અંડર-19 મહિલા ક્રિકેટ ટીમની કેપ્ટન કાશવી ગૌતમે ભારતીય ખેલાડી અનિલ કુંબલેની કરી બરાબરી, રચ્યો આ ઈતિહાસ

ચંદીગઢની અંડર-19 ટીમની કેપ્ટન કાશવી ગૌતમે પોતાની દમદાર બોલિંગ કરી ઈતિહાસ રચ્યો છે. અરૂણાચલ પ્રદેશની સામે વન-ડે મેચમાં તેમને તમામ 10 વિકેટ પોતે લઈ લીધી. તેમાં એક હેટ્રિકનો પણ સમાવેશ થાય છે. તે આ ઈતિહાસ રચનારી ભારતની પ્રથમ મહિલા ક્રિકેટર છે.

ભારતીય ક્રિકેટ કંટ્રોલ બોર્ડે કાશવીની આ સિદ્ધિને ટ્વીટર પર શેયર કરી છે. કાશવીએ માત્ર 4.5 ઓવરમાં માત્ર 12 રન આપી 10 વિકેટ ઝડપી હતી. પહેલી ઓવરમાં કાશવીએ 2 વિકેટ લીધી. તેમાં સામેની ટીમની બંને ખિલાડી ખાતુ પણ ન ખોલી શકી. બીજી ઓવરમાં તેમણે હેટ્રિક પણ લીધી. જ્યારે ત્રીજી ઓવરમાં 2 વિકેટ લીધી હતી. ત્યારબાદ મેચની નવમી ઓવરમાં ફરીથી પોતાની ઓવર રમવા આવેલી કાશવીએ ફરી 3 વિકેટ લઈને મેચનો જ અંત આણી દીધો હતો.

બોલિંગ ઉપરાંત કાશવી બેટિંગથી પણ પોતાનો જાદુ પાથરી ચૂકી છે. તેમણે 68 બોલમાં 49 રન બનાવ્યા હતા. જેના કારણે ચંદીગઢની ટીમ 50 ઓવરમાં 4 વિકેટ ગુમાવીને 186 રનનો સ્કોર ઉભો કરી શકી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

અરૂણાચલની ટીમ 161 રનથી હારતા માત્ર 25 રન જ બનાવી ઓલઆઉટ થઈ ગઈ. 8 ખિલાડીઓએ તો 1 પણ રન બનાવ્યા વગર પેવેલિયન પાછુ ફરવું પડ્યુ હતુ. રસપ્રદ વાત એ છે કે કાશવીએ લીધેલી વિકેટમાં કોઈપણ ફિલ્ડર્સનો ફાળો રહ્યો નહોતો. આંતરરાષ્ટ્રીય ક્રિકેટમાં માત્ર 2 જ ખિલાડી આ સિદ્ધિ પ્રાપ્ત કરી શક્યા છે. તેમાં ભારતના જ મહાન લેગ સ્પિનર અનિલ કુંબલેનો સમાવેશ થાય છે. જેમણે 1999માં પાકિસ્તાન સામે 10 વિકેટ લીધી હતી.

આ પણ વાંચો: સમાજવાદી પાર્ટીના સાંસદ આઝમ ખાનને પત્ની અને પુત્ર સાથે મોકલાયા જેલમાં, જાણો સમગ્ર મામલો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]