કરજણ પેટાચૂંટણીના મતદાન પૂર્વે કોંગ્રેસને વધુ એક ઝટકો, સહકારી આગેવાન જગદીશ પટેલ ભાજપમાં જોડાયા

કરજણ પેટાચૂંટણીના મતદાન પૂર્વે કોંગ્રેસને વધુ એક ઝટકો લાગ્યો છે. જિલ્લા કોંગ્રેસના અગ્રણી અને સહકારી આગેવાન એવા જગદીશ પટેલ ભાજપમાં જોડાયા છે. સહકારી આગેવાન સાથે કોંગ્રેસના સિનિયર નેતા ગણાતા જગદીશ પટેલે કેસરિયો ધારણ કરતા શિનોર પંથકમાં ભાજપ વધુ મજબૂત બની છે જ્યારે કોંગ્રેસની વોટબેંક પર મોટી અસર વર્તાશે. જગદીશ પટેલ બરોડા ડેરી અને ગંધારા સુગરમાં ડિરેક્ટર રહી ચૂક્યા છે. મહત્વપૂર્ણ છે કે કરજણ બેઠક પર કોંગ્રેસના સંભવિત ઉમેદવાર તરીકે જગદીશ પટેલનું નામ ચર્ચામાં હતું.