IND vs ENG: 64 બોલમાં 131 રન… જોસ બટલરે મચાવ્યો તોફાન, 5 વર્ષ બાદ T20 માં ફટકારી સદી
જોસ બટલર, જે આ શ્રેણીમાં એક પણ મોટી કે ઈનિંગ રમવામાં નિષ્ફળ રહ્યો હતો, તેણે અંતિમ મેચમાં પોતાના બેટથી ભારે તબાહી મચાવી અને ભારતીય બોલરોને જોરદાર ફટકાર્યા. તેણે 5 વર્ષ બાદ પોતાની બીજી T20I સદી પણ ફટકારી હતી.
શ્રેણીની શરૂઆતથી જ શરૂ થયેલી ઈંગ્લેન્ડ પ્રવાસ પર ભારતીય ટીમનું ખરાબ નસીબ છેલ્લી મેચમાં પણ ચાલુ રહ્યું. T20 શ્રેણી પહેલાથી જ હારી ગયા બાદ, ટીમ ઈન્ડિયા છેલ્લી મેચમાં પણ ઈંગ્લેન્ડ સામે કંઈ ખાસ કરી શકી નહીં. સાઉથમ્પ્ટનમાં રમાયેલી T20 શ્રેણીની પાંચમી અને છેલ્લી મેચમાં ઈંગ્લેન્ડના બેટ્સમેનોએ ટીમ ઈન્ડિયાના બોલરોને ધોઈ નાખ્યા, જેમાં ટીમના અનુભવી ઓપનર જોસ બટલરે શાનદાર સદી ફટકારી હતી. બટલરે લગભગ 5 વર્ષની લાંબી રાહ બાદ T20 આંતરરાષ્ટ્રીય મેચમાં સદી ફટકારી હતી અને કેપ્ટન હેરી બ્રુક સાથે મળીને ભાગીદારીનો નવો રેકોર્ડ બનાવ્યો હતો.
ઈંગ્લેન્ડની ધુંઆધાર બેટિંગ
11 જુલાઈ, શનિવારના રોજ સાઉથમ્પ્ટનના યુટિલિટા બાઉલ સ્ટેડિયમ ખાતે શ્રેણીની અંતિમ મેચમાં ઈંગ્લેન્ડ તરફથી જોસ બટલર પ્રથમ બેટિંગ કરવા આવ્યો હતો. આ મેચ પહેલા બટલરની શ્રેણી સારી રહી ન હતી, તેણે ત્રણ ઈનિંગમાં ફક્ત 44 રન બનાવ્યા હતા. તેથી, આ મેચ ટીમ ઈન્ડિયા માટે એટલી જ મહત્વપૂર્ણ હતી જેટલી તે બટલર માટે હતી. યોગાનુયોગ, આ બટલરની 160 મી T20 આંતરરાષ્ટ્રીય મેચ હતી, જેના કારણે તે સૌથી વધુ મેચ રમવાની યાદીમાં બીજા સ્થાને પહોંચી ગયો છે. આ મેચમાં બટલરે શાનદાર સદી ફટકારી હતી.
જોસ બટલરનો કમાલ
ઈંગ્લેન્ડના સૌથી સફળ T20 બેટ્સમેને સદી ફટકારીને આ સિદ્ધિની ઉજવણી કરી હતી. બટલરનો ઓપનિંગ પાર્ટનર ફિલ સોલ્ટ વહેલો આઉટ થઈ ગયો, પરંતુ તેની અસર બટલર પર પડી નહીં. બટલરે ભારતીય બોલરોને નિશાન બનાવવાનું શરૂ કર્યું અને જોરાર ફટકાબાજી કરી. બટલરે 34 બોલમાં પોતાની અડધી સદી પૂરી કરી, પરંતુ પછીના 50 રન આનાથી અડધા બોલમાં જ પૂરા કર્યા.
Still Boss
Simply incredible, @JosButtler! @IGCom pic.twitter.com/SYhMp2Y94U
— England Cricket (@englandcricket) July 11, 2026
5 વર્ષ પછી બટલરની સદી
થોડી જ વારમાં બટલરે 51 બોલમાં પોતાની સદી પૂરી કરી. તેણે 16 મી ઓવરમાં અક્ષર પટેલની બોલ પર છગ્ગો ફટકારીને પોતાની T20I સદી પૂરી કરી. તેણે નવ ચોગ્ગા અને છ છગ્ગા ફટકારીને પોતાની સદી પૂરી કરી. આ તેની માત્ર બીજી સદી હતી, જે લગભગ પાંચ વર્ષમાં તેની પહેલી સદી હતી. બટલરની પાછલી સદી નવેમ્બર 2021માં T20 વર્લ્ડ કપમાં શ્રીલંકા સામે આવી હતી.
સૌથી મોટી ભાગીદારીનો નવો વિશ્વ રેકોર્ડ
સદી પછી પણ તેની વિસ્ફોટક બેટિંગ ચાલુ રહી અને તે 19 મી ઓવરમાં આઉટ થયો. તેણે ફક્ત 64 બોલમાં 131 રન બનાવ્યા, જેમાં આઠ છગ્ગા અને 12 ચોગ્ગાનો સમાવેશ થાય છે. વધુમાં, બટલરે કેપ્ટન હેરી બ્રુક સાથે મળીને બીજી વિકેટ માટે 233 રનની ભાગીદારી કરી, જે T20 આંતરરાષ્ટ્રીય ક્રિકેટમાં (પૂર્ણ સભ્ય દેશો વચ્ચે) કોઈપણ વિકેટ માટે સૌથી મોટી ભાગીદારી છે. તેણે ભારતનો જ રેકોર્ડ તોડ્યો, જે અગાઉ તિલક વર્મા અને સંજુ સેમસન (210 રન) ના નામે હતો. આ ઈનિંગે ઈંગ્લેન્ડને 257 રનનો વિશાળ સ્કોર કરવામાં મદદ કરી.
