ડ ડિફેન્સ શોટ રમ્યો હતો. પરંતુ બોલ બેટની કિનારી સાથે અથડાયા બાદ તે વિકેટકીપરના પેડ સાથે અથડાયો હતો. વિકેટકીપરના પેડ સાથે અથડાયા બાદ બોલ હવામાં ઉછળ્યો હતો. ત્યાર બાદ પ્રથમ સ્લિપમાં ઊભેલા રિઝવાને ડાઇવ કરીને આ અકલ્પનીય કેચ ઝડપી લીધો હતો. ડરહામની બીજી ઇનિંડ્માં પણ રિઝવાને બોલિંગ કરી હતી. જોકે, કાઉન્ટી ચેમ્પિયનશિપ ડિવિઝન-2ની આ મેચ ડ્રોમાં સમાપ્ત થઈ હતી.
આ પહેલા સસેક્સના બેટ્સમેન ચેતેશ્વર પુજારાએ પ્રથમ દાવમાં બેવડી સદી ફટકારી હતી. આ કાઉન્ટી સિઝનમાં પૂજારાની આ સતત ત્રીજી સદી હતી. પૂજારાની ઇનિંગની મદદથી સસેક્સને પ્રથમ ઇનિંગમાં 315 રનની લીડ મળી હતી. તે જ સમયે, ડરહામના બેટ્સમેન એલેક્સ લીસ અને સીન ડિક્સને બીજી ઇનિંગમાં સદી ફટકારી હતી. એલેક્સ લીસ અને સીન ડિક્સનની સદીઓને કારણે, ડરહામે તેનો પ્રથમ દાવ 3 વિકેટે 364 રન પર જાહેર કર્યો.
This catch from @iMRizwanPak. 🤯 👏 #GOSBTS pic.twitter.com/uOdy7JJ2nr
— Sussex Cricket (@SussexCCC) May 1, 2022
હાલમાં, સસેક્સ ક્રિકેટ (Sussex Cricket) કાઉન્ટી ચેમ્પિયનશિપ (County Championship 2022) ડિવિઝન-2 પોઈન્ટ ટેબલમાં બીજા ક્રમની ટીમ છે. સસેક્સ ક્રિકેટના 4 મેચમાં 31 પોઈન્ટ છે. આ સાથે જ નોટિંગહામશાયરની ટીમ પોઈન્ટ ટેબલમાં ટોપ પર છે. નોટિંગહામશાયરના 73 પોઈન્ટ છે.