Breaking News: ટીમ ઈન્ડિયાને મોટો ઝટકો, સ્ટાર બોલર ન્યુઝીલેન્ડ સામેની ODI શ્રેણીમાંથી થયો બહાર, જમ્મુ-કાશ્મીરના ખેલાડીને મળશે તક!
ન્યુઝીલેન્ડ સામે ODI શ્રેણી શરૂ થાય તે પહેલા ટીમ ઈન્ડિયાને મોટો ઝટકો લાગ્યો છે. ટીમ ઈન્ડિયાનો સ્ટાર ફાસ્ટ બોલર પ્રસિદ્ધ કૃષ્ણા શ્રેણીમાંથી બહાર થઈ ગયો છે. અહેવાલો સૂચવે છે કે તેનો 1 નવેમ્બરના રોજ ફિટનેસ ટેસ્ટ થશે, પરંતુ એવા અહેવાલો છે કે તે ODI શ્રેણીમાં રમી શકશે નહીં.
ન્યુઝીલેન્ડમાં શાનદાર પ્રદર્શન કરી રહેલી ટીમ ઈન્ડિયા માટે ખરાબ સમાચાર છે. અહેવાલો સૂચવે છે કે પ્રસિદ્ધ કૃષ્ણા ODI શ્રેણી માટે ફિટ થવાની શક્યતા ઓછી છે.
પ્રસિદ્ધ કૃષ્ણાને 30 સપ્ટેમ્બરના રોજ હેમસ્ટ્રિંગમાં ઈજા થઈ હતી.
જોકે, હવે એવા સમાચાર સામે આવ્યા છે કે પ્રસિદ્ધ કૃષ્ણા ODI શ્રેણીમાં રમી શકશે નહીં.
ઝડપી બોલર આકિબ નબીને વનડે ટીમમાં પ્રસિદ્ધ કૃષ્ણાની જગ્યાએ લેવામાં આવે તેવી શક્યતા છે.
નબી હાલ ન્યૂઝીલેન્ડમાં જ છે, જ્યાં તે ઈન્ડિયા A ટીમ માટે એક બિનસત્તાવાર ટેસ્ટ મેચ રમી રહ્યો છે.
આકિબ નબીએ ન્યુઝીલેન્ડ A સામે શાનદાર બોલિંગ કરી અને છ વિકેટ લીધી હતી.
આકિબ નબીએ વેસ્ટ ઈન્ડિઝ સામે વનડે ડેબ્યૂ કર્યું હતું. જોકે ડેબ્યૂ મેચમાં તેને એક પણ વિકેટ મળી નહીં.
ભારત અને ન્યુઝીલેન્ડ વચ્ચે પાંચ મેચની વનડે શ્રેણી 4 નવેમ્બરથી શરૂ થશે. આ શ્રેણી પહેલા ટીમ ઇન્ડિયા પાંચ મેચની T20 શ્રેણીમાં વધુ બે T20 મેચ રમશે. ભારતીય ટીમ ત્રણ મેચ જીતી T20 શ્રેણી પહેલા જ જીતી ચૂકી છે. (PC-PTI/X)
Published On - 6:43 pm, Wed, 28 October 26
