Breaking News : આશિષ નેહરાની આ ફોર્મ્યુલા IPLમાં મચાવી રહી છે ધમાલ
આશિષ નેહરાના કોચિંગમાં ગુજરાત ટાઈટન્સે આઈપીએલ 2026માં ખતરનાક ફાસ્ટ બોલિંગ મોડલ તૈયાર કર્યું છે. મોહમ્મદ સિરાજ,કાગિસો રબાડા, પ્રસિદ્ધ કૃષ્ણા અને જેસન હોલ્ડરની આર્મી હાર્ડ લેન્થથી બેટ્સમેનને રન બનાવતા રોકી રહી છે.
આઈપીએલમાં મોટાભાગની ટીમો બેટ્સમેનને ખુશ કરનારી ક્રિકેટ રમી રહી છે. દરેક મેચમાં 220 પ્લસ, દરેક ઓવરમાં સિક્સ, દરેક બોલમાં ઈમ્પૈક્ટ પરંતુ ગુજરાત ટાઇટન્સે આ સમગ્ર ભવ્યતામાં ટેસ્ટ મેચની ક્રૂરતા ઉમેરી છે. ગુજરાતના ફાસ્ટ બોલરને બેટ્સમેનને આઉટ કરતા નહી પરંતુ પરેશાન કરતા આવડે છે. નવા બોલથી મોહમ્મદ સિરાજ અને કાગિસો રબાડા જ્યારે દોડે છે. તો સામે રહેલા બેટ્સમેનન રન ઓછા અને આઉટ થવાથી બચવાનો રસ્તો વધારે શોધે છે. ત્યારબાદ બદલાવ આવે છે.
ડેથ ઓવરોમાં યોર્કર
પ્રસિદ્ધ કૃષ્ણા અને જેસન હોલ્ડર ત્યારબાદ બેકઅપમાં અર્શદીપ ખાન જેવા બોલર, જ્યારે બેટ્સમેન વિચારે છે કે, હવે સ્પિન આવશે અને થોડી રાહત મળશે. ત્યારે સામે રાશિદ ખાન મળે છે. ગુજરાતની બોલિંગ જોઈ લાગે છે કે,જેવી ટીમ મીટિંગમાં માત્ર એક લાઈન બોલવામાં આવે છે કે, સ્ટંપ પછી જોજો. પહેલા બેટ્સમેનને મુશ્કેલીમાં નાંખો.અન્ય ટીમો ડેથ ઓવરોમાં યોર્કર શોધે છે, પણ જીટીના બોલરો હાર્ડ લેન્થને વળગી રહે છે. જેમ ટેસ્ટ મેચનો પાંચમો દિવસ ચાલું થાય છે. બોલ તમારી છાતીની નજીક આવે છે. પુલ મારો તો કેચ, અને તમને હરાવવામાં આવે. ટુંકમાં બેટ્સમેન પાસે ઓછા શોટ અને ભૂલો વધુ રહે છે.
આઈપીએલમાં ફાસ્ટ બોલિંગ કલ્ચર
હેડ કોચ આશિષ નેહરાની સૌથી મોટી સમસ્યા એ છે કે, તેમણે ગુજરાત ટાઈટન્સને માત્ર એક ટીમ નહી પરંતુ બોલરની ફેક્ટ્રી બનાવી છે. મોહમ્મદ શમીએ અહીં પોતાનો ડર ફરીથી શોધી કાઢ્યો. મોહિત શર્માને બીજી કારકિર્દી મળી. હવે સિરાજ અને પ્રસિદ્ધ કૃષ્ણા એ જ સિસ્ટમમાં બેટ્સમેનોની ટેકનિકને હલાવી રહ્યા છે.
ગુજરાતના બોલરો માત્ર વિકેટ લેતા નથી. પરંતુ મેચનું આખું મુડ બદલી નાંખે છે. શુભમન ગિલની કેપ્ટનશીપ પણ બદલી ચૂકી છે ,ગિલ હવે માત્ર પોસ્ટર બોય રહ્યો નથી. તેની કેપ્ટનશીપમાં એક અલગ જ અંદાજ જોવા મળે છે, રાશિદ ખાન જેવા મેચ વિનર સ્પિનિર હોવા છતાં ગુજરાત કેટલીક વખત ફાસ્ટ બોલર પર મેચ છોડી દે છે. કારણ કે, ટીમને વિશ્વાસ હોય છે કે, જો હાર્ડ લેન્થ યોગ્ય પડી રહી છે. તો બેટ્સમેન પોતાના હાથે ભૂલ કરશે. ટુકમાં ગુજરાત વિરોધી ટીમને પોતાની જાળમાં ફસાવે છે.
આઈપીએલની અન્ય ટીમ માટે ખતરાની ઘંટી
સૌથી ડરામણી વાત એ છે કે, ગુજરાત માત્ર અમદાવાદમાં જીતી રહી નથી. બહાર પણ તેની સ્ટોરી આવી જ છે. કોઈ હોમ પિચ ફ્રોડ નહી. આખી ક્રિકેટ ફિલોસોફી છે, જ્યારે અન્ય ટીમ મનોરંજન ક્રિકેટ રમી છે. તો નહેરાજી જીટી બેટ્સમેનોને યાદ અપાવે છે કે, ફાસ્ટ બોલિંગ હજુ પણ ક્રિકેટમાં સૌથી મોટો ડર છે.
