IND vs SA : અવેશ ખાને માત્ર 18 રનમાં 4 વિકેટ ઝડપી, સફળતા પિતાને સમર્પિત કરી
Cricket : રાજકોટમાં રમાયેલી સીરિઝની ચોથી ટી20 મેચમાં ભારતીય ટીમે (Team India) શાનદાર પ્રદર્શન કરતા સાઉથ આફ્રિકાને 82 રને હરાવ્યું હતું. જેમાં આવેશ ખાને (Avesh Khan) 4 ઓવરમાં 4 વિકેટ ઝડપી હતી.
ભારત અને દક્ષિણ આફ્રિકા (IND vs SA) વચ્ચેની T20 શ્રેણી (T20 Series) ની પ્રથમ ત્રણ મેચમાં ફ્લોપ ગયેલા અવેશ ખાને (Avesh Khan) ચોથી મેચમાં પ્રભુત્વ જમાવ્યું હતું. રાજકોટમાં રમાયેલી આ મેચમાં તેણે 18 રન આપીને 4 વિકેટ ઝડપી હતી. તેના માટે તેના સ્પેલની ત્રીજી ઓવર યાદગાર રહી. જેમાં તેણે ત્રણ બેટ્સમેનોને પેવેલિયન પરત કર્યા હતા. મેચ બાદ તેણે આ સફળતા તેના પિતાને સમર્પિત કરી.
અવેશ ખાને કહ્યું, ‘હું ખૂબ જ ખુશ છું. આજે મારા પિતાનો જન્મદિવસ છે અને હું આ સફળતા તેમને સમર્પિત કરવા માંગુ છું. અવેશ ખાને પણ રાજકોટમાં પોતાનો બોલિંગ પ્લાન શેર કર્યો હતો. તેણે કહ્યું, ‘યોજના બોલને સીધો રાખવાનો હતો અને બોલ સ્ટમ્પ ટુ સ્ટમ્પ કરવાનો હતો.’ એક ઓવરમાં ત્રણ વિકેટ લેવા પર અવેશ ખાને કહ્યું, ‘રાસીની વિકેટ લીધા પછી મેં ફિલ્ડરને ફાઇન લેગ પર પાછો મોકલ્યો. મેં સખત બોલ પછી કટર ફેંકવાના રિષભના મુદ્દાની નોંધ લીધી. મેં સ્લોઅર બોલ પર કેશવ મહારાજની વિકેટ લીધી. અમારી બોલિંગ અને ફિલ્ડિંગ સારી થઈ રહી છે. અમારો ધ્યેય આગામી મેચમાં તેમને વધુ સુધારવાનો છે.
આવેશ ખાનને પહેલી ત્રણ મેચમાં કોઇ સફળતા મળી ન હતી
ભારતના (Team India) યુવા ફાસ્ટ બોલર અવેશ ખાન (Avesh Khan) આ શ્રેણીની પ્રથમ ત્રણ મેચમાં એક પણ વિકેટ મેળવી શક્યો ન હતો. આ મામલે તેમની ઘણી ટીકા પણ થઈ રહી હતી. જોકે આ સમય દરમિયાન તેનો ઈકોનોમી રેટ 8ની અંદર હતો. આ મેચમાં અવેશ ખાને પોતાના પ્રદર્શનમાં જબરદસ્ત સુધારો કર્યો હતો અને 4 ઓવરમાં માત્ર 18 રન આપીને 4 વિકેટ ઝડપી હતી.
ભારતે 82 રને રાજકોટમાં રમાયેલી ચોથી મેચ જીતી લીધી
રાજકોટ ટી-20 માં પ્રથમ બેટિંગ કરતા ભારતીય ટીમે દિનેશ કાર્તિક (Dinesh Kartik) (55) અને હાર્દિક પંડ્યા (Hardik Pandya) (46) ની ઈનિંગ્સના કારણે 6 વિકેટ ગુમાવીને 169 રન બનાવ્યા હતા. જવાબમાં દક્ષિણ આફ્રિકાની ટીમે શરૂઆતથી જ નિયમિત અંતરે વિકેટ ગુમાવવાનું ચાલુ રાખ્યું હતું. સાઉથ આફ્રિકાના રાસી વાન ડેર ડુસેને (20) સૌથી વધુ રન બનાવ્યા હતા. આફ્રિકાની આખી ટીમ માત્ર 87 રનમાં ઓલઆઉટ થઈ ગઈ હતી અને ભારતે 82 રનના વિશાળ અંતરથી મેચ જીતી લીધી હતી.