
આઈપીએલની કોઈ પણ સીઝન વિવાદ વગર પૂર્ણ થાય એવું બન્યું નથી. હાલમાં આઈપીએલ 2026ની અડધી સીઝન પૂર્ણ થઈ ચૂકી છે. પરંતુ આ વચ્ચે ધમાલ મચી ગઈ છે. આનું કારણ ખેલાડીઓ અને સપોર્ટ સ્ટાફના પાર્ટનર, પરિચિતો અથવા સંબંધીઓ છે, જેણે BCCI ને હચમચાવી નાખ્યું છે. એક રિપોર્ટમાં તો સનસનાટીભર્યા દાવો કરવામાં આવ્યો છે કે,એક ક્રિકેટરની ગર્લફ્રેન્ડ ટીમ સંબંધિત માહિતી લીક કરતી પકડાઈ ગઈ હતી. આ ઘટનાઓ બાદ, BCCI એ હવે નવી ગાઈડલાઈન જાહેર કરી છે.
બીસીસીઆઈએ ગુરુવારની સાંજે આઈપીએલની તમામ 10 ફ્રેન્ચાઈઝીને 8 પન્નાની એક ગાઈડલાઈન જાહેર કરી હતી. જેમાં સુરક્ષા તેમજ અન્ય પ્રોટોકોલના ઉલ્લંધની ઘટનાઓ તરફ ધ્યાન ખેચ્યું છે. આ ગાઈડલાઈનમાં વિશેષ રુપથી કોઈ ઘટનાનો ઉલ્લેખ કર્યો નથી પરંતુ તેનો કડક અમલ કરવામાં આવ્યો હતો. બોર્ડે સ્પષ્ટતા કરી હતી કે, ખેલાડીઓ, સપોર્ટ સ્ટાફ અથવા ટીમ માલિકોના કોઈપણ મહેમાનો, સંબંધીઓ અથવા અન્ય વ્યક્તિઓ સ્પષ્ટ લેખિત પરવાનગી વિના તેમના હોટલ રૂમમાં પ્રવેશ કરી શકશે નહીં.
આઈપીએલ સીઝન વચ્ચે અચાનક આવેલી આ ચેતવણીએ દરેકને હચમચાવી નાંખ્યા છે. હવે સવાલ ઉઠી રહ્યો છે કે, આવું કેમ થયું જે બોર્ડની અડધી સીઝન પુરી થઈ ગયા બાદ આ પ્રકારની ગાઈડલાઈન જાહેર કરવામાં આવી છે. હવે એક રિપોર્ટમાં દાવો કરવામાં આવ્યો છે કે, આનું સંભવિત કારણ સામે આવ્યું છે. રિપોર્ટમાં દાવો કરવામાં આવ્યો કે, આઈપીએલમાં ભાગ લઈ રહેલા એક ક્રિકેટરની ગર્લફ્રેન્ડે કથિત રીતે ટીમ સાથે જોડાયેલી જાણકારી બહારના લોકોને લીક કરતા પકડાય હતી. આવું એક વખત નહી પરંતુ અનેક વખત થયું હતુ. ત્યારબાદ ફ્રેન્ચાઈઝીએ તરત બીસીસીઆઈને આની જાણકારી આપી હતી.
આ પછી બીસીસીઆઈએ નવી ગાઈડલાઈન જાહેર કરી હોવાનું જાણવા મળી રહ્યું છે. વધુમાં, બોર્ડની એક એન્ટી કરપ્શન યુનિટે પણ એક રિપો્ર્ટમાં પણ બોર્ડને અનેક પ્રોટોકોલ ભંગની જાણ કરી છે. બીસીસીઆઈની આ નવી ગાઈડલાઈન ફ્રેન્ચાઇઝી માલિકો અને અધિકારીઓને ખેલાડીઓને હની-ટ્રેપમાં ફસાવવાના સંભવિત જોખમો વિશે ચેતવણી આપે છે અને તેમને આ અંગે ખેલાડીઓને ચેતવણી અને સાવધાની રાખવાનું કહે છે.
Published On - 2:32 pm, Fri, 8 May 26