મહારાષ્ટ્ર પર 4.5 લાખ કરોડથી પણ વધારેનું દેવું, CM ઉદ્ધવ ઠાકરે રાજ્યની આર્થિક સ્થિતી સુધારશે?

ઉદ્ધવ ઠાકરેએ મહારાષ્ટ્રના મુખ્યપ્રધાન તરીકે શપથ ગ્રહણ કર્યા. તેની સાથે જ દેશની આર્થિક રાજધાનીમાં ઠાકરે સરકારની શરૂઆત થઈ ગઈ. ઠાકરે પરિવારમાંથી પ્રથમ વખત કોઈ સભ્ય મુખ્યપ્રધાન પદ સંભાળશે. ત્યારે મુખ્યપ્રધાન ઉદ્ધવ ઠાકરેની સામે ઘણા મોટા પડકારો છે. ઉદ્ધવ ઠાકરેની સામે પડકાર આર્થિક સ્તરે રહેશે. હાલમાં રાજ્યની આર્થિક સ્થિતી સારી નથી.

જૂન મહીનામાં મહારાષ્ટ્રની ફડણવીસ સરકારમાં નાણા મંત્રી સુધીર મુંગટીવારે 2019-20નું વચગાળાનું બજેટ રજૂ કર્યુ. આ બજેટમાં જણાવ્યું કે મહારાષ્ટ્ર પર દેવું 4.7 લાખ કરોડ રૂપિયાથી વધારેનું છે. ત્યારે 2018-19માં મહારાષ્ટ્ર સરકારનું દેવું 4.14 લાખ કરોડ રૂપિયા હતું, જે સતત વધી રહ્યું છે. સરકારે કુલ બજેટ 3,34,933 કરોડ રૂપિયા રાખ્યું હતું.

આ બજેટમાં જણાવવામાં આવ્યું કે મહારાષ્ટ્ર સરકારની રાજકીય ખોટ વધીને 20,292.94 કરોડ રૂપિયા રહેવાનું અનુમાન છે. એક વર્ષ પહેલા રાજકીય ખોટ 14,960.04 કરોડ રૂપિયા હતી. તેથી માત્ર એક વર્ષમાં મહારાષ્ટ્રની રાજકીટ ખોટ 5 હજાર કરોડ એટલે કે 35.6 ટકાથી વધી શકે છે.

જૂન મહિનામાં બજેટ રજૂ કરતા નાણામંત્રી સુધીર મુંગટીવારે જણાવ્યું કે ચાલુ નાણાકીય વર્ષમાં સરકારનો ખર્ચ 3,34,933.06 કરોડ રૂપિયા અને આવક 3,14,640.12 કરોડ રૂપિયા રહેવાની સંભાવના છે. ત્યારે ખોટની વાત કરીએ તો 61,669.94 કરોડ રૂપિયા થવાની સંભાવના છે. એક વર્ષ પહેલા મહારાષ્ટ્રની ખોટ 56,053.48 કરોડ રૂપિયા હતી. તેથી તેમાં લગભગ 6 હજાર કરોડનો વધારો થઈ શકે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]