Breaking News : વેસ્ટ ઈન્ડિઝ પ્રવાસ માટે ભારતીય ટેસ્ટ-વનડે ટીમની થઈ જાહેરાત, પૂજારા આઉટ, યશસ્વી-ઋતુરાજ અને મુકેશની એન્ટ્રી
West Indies vs India 2023 : બંને ફોર્મેટમાં માત્ર રોહિત શર્મા જ કેપ્ટનશિપ કરતો જોવા મળશે.જ્યારે અજિંક્ય રહાણે ટેસ્ટમાં અને ગુજ્જુ ઓલરાઉન્ડર હાર્દિક પંડ્યા વનડેમાં વાઇસ કેપ્ટન તરીકે જોવા મળશે. ગુજ્જુ ક્રિકેટર ચેતેશ્વર પૂજારાને ટેસ્ટ ટીમમાંથી બહાર કરવામાં આવ્યો છે.
Team India : જુલાઈ મહિનામાં વેસ્ટ ઈન્ડિઝ પ્રવાસ માટે ભારતીય ટેસ્ટ અને વનડે ટીમની (Indian Cricket Team) આજે જાહેરાત કરવામાં આવી છે. બંને ફોર્મેટમાં માત્ર રોહિત શર્મા જ કેપ્ટનશિપ કરતો જોવા મળશે.જ્યારે અજિંક્ય રહાણે ટેસ્ટમાં અને ગુજ્જુ ઓલરાઉન્ડર હાર્દિક પંડ્યા વનડેમાં વાઇસ કેપ્ટન તરીકે જોવા મળશે. ગુજ્જુ ક્રિકેટર ચેતેશ્વર પૂજારાને ટેસ્ટ ટીમમાંથી બહાર કરવામાં આવ્યો છે.
આ સાથે જ ભારતીય ટીમમાં યુવા ક્રિકેટરોને પણ સ્થાન આપવામાં આવ્યું છે. વેસ્ટ ઈન્ડિઝ પ્રવાસે મુકેશ કુમાર, યશસ્વી જયસ્વાલ અને ઋતુરાજ ગાયકવાડને સ્થાન આપવામાં આવ્યું છે. આ સાથે સંજુ સૈમસને પણ આ વખતે ભારતીય ટીમ તરફથી રમવા માટે તક આપવામાં આવી છે. મળતી માહિતી અનુસાર, 3 જુલાઈના રોજ ભારતીય ક્રિકેટરો 1 મહિનાના વેસ્ટ ઈન્ડિઝ પ્રવાસ માટે રવાના થશે.
આ પણ વાંચો : PM Modi In USA :વ્હાઇટ હાઉસમાં ડિનર દરમિયાન PM Modiએ અમેરિકાની ક્રિકેટ ટીમના વખાણ કર્યા, બાઈડનનું રિએક્શન વાયરલ
ટેસ્ટ સિરીઝ માટે ભારતીય ટીમ
રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, યશસ્વી જયસ્વાલ, અજિંક્ય રહાણે (વાઈસ-કેપ્ટન), કે.એસ. ભરત (વિકેટકીપર), ઈશાન કિશન (વિકેટકીપર), રવિચંદ્રન અશ્વિન, રવિન્દ્ર જાડેજા, શાર્દુલ ઠાકુર, અક્ષર પટેલ, મોહમ્મદ સિરાજ, મુકેશ કુમાર, જયદેવ ઉનડકટ, નવદીપ સૈની
| તારીખ | મેચ | સ્થળ |
| 12-16 જુલાઈ | પ્રથમ ટેસ્ટ | વિન્ડસર પાર્ક, રોઝો, ડોમિનિકા |
| 20-24 જુલાઈ | બીજી ટેસ્ટ | ક્વીન્સ પાર્ક ઓવલ, પોર્ટ ઓફ સ્પેન, ત્રિનિદાદ |
વનડે સિરીઝ માટે ભારતીય ટીમ
રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, સૂર્યકુમાર યાદવ, સંજુ સેમસન (વિકેટકીપર), ઇશાન કિશન (વિકેટકીપર), હાર્દિક પંડ્યા (વાઈસ-કેપ્ટન), શાર્દુલ ઠાકુર, રવીન્દ્ર જાડેજા, અક્ષર પટેલ, યુઝવેન્દ્ર ચહલ, કુલદીપ યાદવ , જયદેવ ઉનડકટ , મોહમ્મદ સિરાજ , ઉમરાન મલિક , મુકેશ કુમાર.
| તારીખ | મેચ | સ્થળ |
| 27 જુલાઈ | પ્રથન વનડે | કેન્સિંગ્ટન ઓવલ, બ્રિજટાઉન, બાર્બાડોસ |
| 29 જુલાઈ | બીજી વનડે | કેન્સિંગ્ટન ઓવલ, બ્રિજટાઉન, બાર્બાડોસ |
| 01 ઓગસ્ટ | ત્રીજી વનડે | ક્વીન્સ પાર્ક ઓવલ, પોર્ટ ઓફ સ્પેન, ત્રિનિદાદ |
2 ટેસ્ટ, 3 વનડે અને 5 ટી-20 આવો છે વેસ્ટ ઈન્ડિઝ પ્રવાસ
વેસ્ટ ઈન્ડિઝ પ્રવાસની શરુઆત ટેસ્ટ મેચથી થશે. 12 જુલાઈથી 24 જુલાઈ વચ્ચે 2 ટેસ્ટ મેચની સિરીઝ થશે. ત્યાર બાદ 27 જુલાઈથી 1 ઓગસ્ટ વચ્ચે 3 મેચની વનડે સિરીઝ થશે. જ્યારે 6 થી 13 ઓગસ્ટ વચ્ચે 5 મેચની ટી20 મેચની સિરીઝ થશે. ટી20 સિરીઝ માટે ભારતીય ટીમની જાહેરાત હાલમાં કરવામાં આવી નથી.
Published On - 4:10 pm, Fri, 23 June 23
