Breaking News: શ્રીલંકાના ખેલાડીને ધક્કો મારવાના મામલે વૈભવ સૂર્યવંશી પર આવ્યો ફેંસલો, 15 વર્ષીય ખેલાડીને શું સજા મળી?
શ્રીલંકામાં ત્રિકોણીય શ્રેણીમાં ઈન્ડિયા A વતી રમી રહેલા વૈભવ સૂર્યવંશીને મોટો ઝટકો લાગ્યો છે. તેને શ્રીલંકાના ખેલાડીને ધક્કો મારવા મામલે દોષી ઠેરવવામાં આવ્યો છે અને તેની મેચ ફીના 50 ટકા દંડ ફટકારવામાં આવ્યો છે.
શ્રીલંકામાં ચાલી રહેલી ત્રિકોણીય શ્રેણી દરમિયાન ઈન્ડિયા A વતી રમતી વખતે વૈભવ સૂર્યવંશી વિવાદમાં ફસાઈ ગયો હતો. વૈભવે શ્રીલંકા A ના ખેલાડીને ધક્કો માર્યો હતો. મેચ રેફરીએ તેને દોષિત ઠેરવ્યો છે અને તેની સજા જાહેર કરી છે. મેચ રેફરીએ વૈભવ સૂર્યવંશીની મેચ ફી કાપી લીધી છે. અહેવાલો અનુસાર, 15 વર્ષીય ખેલાડીને તેની મેચ ફીના પચાસ ટકા દંડ કરવામાં આવશે. માત્ર સૂર્યવંશી જ નહીં, પરંતુ તેને ધક્કો મારનાર વિશેન હલંબગેને પણ દોષી ઠેરવવામાં આવ્યો છે. તેની મેચ ફીમાં પણ પચાસ ટકા કાપ મૂકવામાં આવ્યો છે.
વૈભવ સૂર્યવંશીનો ઝઘડો થયો
ઈન્ડિયા A અને શ્રીલંકા A વચ્ચેની મેચ પછી વૈભવ સૂર્યવંશી અને વિશેન હલંબગે વચ્ચે ઝઘડો થયો. શ્રીલંકા A ના ખેલાડીઓએ આક્રમક રીતે પોતાની જીતની ઉજવણી કરી હતી. મેચ દરમિયાન વિશેન હલંબગેએ સૂર્યવંશી વિશે કેટલીક વ્યક્તિગત ટિપ્પણીઓ કરી, જેનાથી સૂર્યવંશી ગુસ્સે થયો અને તે શ્રીલંકાના ખેલાડીઓ પાસે ગયો. જેના કારણે વિશેન હલંબગે અને સૂર્યવંશી વચ્ચે ઝઘડો થયો.
VAIBHAV SURYAVANSHI FACES ICC ACTION
Vaibhav Suryavanshi’s altercation with Sri Lankan players falls under Article 2.12 of the ICC Code of Conduct — “Inappropriate physical contact with a player, player support personnel, umpire, match referee, or any other person during… pic.twitter.com/DDwcknRFBt
— JB (@93Yorker) June 16, 2026
શ્રેણીમાં વૈભવ સૂર્યવંશીનું એવરેજ પ્રદર્શન
વૈભવ સૂર્યવંશીની વાત કરીએ તો, તેણે અત્યાર સુધી ત્રિકોણીય શ્રેણીમાં ખાસ સારું પ્રદર્શન કર્યું નથી. તેણે અત્યાર સુધી ચાર મેચ રમી છે, અને ચારેયમાં તે અડધી સદી ફટકારવામાં નિષ્ફળ રહ્યો છે. સૂર્યવંશીએ અફઘાનિસ્તાન સામે 28 બોલમાં 38 રન બનાવ્યા હતા. આ ઇનિંગ દરમિયાન તેને બે તકો પણ મળી હતી, પરંતુ તે તેનો લાભ લેવામાં નિષ્ફળ ગયો.
ઈન્ડિયા A ત્રિકોણીય શ્રેણીની ફાઈનલમાં
જો કે, ઈન્ડિયા A માટે સારી વાત એ હતી કે તેણે અફઘાનિસ્તાન A સામે 101 રને શાનદાર જીત નોંધાવી હતી. આ સાથે ટીમ ઈન્ડિયા A પોઈન્ટ ટેબલમાં ટોચ પર આવી ગઈ હતી અને ફાઈનલમાં તેનું સ્થાન લગભગ નિશ્ચિત થઈ ગયું હતું. પ્રથમ બેટિંગ કરતા ઈન્ડિયા A એ 50 ઓવરમાં 319 રન બનાવ્યા હતા. પ્રિયાંશ આર્યએ 58 રન, તિલક વર્માએ 59 રન અને કુમાર કુશાગ્રે 58 રન બનાવ્યા હતા. વિપરાજ નિગમ અને ઋતુરાજ ગાયકવાડે 30-30 રન બનાવી યોગદાન આપ્યું હતું. જવાબમાં અફઘાનિસ્તાન A ટીમ 218 રનમાં સમેટાઈ ગઈ હતી. નિશાંત સિંધુએ સૌથી વધુ 4 વિકેટ લીધી હતી. યશ ઠાકુરે 2 વિકેટ લીધી હતી. વિપર્ણ નિગમ, સૂર્યાંશ શેડગે અને અનુકુલ રોયને 1-1 વિકેટ મળી હતી.
