BCCIએ આખરે પોતાના નવા ચીફ સિલેક્ટની પસંદગી કરી છે. પ્રજ્ઞાન ઓઝાને અજિત અગરકરના સ્થાને નવા મુખ્ય પસંદગીકાર તરીકે નિયુક્ત કરવામાં આવ્યો છે. શરૂઆતમાં ઓઝાને વચગાળાના પ્રમુખ તરીકે નિયુક્ત કરવામાં આવ્યો હતો, પરંતુ હવે ભૂતપૂર્વ ક્રિકેટરને ફૂલ ટાઈમ ચીફ સિલેક્ટ તરીકે નિયુક્ત કરવામાં આવ્યો છે.

પ્રજ્ઞાન ઓઝા ટીમ ઈન્ડિયાનો ચીફ સિલેક્ટ

અહેવાલો અનુસાર ભૂતપૂર્વ ક્રિકેટરો વસીમ જાફર, રમેશ પોવાર, કોનોર વિલિયમ્સ અને જેકબ માર્ટિને પણ ટીમ ઈન્ડિયાના ચીફ સિલેક્ટ બનવા માટે અરજી કરી હતી, પરંતુ કોઈની પસંદગી કરવામાં આવી ન હતી. આ તમામ દિગ્ગજોને પછાડી ઓઝા ટીમ ઈન્ડિયાનો નવો ચીફ સિલેક્ટ બન્યો હતો. BCCIએ પ્રજ્ઞાન ઓઝા સાથે જવાનું જરૂરી માન્યું.

PRAGYAN OJHA – THE NEW CHIEF SELECTOR OF TEAM INDIA https://t.co/o4ibYqkbnF

— Tanuj (@ImTanujSingh) October 19, 2026

ટીમ ઈન્ડિયાની નવી પસંદગી સમિતિ

પ્રજ્ઞાન ઓઝા હવે ટીમ ઈન્ડિયાની નવી પસંદગી સમિતિનો અધ્યક્ષ રહેશે. તેની સાથે શિવ સુંદર દાસ, આરપી સિંહ, અજય રાત્રા અને રમેશ પોવાર પણ જોડાશે, જેઓ પસંદગી સમિતિના નવા સભ્યો છે. પ્રજ્ઞાન ઓઝાની વાત કરીએ તો, ભૂતપૂર્વ ક્રિકેટરે ભારત માટે 24 ટેસ્ટ મેચોમાં 113 વિકેટ લીધી હતી. તેણે 18 વનડેમાં 21 વિકેટ અને 6 T20માં 10 વિકેટ પણ લીધી હતી.

સચિનની છેલ્લી મેચ, ઓઝાની કારકિર્દીનો અંત

પ્રજ્ઞાન ઓઝાની કારકિર્દીની સૌથી રસપ્રદ વાત એ છે કે સચિન તેંડુલકરની છેલ્લી મેચમાં ઓઝાની કારકિર્દીનો અંત આવ્યો હતો. 16 નવેમ્બરના રોજ ભારતે વાનખેડે ખાતે વેસ્ટ ઈન્ડિઝ સામે એક ઇનિંગ અને 126 રનથી જીત મેળવી હતી. આ સચિન તેંડુલકરની કારકિર્દીની છેલ્લી મેચ હતી, જેમાં તેણે નિવૃત્તિ લીધી હતી.

Announcement

Mr Ramesh Powar @imrameshpowar appointed to Men’s Selection Committee.

Based on seniority (most Tests), Mr Pragyan Ojha @pragyanojha will chair the Committee.

BCCI appreciates Mr Ajit Agarkar @imAagarkar for his commitment, conviction and contribution during his tenure as Chairman of the Committee.

Details ▶️ https://t.co/z0jcyPWkr0

#TeamIndia

— BCCI (@BCCI) October 19, 2026

ત્યારે પસંદગી ના થઈ, આજે બન્યો મુખ્ય પસંદગીકાર

આ મેચમાં પ્રજ્ઞાન ઓઝાએ કુલ 10 વિકેટ લીધી હતી. તેણે બંને ઇનિંગમાં 5 વિકેટ લીધી હતી અને તેને મેન ઓફ ધ મેચ જાહેર કરવામાં આવ્યો હતો, પરંતુ આ મેચ પછી, તેની ક્યારેય પસંદગી કરવામાં આવી ન હતી. આનું કારણ કોઈને ખબર નથી, પરંતુ પ્રજ્ઞાન ઓઝાની આંતરરાષ્ટ્રીય કારકિર્દી અચાનક સમાપ્ત થઈ ગઈ. પરંતુ આજે આ ભૂતપૂર્વ ક્રિકેટર ટીમ ઈન્ડિયાનો ચીફ સિલેક્ટર બન્યો છે.

Breaking News: વિરાટ કોહલી ન્યૂઝીલેન્ડમાં આજ સુધી નથી કરી શક્યો આ કમાલ, હવે છેલ્લી તક!