IND vs ENG: ભારત-ઈંગ્લેન્ડ ODI મેચોના સમય અલગ-અલગ, જાણો વનડે સિરીઝનું સંપૂર્ણ શેડ્યૂલ
IND vs ENG ODI Series: ભારત અને ઈંગ્લેન્ડ વચ્ચેની T20 શ્રેણી પછી હવે ODI સિરીઝ યોજાશે. આ શ્રેણી 14 જુલાઈથી શરૂ થશે, જેમાં કુલ ત્રણ મેચો રમાશે. ખાસ વાત એ છે કે ત્રણેય મેચોનો સમય અલગ-અલગ છે. ચાલો જાણીએ વનડે શ્રેણીનું સંપૂર્ણ શેડ્યૂલ અને ત્રણેય મેચોનો સમય શું છે.
ભારતીય ક્રિકેટ ટીમ ઈંગ્લેન્ડ સામેની T20 શ્રેણીના નિરાશાજનક અંતને પાછળ છોડીને નવી શરૂઆત માટે તૈયાર છે. પાંચ મેચની T20 શ્રેણીમાં 4-0થી કારમી હારનો સામનો કર્યાના માત્ર ત્રણ દિવસ પછી, બંને ટીમો વચ્ચે ત્રણ મેચની ODI શ્રેણી શરૂ થવાની છે. ટીમ ઈન્ડિયા પાસે આ શ્રેણીમાં શાનદાર પ્રદર્શન કરીને T20 હારનો બદલો લેવાની સુવર્ણ તક હશે. જોકે, આ શ્રેણીમાં મેચોનો સમય પણ અલગ છે.
મેચોનો સમય શું છે?
ભારત અને ઈંગ્લેન્ડ વચ્ચેની આ ત્રણ વનડે મેચનો સમય અલગ-અલગ છે. શ્રેણીની પહેલી અને છેલ્લી મેચ ભારતીય સમય મુજબ બપોરે 3:30 વાગ્યે શરૂ થશે. જોકે, કાર્ડિફમાં બીજી મેચ ભારતીય સમય મુજબ સાંજે 5:30 વાગ્યે શરૂ થશે. વનડે મેચ બર્મિંગહામ, કાર્ડિફ અને ઐતિહાસિક લોર્ડ્સ ગ્રાઉન્ડમાં રમાશે.
Preps on in full flow #TeamIndia gearing up for the start of the #ENGvIND ODIs in Birmingham pic.twitter.com/Oj51A5m2al
— BCCI (@BCCI) July 13, 2026
વનડે શ્રેણીનું સંપૂર્ણ શેડ્યૂલ
- પહેલી વનડે: 14 જુલાઈ, એજબેસ્ટન (બર્મિંગહામ) બપોરે 3:30 વાગ્યાથી
- બીજી વનડે: 16 જુલાઈ, સોફિયા ગાર્ડન્સ (કાર્ડિફ) સાંજે 5:30 વાગ્યાથી
- ત્રીજી વનડે: 19 જુલાઈ, લોર્ડ્સ (લંડન) બપોરે 3:30 વાગ્યાથી
T20 series whitewash ✅
Now onto the ODIs, and we start in Birmingham!
— England Cricket (@englandcricket) July 13, 2026
ત્રણેય દિગ્ગજ ખેલાડીઓ સાથે રમશે
2027 ના ICC ક્રિકેટ વર્લ્ડ કપની તૈયારી માટે બંને ટીમો માટે આ ODI શ્રેણી મહત્વપૂર્ણ માનવામાં આવે છે. આ શ્રેણીમાં ભારતીય ચાહકો માટે સૌથી મોટા સમાચાર એ છે કે રોહિત શર્મા અને વિરાટ કોહલી જેવા દિગ્ગજ સ્ટાર્સ લગભગ છ મહિનાના અંતરાલ પછી ફરી સાથે રમતા જોવા મળશે. દરમિયાન, ઘાતક ઝડપી બોલર જસપ્રીત બુમરાહ પણ લાંબા સમય પછી ફોર્મેટમાં પરત ફરી રહ્યો છે.
