ભારત અને વેસ્ટ ઈન્ડિઝ વચ્ચે ત્રણ મેચની ODI શ્રેણી ચાલી રહી છે. ટીમ ઈન્ડિયાએ શ્રેણીમાં 2-0થી અજેય લીડ મેળવી લીધી છે, અને ત્રીજી અને અંતિમ મેચ 3 ઓક્ટોબરે મુલ્લાનપુર, ન્યુ ચંદીગઢમાં રમાશે. આ મેચ પહેલા કેરેબિયન કેમ્પને મોટો ઝટકો લાગ્યો છે. ટીમના સ્ટાર ખેલાડીઓમાંથી એક મેચમાંથી બહાર થઈ ગયો છે. આ ખેલાડીએ શ્રેણીની પહેલી મેચમાં સદી ફટકારી હતી, પરંતુ ઈજાને કારણે બીજી મેચમાં મેદાનમાં ઉતરી શક્યો ન હતો.

જસ્ટિન ગ્રીવ્સ ત્રીજી ODIમાંથી થયો બહાર

મીડિયા રિપોર્ટ્સ અનુસાર, વેસ્ટ ઈન્ડિઝના ફોર્મમાં ચાલી રહેલા 32 વર્ષીય સ્ટાર ઓલરાઉન્ડર જસ્ટિન ગ્રીવ્સ હજુ સુધી પગની પીઠની ઈજામાંથી સંપૂર્ણપણે સ્વસ્થ થયો નથી અને તેને ત્રીજી વનડેમાંથી બહાર કરવામાં આવ્યો છે. મેચની એક રાત પહેલા ગ્રીવ્સની ગેરહાજરીથી મુલાકાતી ટીમના બેટિંગ કોમ્બિનેશન પર મોટી અસર પડી છે. વર્તમાન પ્રવાસની શરૂઆતમાં જસ્ટિન ગ્રીવ્સ વેસ્ટ ઈન્ડિઝના સૌથી આક્રમક બેટ્સમેનોમાંનો એક સાબિત થયો હતો.

પ્રથમ વનડેમાં શાનદાર સદી ફટકારી હતી

જસ્ટિને તિરુવનંતપુરમમાં પ્રથમ વનડેમાં શાનદાર સદી ફટકારી હતી, જેનાથી ભારતીય બોલરો મુશ્કેલીમાં મુકાયા હતા. જોકે, તે ઇનિંગ દરમિયાન જસ્ટિનને પગની ઘૂંટીમાં દુખાવો થયો, જેના કારણે તે આ અઠવાડિયાની શરૂઆતમાં ગુવાહાટીમાં બીજી વનડેમાંથી બહાર થઈ ગયો. તેના સ્થાને કેસી કાર્ટીને ટીમમાં સંલે કરવામાં આવ્યો હતો. જોકે તે કઈં ખાસ કમાલ કરી શક્યો નહીં અને 10 બોલમાં ફક્ત 9 રન જ બનાવી શક્યો.

જસ્ટિન ગ્રીવ્સ હજુ સુધી ફિટ નથી થયો

મેડિકલ ટીમ દ્વારા કરવામાં આવેલા મૂલ્યાંકનમાં જાણવા મળ્યું કે ગ્રીવ્સની ઈજા હજુ સુધી સંપૂર્ણપણે સાજી થઈ નથી. પરિણામે, ટીમ મેનેજમેન્ટે તેને મુલ્લાનપુરમાં મેદાનમાં ન ઉતારવાનો નિર્ણય લીધો હતો. આ સ્થિતિમાં, કેસી કાર્ટીને ફરી એકવાર પ્લેઇંગ ઇલેવનમાં સામેલ કરી શકાય છે, અને તેના માટે પોતાને સાબિત કરવાની આ એક શ્રેષ્ઠ તક હશે.

Breaking News: Asian Games 2026માં ગોલ્ડ મેડલ જીત્યા બાદ પ્રાચી ચૌધરીની ખાસ ઈચ્છા, હવે DSP બનવાની રાહ