Breaking News: 13 વર્ષની રાહનો અંત, ઈસ્ટ ઝોન દુલીપ ટ્રોફીમાં ચેમ્પિયન, 1 કરોડ રૂપિયાનું ઇનામ

ચેન્નાઈના એમએ ચિદમ્બરમ સ્ટેડિયમ ખાતે રમાયેલી દુલીપ ટ્રોફી 2026-27 ની ફાઇનલમાં ઈસ્ટ ઝોને ઇતિહાસ રચ્યો હતો. ઇશાન કિશનની કેપ્ટનશીપ હેઠળ ઈસ્ટ ઝોને સાઉથ ઝોન સામે પ્રથમ ઇનિંગમાં 372 રનની જંગી લીડના આધારે ટાઇટલ જીત્યું હતું. પાંચ દિવસની ફાઇનલ ડ્રોમાં સમાપ્ત થઈ હોવા છતાં ઈસ્ટ ઝોને ટ્રોફી જીતી હતી.

13 વર્ષ બાદ ઈસ્ટ ઝોન દુલીપ ટ્રોફીમાં ચેમ્પિયન

નિયમો મુજબ પ્રથમ ઇનિંગની લીડને કારણે ઈસ્ટ ઝોનને સત્તાવાર ચેમ્પિયન જાહેર કરવામાં આવ્યું. આ ટાઇટલ જીત સાથે, ઈસ્ટ ઝોનની 13 વર્ષની રાહ સમાપ્ત થઈ હતી. 13 વર્ષ બાદ ઈસ્ટ ઝોન દુલીપ ટ્રોફીમાં ચેમ્પિયન બન્યું અને ત્રીજી વખત દુલીપ ટ્રોફી પર કબજો કર્યો. વિજેતા ટીમને 1 કરોડ રૂપિયાની ઇનામી રકમ સાથે ચમકતી ટ્રોફી મળી હતી.

……..

A dominant performance from East Zone in the Final against South Zone to clinch the #DuleepTrophy 2026 title on the basis of a first-innings lead #EZvSZ pic.twitter.com/UOeg59cRpF

— BCCI Domestic (@BCCIdomestic) September 10, 2026

પહેલી ઇનિંગમાં 708, કેપ્ટનના 270 રન

ફાઇનલમાં, ટોસ જીતીને પ્રથમ બેટિંગ કરવાનો નિર્ણય લીધા પછી, ઈસ્ટ ઝોને તેમની પ્રથમ ઇનિંગમાં 708 રનનો વિશાળ સ્કોર બનાવ્યો. કેપ્ટન ઇશાન કિશને 270 રનની જોરદાર ઇનિંગ રમી. જવાબમાં, સાઉથ ઝોનની મજબૂત બેટિંગ લાઇનઅપ સામે તેમની પ્રથમ ઇનિંગમાં ફક્ત 336 રનમાં જ ઓલઆઉટ થઈ ગઈ. 372 રનની જંગી લીડ મેળવ્યા પછી, ઇશાન કિશને દક્ષિણ ઝોન સામે ફોલો-ઓન લાગુ કરવાની તક મળી, પરંતુ તેણે સમજદારીપૂર્વક ફરીથી બેટિંગ કરવાનો નિર્ણય લીધો.

ઈસ્ટ ઝોનના બેટ્સમેનો છવાયા

ઈસ્ટ ઝોને તેમના બીજા દાવમાં 7 વિકેટે 388 રન બનાવ્યા, જેનાથી મેચ સુરક્ષિત ડ્રો તરફ આગળ વધી અને ટાઇટલ સુરક્ષિત થયું. પ્રથમ દાવમાં, ઇશાન કિશને 270 અને કુમાર કુશાગ્રાએ 101 રનની શાનદાર ઇનિંગ રમી. આ દરમિયાન, મોહમ્મદ કૌનૈન કુરેશીએ અણનમ 116 રન બનાવીને શાનદાર પ્રદર્શન કર્યું હતું.

() () () ()

And the cabinet keeps getting bigger.

Another trophy added, another chapter written in… pic.twitter.com/oGOgoX6mE0

— CricTracker (@Cricketracker) September 10, 2026

ઈશાન કિશનનો કમાલ

ઇશાન કિશને ફરી એકવાર ડોમેસ્ટિક ક્રિકેટમાં પોતાની અજોડ કેપ્ટનશીપ અને મેચ જીતવાની ક્ષમતા સાબિત કરી છે. ઈસ્ટ ઝોને અગાઉ 2011/12 અને 2012/13માં બે વાર ટાઇટલ જીત્યું હતું. હવે, 13 વર્ષ પછી, ઈસ્ટ ઝોન ઇશાનની કેપ્ટનશીપમાં આ સન્માન મેળવ્યું છે. ઇશાનને ફાઇનલમાં તેની ઉત્કૃષ્ટ બેટિંગ માટે પ્લેયર ઓફ ધ મેચ જાહેર કરવામાં આવ્યો હતો. અગાઉ, 2025 માં, જ્યારે ઝારખંડે તેની કેપ્ટનશીપમાં પહેલીવાર સૈયદ મુશ્તાક અલી ટ્રોફી જીતી હતી, ત્યારે પણ તેને ફાઇનલમાં પ્લેયર ઓફ ધ મેચ પણ જાહેર કરવામાં આવ્યો હતો.

Women’s T20 Asia Cup 2026 : બાંગ્લાદેશ સામેની સેમિફાઇનલમાં 69 રન બનાવતાં જ સ્મૃતિ મંધાના બનશે વર્લ્ડ નંબર 1 બેટ્સમેન