એક સમયે દિલ્હીની રણજી ટીમમાંથી બહાર ધકેલાઈ ગયેલા ખેલાડીએ હવે પોતાની બેટિંગ કુશળતા સાબિત કરી છે. આપણે વાત કરી રહ્યા છીએ આયુષ બદોની વિશે, જેમણે દિલ્હીના કેપ્ટન તરીકે શાનદાર બેવડી સદી ફટકારી હતી. રવિવારે, તેણે ગુજરાત સામે સદી ફટકારી હતી, બાદમાં સોમવારે જમણા હાથના બેટ્સમેને તેની સદીને બેવડી સદીમાં ફેરવી દીધી હતી. આયુષ બદોનીની વાત કરીએ તો, ગૌતમ ગંભીરે તેની કારકિર્દી ઘડવામાં મુખ્ય ભૂમિકા ભજવી હતી. ગંભીરે તેને લખનૌ સુપરજાયન્ટ્સમાં મિડલ ઓર્ડરની જવાબદારી સોંપી હતી, અને આજે આ ખેલાડીએ ભારતીય ક્રિકેટમાં એક અનોખું સ્થાન પ્રાપ્ત કર્યું છે.

બદોનીની દમદાર બેવડી સદી

આયુષ બદોનીએ ગુજરાતના બધા બોલરોને બરાબર ફટકાર્યા હતા. તેણે 246 બોલમાં 22 ચોગ્ગા અને 2 છગ્ગા ફટકારીને 217 રન બનાવ્યા હતા. બદોનીએ 88 ના સ્ટ્રાઇક રેટથી રન બનાવ્યા, જે ફર્સ્ટ-ક્લાસ ક્રિકેટ માટે ખૂબ સારો છે. બદોનીએ બે મજબૂત ભાગીદારી પણ કરી હતી. તેણે પ્રિયાંશ આર્ય સાથે 246 બોલમાં 234 રન અને પછી સુમિત માથુર સાથે 243 બોલમાં 157 રન ઉમેર્યા. બદોનીએ પાલમની પીચ પર શાનદાર બેટિંગ કરી, ગુજરાતને પાછળ ધકેલી દીધું અને તેની ફર્સ્ટ-ક્લાસ કારકિર્દીનો સૌથી મોટો સ્કોર પણ બનાવ્યો.

AYUSH BADONI GOES BIG WITH A DOUBLE HUNDRED

A brilliant batting display from the Delhi captain as he races to his double century off 233 deliveries against Gujarat.

(Disclaimer – AI generated graphic) | #RanjiTrophy #Delhi #AyushBadoni https://t.co/pGejfakLlw

— CricTracker (@Cricketracker) October 19, 2026

બદોનીને હોટલના રૂમમાં બંધ કરવામાં આવ્યો હતો

2024 રણજી ટ્રોફી દરમિયાન આયુષ બદોની સાથે એક મોટો કૌભાંડ થયો હતો. જમણા હાથના બેટ્સમેનને DDCAના એક અધિકારીના આદેશથી ટીમ હોટલમાં તેના રૂમમાં બંધ કરવામાં આવ્યો હતો. તેને મેદાનમાં પ્રવેશવાની મંજૂરી આપવામાં આવી ન હતી. તેના સ્થાને ક્ષિતિજ શર્માને ટીમમાં સ્થાન આપવામાં આવ્યું હતું. ક્ષિતિજને BCCIના ભૂતપૂર્વ અધિકારીની નજીકનો માનવામાં આવતો હતો. આ મેચ ઉત્તરાખંડ સામે હતી. આ વિવાદ સામે આવ્યા પછી ઘણો હોબાળો મચ્યો હતો. ત્યારબાદ બદોનીએ IPLમાં પોતાના પ્રભાવશાળી પ્રદર્શનથી પોતાનું નામ બનાવ્યું અને ટીમ ઈન્ડિયામાં પણ પ્રવેશ કર્યો. જોકે, તેણે હજુ સુધી ડેબ્યૂ કર્યું નથી.

Breaking News: 400 રન… ચિન્મય સુતારે રચ્યો ઈતિહાસ, આવો કમાલ કરનાર માત્ર બીજો ભારતીય બેટ્સમેન