Ind vs Eng : બેન ડકેટે ભારત સામે 141 રન ફટકારીને તોડ્યો યુવરાજ સિંહનો રેકોર્ડ, રોહિત શર્મા પણ ટોપ 5 ની યાદીમાં સામેલ

ભારત સામે ઇંગ્લેન્ડના ઓપનર બેટ્સમેન બેન ડકેટે લોર્ડ્સના ઐતિહાસિક મેદાન પર અદભુત ઇનિંગ રમીને શાનદાર સદી ફટકારી છે. પોતાની આ શતકીય ઇનિંગના જોરે બેન ડકેટે ભારતની ટીમના પૂર્વ દિગ્ગજ ઓલરાઉન્ડર યુવરાજ સિંહનો મોટો રેકોર્ડ તોડી નાખ્યો છે. આ સાથે જ તેમણે મહાન બેટ્સમેન વિવ રિચર્ડ્સનો રેકોર્ડ તોડીને લોર્ડ્સના મેદાન પર વનડે ક્રિકેટ ઇતિહાસમાં સૌથી મોટી ઇનિંગ રમનારા વિશ્વના પ્રથમ બેટ્સમેન બનવાનું બહુમાન મેળવ્યું છે. ડકેટની આ વિસ્ફોટક ઇનિંગના કારણે ઇંગ્લેન્ડે ભારત સામે મજબૂત સ્કોર ઊભો કર્યો છે.

બેન ડકેટે તોડ્યો યુવરાજ સિંહનો રેકોર્ડ

બેન ડકેટે ભારત સામેની ત્રીજી વનડે મેચમાં 135 બોલનો સામનો કરીને 1 છગ્ગો અને 18 ચોગ્ગાની મદદથી 141 રનની પ્રચંડ ઇનિંગ રમી હતી. આ સ્કોર સાથે તેઓ ભારત અને ઇંગ્લેન્ડ વચ્ચેની વનડે મેચોમાં સૌથી મોટો સ્કોર બનાવનારા બેટ્સમેનોની યાદીમાં ત્રીજા સ્થાને પહોંચી ગયા છે. ડકેટે યુવરાજ સિંહનો રેકોર્ડ તોડ્યો છે, જેઓ હવે આ યાદીમાં ચોથા સ્થાને સરકી ગયા છે. જોકે, યુવરાજ સિંહ આ યાદીમાં બીજા સ્થાને પણ યથાવત છે. યુવરાજે ઇંગ્લેન્ડ સામે વનડેમાં વર્ષ 2017માં 150 રન જ્યારે વર્ષ 2008માં 138 રનની યાદગાર ઇનિંગ રમી હતી. આ યાદીમાં ભારતીય કેપ્ટન રોહિત શર્મા અને ડેનિસ એમિસ સંયુક્ત રીતે પાંચમા સ્થાને છે.

ભારત અને ઇંગ્લેન્ડ વનડે મેચોમાં સૌથી મોટી ઇનિંગ રમનારા ટોપ 5 બેટ્સમેન