Local Body Poll 2021: Highcourt એ એક જ દિવસે મતગણતરીની અરજદારની માંગણીને ફગાવી

સ્થાનિક સ્વરાજ્યની ચૂંટણી 2 તબક્કામાં યોજાશે. પહેલા તબક્કામાં મહાનગર પાલિકાની ચૂંટણી યોજાશે. જયારે બીજા તબક્કામાં તાલુકા પંચાયત, જિલ્લા પંચાયત અને નગર પાલિકાની ચૂંટણી યોજાશે. હાઇકોર્ટમાં (Highcourt) અરજી કરવામાં આવી હતી કે, મહાનગરપાલિકા, નગરપાલિકા, જિલ્લા પંચાયત, તાલુકા પંચાયતની ચૂંટણીની મતગણતરી એક જ તારીખે કરવામાં આવે.

જો મહાનગર પાલિકાનું ચૂંટણી પરિણામ નગરપાલિકા, જિલ્લા પંચાયત, તાલુકા પંચાયતની ચૂંટણી પહેલા કરવામાં આવશે તો તેની અસર પરિણામ પર પડી શકે છે. આ અરજી હાઇકોર્ટએ ફગાવી દીધી છે. સાથે કહ્યું છે કે,અગાઉ ચૂંટણીપંચે કરેલી જાહેરાત પ્રમાણે જ મતગણતરી થશે.

મહાનગરપાલિકાની ચૂંટણીનું 21 ફેબ્રુઆરીએ મતદાન થશે. આ મતગણતરી 23 ફેૂબ્રુઆરીએ હાથ ધરવામાં આવશે . નગરપાલિકાની ચૂંટણી માટે 28 ફેબ્રુઆરીએ મતદાન અને બીજી માર્ચે મતગણતરી હાથ ધરવામાં આવશે.