Andrew Symonds Death: એન્ડ્ર્યુ સાયમંડ્સની જેમ આ મોટા ક્રિકેટરોએ પણ માર્ગ અકસ્માતમાં ગુમાવ્યા છે જીવ

Andrew Symonds Death: એન્ડ્ર્યુ સાયમંડ્સની જેમ આ મોટા ક્રિકેટરોએ પણ માર્ગ અકસ્માતમાં ગુમાવ્યા છે જીવ
Andrew Symonds એ અકસ્માતમાં જીવ ગુમાવ્યો

ઓસ્ટ્રેલિયાના ભૂતપૂર્વ ઓલરાઉન્ડર એન્ડ્ર્યુ સાયમન્ડ્સ (Andrew Symonds Died) નું માર્ગ અકસ્માતમાં અવસાન થયું. શનિવારે રાત્રે ઓસ્ટ્રેલિયાના ટાઉન્સવિલેથી 50 કિ.મી. દૂર અકસ્માત સર્જાયો હતો. કાર રસ્તા પર પલટી જતા અકસ્માત સર્જાયો હતો.

TV9 GUJARATI

| Edited By: Avnish Goswami

May 15, 2022 | 9:48 AM

ઓસ્ટ્રેલિયાના પૂર્વ ક્રિકેટર એન્ડ્ર્યુ સાયમન્ડ્સે (Andrew Symonds Death) માર્ગ અકસ્માતમાં જીવ ગુમાવ્યો હતો. શનિવારે રાત્રે, તેની કાર ક્વીન્સલેન્ડ શહેર ટાઉન્સવિલેમાં રસ્તાની નીચે પલટી ગઈ, જેમાં તે ગંભીર રીતે ઘાયલ થયો અને પછી તેનું મૃત્યુ થયું. સાયમન્ડ્સના નિધનથી સમગ્ર ક્રિકેટ જગત શોકમાં ડૂબી ગયું છે. હાલમાં જ ઓસ્ટ્રેલિયાના મહાન ક્રિકેટર શેન વોર્નનું હાર્ટ એટેકથી અવસાન થયું અને હવે બે વખતના વર્લ્ડ ચેમ્પિયન સાયમન્ડ્સે પણ દુનિયા છોડી દીધી. તમને જણાવી દઈએ કે સાયમન્ડ્સની જેમ ભૂતકાળમાં આવા જ રોડ અકસ્માતમાં ઘણા ક્રિકેટરોએ જીવ ગુમાવ્યા છે. આવો તમને જણાવીએ તે 5 ક્રિકેટરો જેનું કાર અકસ્માતમાં દુઃખદ મૃત્યુ થયું હતું.

  1. ઈંગ્લેન્ડના ભૂતપૂર્વ ક્રિકેટર બેન હેલીઓકનું પણ માર્ગ અકસ્માતમાં મૃત્યુ થયું હતું. બેન હોલીક માત્ર 24 વર્ષનો હતો. પર્થમાં તેની કારે નિયંત્રણ ગુમાવ્યું અને સીધી દિવાલ સાથે અથડાઈ. માત્ર 19 વર્ષની વયે ઈંગ્લેન્ડ તરફથી ડેબ્યૂ કરનાર આ ક્રિકેટરના નિધનથી સમગ્ર ક્રિકેટ જગત શોકમાં ગરકાવ થઈ ગયું હતું. બેને ઈંગ્લેન્ડ માટે 2 ટેસ્ટ અને 20 ODI રમી હતી.
  2. વેસ્ટ ઈન્ડિઝના સર્વશ્રેષ્ઠ બેટ્સમેન રૂનાકો મોર્ટને પણ કાર અકસ્માતમાં જીવ ગુમાવ્યો હતો. તે માત્ર 33 વર્ષનો હતો. રૂનાકોની કાર ત્રિનિદાદના સૅલ્મોન હાઈવે પર એક પોલ સાથે અથડાઈ હતી. રુનાકો મોર્ટને વેસ્ટ ઈન્ડિઝ માટે 15 ટેસ્ટ, 56 ODI અને 7 T20I રમી છે.
  3. વેસ્ટ ઈન્ડિઝના ભૂતપૂર્વ ઓલરાઉન્ડર લૌરી વિલિયમ્સે પણ માર્ગ અકસ્માતમાં જીવ ગુમાવ્યો હતો. જમૈકામાં, તેમની કાર એક આવી રહેલી બસ સાથે અથડાઈ જેમાં તે અને તેમનો નાનો ભાઈ માર્યો ગયો. લૌરી વિલિયમ્સ માત્ર 33 વર્ષના હતા. ઓલરાઉન્ડર લૌરી વિલિયમ્સે વેસ્ટ ઈન્ડિઝ માટે 15 વનડે રમી હતી.
  4. ગ્લેમોર્ગન તરફથી રમતા ઇંગ્લિશ ક્રિકેટર ટોમ મેનાર્ડનું પણ આવા જ અકસ્માતમાં મૃત્યુ થયું હતું. વાસ્તવમાં આ ક્રિકેટર ડ્રગ્સના નશામાં હતો, જેના પછી પોલીસે તેનો પીછો કર્યો. પોલીસથી ભાગતી વખતે તે ટ્યુબ ટ્રેન સાથે અથડાઈ ગયો અને તેણે જીવ ગુમાવ્યો. મેનાર્ડ માત્ર 23 વર્ષનો હતો અને તેણે 48 ફર્સ્ટ ક્લાસ અને 63 લિસ્ટ A મેચ રમી હતી.
  5. એક પ્રતિભાશાળી ભારતીય ક્રિકેટરે પણ માર્ગ અકસ્માતમાં જીવ ગુમાવ્યો હતો. વર્ષ 1992માં પંજાબના ફર્સ્ટ ક્લાસ ક્રિકેટર ધ્રુવ પાંડોવે એક માર્ગ અકસ્માતમાં જીવ ગુમાવ્યો હતો, તે માત્ર 18 વર્ષનો હતો. ડાબોડી બેટ્સમેને માત્ર 13 વર્ષની ઉંમરે ફર્સ્ટ ક્લાસમાં ડેબ્યૂ કર્યું હતું અને તેને ભારતનું ભવિષ્ય માનવામાં આવતું હતું. માત્ર 14 વર્ષની ઉંમરે ધ્રુવ પાંડોવે જમ્મુ અને કાશ્મીર સામે તેની પ્રથમ ફર્સ્ટ ક્લાસ સદી ફટકારી હતી. પરંતુ 31 જાન્યુઆરી, 1992ના રોજ અંબાલા પાસે રોડ અકસ્માતમાં તેમનું મૃત્યુ થયું હતું.

Follow us on

Related Stories

Most Read Stories

Click on your DTH Provider to Add TV9 Gujarati