Breaking News : Bhavani Devi એ રચ્યો ઈતિહાસ, Asian Championshipsમાં મેડલ જીતનાર પહેલી ભારતીય તલવારબાજ બની

China : ભારતની વધુ એક દીકરી એ આજે ફરી ભારતીયોનું નામ રોશન કર્યું છે. તલવારબાજ ભવાની દેવી (Bhavani Devi) એ એશિયન ચેમ્પિયનશિપમાં ભારત માટે મેડલ પાક્કો કર્યો છે. તે પ્રતિષ્ઠિત એશિયન ચેમ્પિયનશિપમાં મેડલ જીતનાર પહેલી તલવારબાજ બની છે. જણાવી દઈએ કે ચીનના વુક્સીમાં એશિયન તલવારબાજી ચેમ્પિયનશિપની મહિલા સ્પર્ધાની સેમિફાઈનલમાં પહોંચીને ભવાની દેવી એ મેડલ પાક્કો કર્યો હતો. જોકે સેમિફાઈનલમાં હાર થતા તેને બ્રોન્ઝ મેડલ મળ્યો છે.

ભવાની દેવી એ ક્વાર્ટર ફાઈનલમાં હાલની વર્લ્ડ ચેમ્પિયન જાપાનની મિસાકી એમુરાને 15-10ના સ્કોરથી હરાવીને ઈતિહાસ રચ્યો હતો. તે સેમિફાઈનલમાં પહોંચનારી પહેલી ભારતીય તલવારબાજ બની હતી. સેમિફાઈનલમાં ભવાની દેવીની સ્પર્ધા ઉજ્બેકિસ્તાનની જેનાબ ડેયિબેકોવા સાથે હતી. સેમિફાઈનલમાં 29 વર્ષીય ભવાની દેવીને 14-15થી હારનો સામનો કરવો પડયો હતો.

આ પણ વાંચો : Breaking News : ભારતીય ફૂટબોલ ટીમે પાંચ વર્ષ બાદ જીત્યો Intercontinental Cup, સુનીલ છેત્રી એ ગોલ કરીને લેબનાનને ફાઈનલમાં હરાવ્યું

ભવાની દેવી એ ભારત માટે મેડલ કર્યો પાક્કો

આ પહેલા તેને રાઉન્ડ ઓફ 64માં તેને બાય મળી હતી. બાય એટલે કે કોઈપણ હરીફ વગર સ્પર્ધામાં આગળ વધવું. આગળના રાઉન્ડમાં તેણે કઝાખસ્તાનની ડોસ્પે કરીનાને હરાવી હતી. તેણે પ્રી કવાર્ટર ફાઈનલમાં મોટો ઉલટફેર કરીને ઓજાકી સેરીને 15-11થી હરાવી હતી.

આ પણ વાંચો :  Breaking News : Indonesia Open 2023માં ભારતીય જોડી એ રચ્યો ઈતિહાસ, સાત્વિક અને ચિરાગ બન્યા Super 1000 title ચેમ્પિયન, જુઓ Video

મહાસચિવ એ પાઠવી શુભેચ્છા

ભારતીય તલવારબાજી સંઘના મહાસચિવ રાજીવ મહેતા એ ભવાની દેવીની આ ઐતિહાસિક ઉપલબ્ધિ પર તેને અભિનંદન પાઠવ્યા હતા. તેમણે જણાવ્યું કે, આ ભારતીય તલવારબાજી માટે ગૌરવપૂર્ણ દિવસ છે. ભવાની એ એક કામ કર્યું છે જે હમણા સુધી કોઈ કરી શક્યું નથી.. જણાવી દઈએ કે છેલ્લા ઓલમ્પિકમાં ક્વોલિફાય કરીને પહેલી ભારતીય તલવારબાજ બની હતી. પણ રાઉન્ડ ઓફ 32ની રમતમાંથી બહાર થઈ ગઈ હતી.

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો