Breaking News: ICCએ બાંગ્લાદેશની કાઢી હેકડી, મેચ તો ભારતમાં જ રમવી પડશે, નહીંતર T20 વર્લ્ડ કપ ટુર્નામેન્ટમાંથી થઈ જશે બહાર

આંતરરાષ્ટ્રીય ક્રિકેટ પરિષદ (ICC) બોર્ડે ભારત સિવાય અન્ય દેશમાં મેચ રમવાની બાંગ્લાદેશ ક્રિકેટ બોર્ડ (BCB) ની વિનંતીને નકારી કાઢી છે. આ દરખાસ્ત પર મતદાન થયું હતું. જેમાં BCB ને કારમી હારનો સામનો કરવો પડ્યો હતો.

મતદાન કરનારા 16 દેશોમાંથી 14 દેશોએ બાંગ્લાદેશના પ્રસ્તાવની વિરુદ્ધમાં મતદાન કર્યું. જ્યારે ફક્ત બે દેશો, પાકિસ્તાન અને બાંગ્લાદેશે તેના પક્ષમાં મતદાન કર્યું છે.

ICC એ હવે BCB ને સ્પષ્ટપણે સૂચના આપી છે કે તે તેની સરકારને આ નિર્ણયની જાણ કરે. તેણે ચેતવણી પણ આપી છે કે જો બાંગ્લાદેશ તેના વલણ પર અડગ રહેશે અને ભારતમાં રમવાનો ઇનકાર કરશે, તો તેને ટુર્નામેન્ટમાંથી બહાર કરવામાં આવશે.

અંતિમ નિર્ણય લેવામાં આવી શકે છે.

સૂત્રોના જણાવ્યા અનુસાર, આવી સ્થિતિમાં બાંગ્લાદેશની જગ્યાએ સ્કોટલેન્ડને ટુર્નામેન્ટમાં સામેલ કરવામાં આવી શકે છે. ICC એ આ મામલે ખૂબ જ કડક વલણ અપનાવ્યું છે અને ટૂંક સમયમાં અંતિમ નિર્ણય લેવામાં આવી શકે છે.

મુસ્તફિઝુર રહેમાનનો IPL કરાર સમાપ્ત થયા પછી વિવાદ શરૂ થયો, ત્યારબાદ BCB એ ICC ને બાંગ્લાદેશની મેચો ભારતની બહાર ખસેડવા માટે ઔપચારિક વિનંતી કરી. BCB એ અગાઉ સુરક્ષા અને ખેલાડીઓની સલામતીની ચિંતાઓને ટાંકીને ટીમને ભારતમાં મોકલવાનો ઇનકાર કર્યો હતો. જોકે, ICC ના વલણથી હવે BCB ના ઘમંડ પર કાબુ મેળવી લેવામાં આવ્યો છે.

બાંગ્લાદેશે ગ્રુપ ચેન્જની માંગણી કરી હતી

બાંગ્લાદેશ સરકારના દબાણ હેઠળ, BCB એ આયર્લેન્ડ સાથે ગ્રુપ ફેરફારનો પ્રસ્તાવ મૂક્યો. બાંગ્લાદેશ ગ્રુપ C માં છે, જ્યાં તે કોલકાતામાં ત્રણ અને મુંબઈમાં એક મેચ રમશે. બાંગ્લાદેશ ગ્રુપ સ્વેપ ઇચ્છતો હતો, જેના કારણે તેને ગ્રુપ B માં મૂકવામાં આવ્યું હોત, જ્યાં મેચ શ્રીલંકામાં રમવાની હતી.

ICC ની બેઠકમાં શું થયું? જાણો દરેક વિગતો

બુધવાર (21 જાન્યુઆરી) ના રોજ ICC બોર્ડની વિડીયો કોન્ફરન્સ મીટિંગ બાદ આ નિર્ણય લેવામાં આવ્યો હતો. આ મીટિંગ એટલા માટે બોલાવવામાં આવી હતી. કારણ કે બાંગ્લાદેશ ક્રિકેટ બોર્ડ (BCB) એ તેમની મેચોને ભારતથી શ્રીલંકા ખસેડવાની માગ કરી હતી.

ICC એ સ્વતંત્ર તપાસ સહિત તમામ સુરક્ષા અહેવાલો પર વિચાર કર્યો. આ બધા અહેવાલોમાં સ્પષ્ટપણે કહેવામાં આવ્યું હતું કે ભારતમાં મેચો દરમિયાન બાંગ્લાદેશી ખેલાડીઓ, મીડિયા, અધિકારીઓ અને ચાહકો માટે કોઈ ખતરો નહોતો.

ICC એ એમ પણ કહ્યું હતું કે ટુર્નામેન્ટની શરૂઆતની આટલી નજીક સમયપત્રકમાં ફેરફાર કરવો શક્ય નથી. જો આ કોઈ ચોક્કસ સુરક્ષા ખતરા વિના કરવામાં આવે, તો તે ભવિષ્યની ICC ટુર્નામેન્ટ પર પ્રતિકૂળ અસર કરશે અને સંગઠનની નિષ્પક્ષતા પર પ્રશ્નો ઉભા કરશે.

ICC એ ઘણી વાતચીત અને ઇમેઇલ દ્વારા BCB સાથે આ મામલો ઉકેલવાનો પ્રયાસ કર્યો. તેમને કેન્દ્રીય અને રાજ્ય સુરક્ષા વ્યવસ્થા સહિત સંપૂર્ણ સુરક્ષા માહિતી પૂરી પાડવામાં આવી હતી.

યજમાન દેશની ગેરંટીઓ પૂરી પાડી હતી

ICC ના પ્રવક્તાએ જણાવ્યું હતું કે, “છેલ્લા કેટલાક અઠવાડિયાથી ICC બાંગ્લાદેશની ભાગીદારી સુનિશ્ચિત કરવા માટે BCB સાથે સતત સંપર્કમાં છે. અમે તેમને સ્વતંત્ર સુરક્ષા અહેવાલો, સ્ટેડિયમ સુરક્ષા યોજનાઓ અને યજમાન દેશની ગેરંટીઓ પૂરી પાડી હતી. આ બધાના નિષ્કર્ષ પર આવ્યા કે ભારતમાં બાંગ્લાદેશ ટીમ માટે કોઈ સુરક્ષા ખતરો નથી. આ હોવા છતાં BCB મક્કમ રહ્યું. તેઓએ ટુર્નામેન્ટમાં ભાગીદારીને સ્થાનિક લીગમાં તેમના એક ખેલાડી સાથે સંકળાયેલા એક અલગ અને અસંબંધિત મામલા સાથે જોડી દીધી. આનો ટુર્નામેન્ટની સુરક્ષા વ્યવસ્થા સાથે કોઈ સંબંધ નથી.”

ICC એ વધુમાં જણાવ્યું હતું કે, “તેમના નિર્ણયો હંમેશા સુરક્ષા અહેવાલો, યજમાન દેશની ગેરંટીઓ અને સ્થાપિત નિયમો પર આધારિત હોય છે, જે બધી 20 ટીમોને સમાન રીતે લાગુ પડે છે. જ્યાં સુધી બાંગ્લાદેશ ટીમની સુરક્ષા જોખમમાં હોવાના નક્કર પુરાવા ન હોય ત્યાં સુધી, મેચોનું સ્થાનાંતરણ શક્ય નથી. આમ કરવાથી વિશ્વભરની અન્ય ટીમો અને ચાહકો માટેનું સમયપત્રક વિક્ષેપિત થશે. વધુમાં તે ભવિષ્યની ટુર્નામેન્ટ માટે ખરાબ મિસાલ સ્થાપિત કરી શકે છે અને ICC ની નિષ્પક્ષતા પર અસર કરી શકે છે. ICC પ્રામાણિકતા સાથે કાર્ય કરવાનું ચાલુ રાખશે, સુસંગત નિયમો લાગુ કરશે અને વિશ્વભરમાં ક્રિકેટના હિતોનું રક્ષણ કરશે.”

બાંગ્લાદેશનો T20 વર્લ્ડ કપ 2026નો ટાઈમટેબલ

• 7 ફેબ્રુઆરી, 2026: બાંગ્લાદેશ વિરુદ્ધ વેસ્ટ ઈન્ડિઝ, બપોરે 3 વાગ્યે, ઈડન ગાર્ડન્સ (કોલકાતા)
• 9 ફેબ્રુઆરી, 2026: બાંગ્લાદેશ વિરુદ્ધ ઈટાલી, સવારે 11 વાગ્યે, ઈડન ગાર્ડન્સ (કોલકાતા)
• 14 ફેબ્રુઆરી, 2026: બાંગ્લાદેશ વિરુદ્ધ ઈંગ્લેન્ડ, બપોરે 3 વાગ્યે, ઈડન ગાર્ડન્સ (કોલકાતા)
• 17 ફેબ્રુઆરી, 2026: બાંગ્લાદેશ વિરુદ્ધ નેપાળ, સાંજે 7 વાગ્યે, વાનખેડે સ્ટેડિયમ (મુંબઈ)

IPL 2026 પહેલા બ્લોકબસ્ટર ડીલ, BCCIને દર વર્ષે 90 કરોડ આપશે આ કંપની