
ગુવાહાટીના બારસાપારા ક્રિકેટ સ્ટેડિયમમાં વેસ્ટ ઈન્ડિઝ સામે 406 રનના લક્ષ્યનો પીછો કરતા ભારતીય કેપ્ટન શુભમન ગિલે મેદાન પર ચોગ્ગા અને છગ્ગાની સુનામી લાવી દીધી. વેસ્ટ ઈન્ડિઝના બોલરોની જોરદાર ધુલાઈ કરતા ગિલે માત્ર 62 બોલમાં પોતાની તોફાની સદી પૂરી કરી. તેણે કેરેબિયન બોલિંગને તોડી નાખી અને ભારત માટે ODI ઇતિહાસમાં ચોથી સૌથી ઝડપી સદી ફટકારી. તિરુવનંતપુરમમાં પ્રથમ ODIમાં 110 રન બનાવ્યા પછી, આ શ્રેણીમાં ગિલની સતત બીજી ODI સદી અને ભારતીય ધરતી પર ત્રીજી ODI સદી છે.
આ રન ચેઝમાં ભારતને મજબૂત શરૂઆતની જરૂર હતી, અને કેપ્ટન શુભમન ગિલે તે જ કર્યું. તેણે ફક્ત 62 બોલમાં 100 રન પૂરા કરીને તેની ODI કારકિર્દીની સૌથી ઝડપી સદી ફટકારી. શુભમન ગિલની આ સદી હવે ODI ક્રિકેટમાં ભારતીય બેટ્સમેન દ્વારા સૌથી ઝડપી સદીઓની યાદીમાં જોડાઈ ગઈ છે.
52 બોલ – વિરાટ કોહલી vs ઓસ્ટ્રેલિયા (જયપુર, 2013)
60 બોલ – વીરેન્દ્ર સેહવાગ vs ન્યુઝીલેન્ડ (હેમિલ્ટન, 2009)
61 બોલ – વિરાટ કોહલી vs ઓસ્ટ્રેલિયા (નાગપુર, 2013)
62 બોલ – મોહમ્મદ અઝહરુદ્દીન vs ન્યુઝીલેન્ડ (બરોડા, 1988)
62 બોલ – શુભમન ગિલ vs વેસ્ટ ઈન્ડિઝ (ગુવાહાટી, 2026)
Back-to-back centuries for Shubman Gill
A masterclass from the #TeamIndia captain as he continues to anchor the chase
His 1️⃣1️⃣th in ODIs
Updates ▶️ https://t.co/6XCYRtZLAi#INDvWI | @mflone_ | @ShubmanGill pic.twitter.com/AL2ZXmzFwj
— BCCI (@BCCI) September 30, 2026
કેપ્ટન તરીકે, શુભમન ગિલનું બેટ ODI ક્રિકેટમાં ધમાકેદાર ચાલે છે. તેણે પોતાની છેલ્લી સાત ઇનિંગમાં 3 સદી અને 3 અડધી સદી ફટકારી છે. ધુમાં, શુભમન ગિલ ભારતીય ભૂમિ પર સતત સદી ફટકારવામાં વિશ્વના ટોચના ખેલાડીઓમાં સામેલ થઈ ગયો છે. ભારતમાં આ તેની સતત ત્રીજી ODI સદી છે.
સતત 4 સદી: એબી ડી વિલિયર્સ (2010-11)
સતત 4 સદી: વિરાટ કોહલી (2017-18)
સતત 3 સદી: શુભમન ગિલ (2026)
આ ઇનિંગ સાથે, શુભમન ગિલે ભારત માટે સૌથી ઓછી ઇનિંગ્સમાં 11 વનડે સદી ફટકારવાનો વિરાટ કોહલીનો રેકોર્ડ તોડ્યો. કોહલીએ 11 વનડે સદી પૂરી કરવા માટે 82 ઇનિંગ્સ લીધી હતી, જ્યારે ગિલે માત્ર 68 ઇનિંગ્સમાં આ સિદ્ધિ મેળવી હતી. તે હાશિમ અમલા અને ક્વિન્ટન ડી કોક પછી આ સિદ્ધિ હાંસલ કરનાર વિશ્વનો ત્રીજો બેટ્સમેન પણ છે.
Published On - 9:41 pm, Wed, 30 September 26