VIDEO: ઝારખંડમાં વિધાનસભાની ચૂંટણીની તારીખ જાહેર, 5 તબક્કામાં યોજાશે મતદાન

ઝારખંડમાં વિધાનસભાની ચૂંટણીનો શંખ વાગી ગયો છે. ચૂંટણી પંચના અધ્યક્ષ સુનિલ અરોરાએ આ અંગે જાહેરાત કરી છે. 5 તબક્કામાં મતદાનનું આયોજન કરાયું છે. જાહેરાતની સાથે આચારસંહિતા પણ લાગુ કરી દેવાઈ છે. આજથી રાજ્યમાં આચારસંહિતા લાગુ થઈ ચૂકી છે. ચૂંટણી પંચે કહ્યું કે, તેમણે પુરતી તૈયારી કરી છે. 30 નવેમ્બરે પ્રથમ તબક્કાનું મતદાન થશે. જ્યારે 7 ડિસેમ્બરે બીજા, 12 ડિસેમ્બરે ત્રીજા, 16 ડિસેમ્બરે ચોથા જ્યારે 20 ડિસેમ્બરે પાંચમા તબક્કાનું મતદાન થશે.

આ પણ વાંચોઃ મહારાષ્ટ્રમાં શિવસેના સાથે કોંગ્રેસ સરકાર બનાવશે આ મામલે સુશિલ કુમાર શિંદેનો જવાબ

મહત્વનું છે કે, ઝારખંડ વિધાનસભાનો કાર્યકાલ 5 જાન્યુઆરી 2020ના દિવસે પૂરો થઈ રહ્યો છે. જે પહેલા નવી સરકારનું ગઠન કરી દેવાશે. ગત વિધાનસભાની ચૂંટણીમાં પણ 5 તબક્કામાં મતદાન યોજાયું હતું. 81 બેઠકની વિધાનસભામાં ભાજપ અને આજસૂનું (All Jharkhand Students Union) ગઠબંધન છે. ભાજપ 72 બેઠક પર ચૂંટણી લડ્યું હતું. અને 37 બેઠક પર જીત મેળવી હતી. જ્યારે ભાજપની સહયોગી પાર્ટી 8 બેઠક પર ચૂંટણી લડી હતી. જેમાંથી 5 સીટ પર જીત મેળવી હતી.

ઝારખંડમાં ગત વિધાનસભાની ચૂંટણીમાં દિગ્ગજ નેતાઓ હારી ગયા છે. જેમાં મુખ્યપ્રધાનના ઉમેદવાર અર્જુન મુંડા, તત્કાલીન મુખ્યપ્રધાન હેમંત સોરેન, પૂર્વ મુખ્યપ્રધાન બાબુલાલ મરાંડ પૂર્વ મુખ્યપ્રધાન મધુ કોડા, આજસૂ અધ્યક્ષ અને પૂર્વ ઉપમુખ્યપ્રધાન સુદેશ મહતો હારી ગયા હતા. ચૂંટણી પછી ઝારખંડ વિકાસ મોર્ચા(પ્રજાતાંત્રિક)ના 6 ધારાસભ્ય ભાજપમાં જોડાયા હતા. જેથી ભાજપના ધારાસભ્યોની સંખ્યામાં વધારો થયો હતો.

જો કે એવી સંભાવના લગાવવામાં આવી રહી હતી કે, ચૂંટણીપંચ ઝારખંડની સાથે દિલ્હી વિધાનસભા ચૂંટણીની જાહેરાત પણ કરી શકે છે. પરંતુ ચૂંટણી પંચ દ્વારા માત્ર ઝારખંડની જાહેરાત કરવામાં આવી છે. જો કે દિલ્હી વિધાનસભા ચૂંટણીનો કાર્યકાલ 22 ફેબ્રુઆરીના દિવસે પુરો થાય છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો