લોકસભાની ચૂંટણી પહેલાની સત્તાની સેમીફાઈનલ મનાતી પાંચ રાજ્યોની વિધાનસભાની ચૂંટણીના પરિણામો પર આજે સૌ કોઈની નજર છે. મધ્ય પ્રદેશ, રાજસ્થાન, છત્તીસગઢ, તેલંગાણા અને મિઝોરમમાં યોજાયેલી ચૂંટણીની મતગણતરી સવારે 8 વાગ્યાથી શરૂ થઈ ગઈ છે.
રાજસ્થાનમાં કુલ 200 વિધાનસભા બેઠકોમાંથી 199 બેઠકો પર ચૂંટણી યોજાઈ હતી.
મધ્ય પ્રદેશમાં 230 બેઠકો
છત્તીસગઢમાં 90 બેઠકો
તેલંગાણામાં 119 બેઠકો અને
મિઝોરમમાં કુલ 40 વિધાનસભા બેઠકો પર ચૂંટણી યોજાઈ હતી.
મહત્ત્વનું તો એ છે કે આ પાંચેય રાજ્યોમાં ભારે મતદાન થયું હતું.
મધ્યપ્રદેશ-છત્તીસગઢમાં છેલ્લા 15 વર્ષથી ભાજપ સત્તા પર છે તો રાજસ્થાનમાં ગઈ ચૂંટણીમાં ભાજપે જીત મેળવી હતી.