Breaking News : ક્રિકેટર મોહમ્મદ શમીના ભાઈ પર લગ્નના બહાને બળાત્કારનો આરોપ, કેસ નોંધાયો
મોહમ્મદ શમીના ભાઈ મોહમ્મદ કૈફ પર એક મહિલાએ બળાત્કારનો આરોપ લગાવ્યો છે. મહિલાનો આરોપ છે કે, કૈફે લગ્નનું વચન આપી તેની સાથે યૌન શોષણ કર્યું છે.
ભારતીય ક્રિકેટર મોહમ્મદ શમીના ભાઈ મોહમ્દ કૈફ પર કેસ નોંધાયો છે. શમીના ભાઈ મોહમ્મદ કૈફ પણ એક ક્રિકેટર છે અને બંગાળ થી રણજી ટ્રોફીમાં રમે છે. કૈફ પર એક મહિલાએ લગ્નનું વચન આપી બળાત્કાર કર્યાનો આરોપ લગાવ્યો છે. મહિલાનો આરોપ છે કે, તેમને હોટલમાં બોલાવી તેની સાથે બળાત્કાર કર્યો હતો. આ ઘટના 6 વર્ષ ચાલી હતી. આટલું જ નહી મહિલાએ શમીના ભાઈ પર દબાવ નાંખી નોકરી છોડાવવાનો પણ આરોપ લગાવ્યો છે. 13 સપ્ટેમ્બરની સાંજે લખનૌના આશિયાના પોલીસ સ્ટેશનમાં મોહમ્મદ કૈફ વિરુદ્ધ બળાત્કાર અને ધમકી સહિતની વિવિધ કલમો હેઠળ કેસ નોંધવામાં આવ્યો હતો.
પીડિતાએ ફરિયાદમાં શું કહ્યું?
આશિયાના પોલીસ સ્ટેશનના ઈન્સ્પેક્ટર ગજેન્દ્ર રાયના મુજબ પીડિતાએ જણાવ્યું કે, તે વર્ષ 2020માં NCRમાં રહેતી હતી. તેના પતિ સાથે છુટાછેડા થયા છે. હવે તે પોતાના બાળકો સાથે રહે છે. આ વચ્ચે તેની મુલાકાત ભારતીય ક્રિકેટર મોહમ્મદ શમીના ભાઈ મોહમ્મદ કૈફ સાથે થઈ હતી. બંને વચ્ચે ફ્રેન્ડશીપ થઈ મળવા લાગ્યા હતા. આ વચ્ચે કૈફે લગ્નની વાત કરી. પરંતુ પીડિતાએ કૈફને તેની હાલની પરિસ્થિતિ વિશે જાણ કરી હોવા છતાં, તે તેની સાથે લગ્ન કરવા તૈયાર હતો.
લગ્નના નામે યૌન શોષણનો આરોપ
પીડિતાએ પોતાની ફરિયાદમાં કહ્યું કે, 9 સપ્ટેમ્બર 2023ના રોજ તે કૈફના કહેવા પર કોલકાતા ગઈ હતી. અહી કૈફે તેને એક હોટલમાં રોકી અને લગ્નના નામ પર તેની સાથે બળાત્કાર કર્યો હતો. ત્યારબાદ તેનું યૌન શોષણ કર્યું હતુ. દબાવ નાંખવા પર કૈફે આઈપીએલ 2025 ઓક્શન પછી લગ્ન કરવાની વાત કહી હતી પરંતુ આઈપીએલ 2025 ઓક્શન પૂર્ણ થયું. તેમ છતાં લગ્ન કર્યા નહી. જ્યારે તેના પર દબાવ આવ્યો તો કૈફે તેના ભાઈ હસીબ અને પરિવારના લોકોને ધમકી આપી લગ્ન કરવાની ના પાડી હતી. પીડિતાના મુજબ કૈફના ભાઈ હસીબે તેમને કહ્યું કે તેનો ભાઈ તેની સાથે લગ્ન કરશે નહી.
નોકરી છોડાવી
પીડિતા હાલમાં પોતાના ઘરે રહે છે. તેની પાસે નોકરી પણ નથી. મહિલાનો આરોપ છે કે તેની પાસે જે એક એરલાઈનમાં કેબિન ક્રૂની નોકરી હતી. તે પણ કૈફે છોડાવી હતી. કારણ કે તેને નોકરી પસંદ ન હતી.
કેસ નોંધાયો, તપાસ શરુ
આશિયાનાના ઈન્સપેક્ટર ગજેન્દ્ર રાયના મુજબ કૈફની સાથે સાથે હસીબ પર પણ કેસ નોંધાયો છે. સમગ્ર મામલાની તપાસ કરવામાં આવી રહી છે. પુરાવાા આધાર પર આગળની કાર્યવાહી કરવામાં આવશે.
