Gujarati NewsPoliticsTerrorist caught from vadodara yesterday makes big revelations jano kevi rite zadpayo isis aatanki zafar
વડોદરાથી ઝડપાયેલાં આતંકીએ પોલીસ પૂછપરછમાં કર્યા મોટા ખૂલાસાઓ, જાણો વિગત
યુનુસ ગાઝી | અમદાવાદ, તામિલનાડુ ISIS ગ્રુપના બે ફરાર આતંકીઓ સમીન અને તૌફિક સુધી પહોંચવા માટે સુરક્ષા એજન્સીઓ ગઈ કાલે ઝડપાયેલા ઝફરને પગથિયું બનાવી રહ્યા છે. ગુજરાત ATS, દિલ્હી સ્પેશિયલ સેલ અને અન્ય સુરક્ષા એજન્સીઓએ સતત રાતભર કરેલી પૂછપરછમાં એ ખુલાસો થયો છે કે તામિલનાડુમાં PIની હત્યા કરનાર તેના જ ગ્રુપના બે ફરાર આતંકીઓ છે. […]
Follow us on
યુનુસ ગાઝી | અમદાવાદ, તામિલનાડુ ISIS ગ્રુપના બે ફરાર આતંકીઓ સમીન અને તૌફિક સુધી પહોંચવા માટે સુરક્ષા એજન્સીઓ ગઈ કાલે ઝડપાયેલા ઝફરને પગથિયું બનાવી રહ્યા છે. ગુજરાત ATS, દિલ્હી સ્પેશિયલ સેલ અને અન્ય સુરક્ષા એજન્સીઓએ સતત રાતભર કરેલી પૂછપરછમાં એ ખુલાસો થયો છે કે તામિલનાડુમાં PIની હત્યા કરનાર તેના જ ગ્રુપના બે ફરાર આતંકીઓ છે. ISISના વિદેશી હેન્ડલરના સિગ્નલ બાદ સમીન અને તૌફિક ગુજરાત ખાતે ઝફર ઉર્ફે ઉંમરને મળવાના હતા અને ત્યાર બાદ હેન્ડલરના આદેશ મુજબ આતંકી ઘટનાને અંજામ આપવાના હતા. ઝફર આ બંનેના આગમનની રાહ જોતો ગૌરવાની ઓરડીમાં ભરાયેલો રહ્યો અને ગુજરાત ATS તથા અન્ય સુરક્ષા એજન્સીઓની જાળમાં ફસાઈ ગયો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તામિલનાડુ પોલીસ ઉપરાંત કેન્દ્રીય સુરક્ષા એજન્સીઓ સમીન અને તૌફીકની સતત શોધખોળ કરી રહી હતી. એ દરમિયાન ઇનપુટ્સ મળ્યા હતા કે આ બંને ઉત્તરભારતમાં ફરી રહ્યા છે. ઉત્તર ભારતથી નેપાળ અને ત્યાંથી પાકિસ્તાન અથવા અફઘાનિસ્તાન જવાની ફિરાકમાં હતા. આ બંને ઝફર સાથે સંપર્કમાં હોવાથી તેઓનો શું પ્લાન હતો અને ક્યાં કોણ આશરો આપી શકે છે તે દિશામાં ગુજરાત ATS અને અન્ય કેન્દ્રીય સુરક્ષા એજન્સીઓ સતત દોડધામ કરી રહી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
ઝફર ગુજરાતમાં જે જે લોકોને મળ્યો હતો કે મળવાનો હતો અથવા તો સંપર્ક કર્યા હતા તે તમામની ભૂમિકાની ગુજરાત ATS સ્થાનિક જિલ્લાઓની SOG સહિતની એજન્સીઓ અને સ્થાનિક પોલીસની મદદથી તપાસ કરી રહી છે. ઝફર જેની સાથે સંપર્કમાં હતો તે લોકો જેની સાથે સંપર્કમાં હતા તે તમામની કોલ ડિટેલ તથા સોશિયલ મીડિયા એકાઉન્ટની તપાસ કરાઈ રહી છે. અત્યાર સુધી આ તમામની પ્રવૃત્તિઓ તથા ચેટના આધારે સુરક્ષા એજન્સીઓ ISISના મુખ્ય કાવતરાનો પર્દાફાશ કરવા પ્રયત્નશીલ છે.