દિલ્હીમાં 8 ફેબ્રુઆરીની સવારે 8 કલાકથી શરૂ થશે મતદાન, ભાજપ અને AAP વચ્ચે સીધી ટક્કર

આવતીકાલે દિલ્હી વિધાનસભાની ચૂંટણીનું મતદાન થશે. આ વખતે ચૂંટણીમાં સીધી ટક્કર આમ આદમી પાર્ટી અને ભાજપ વચ્ચે છે. દિલ્લીની 70 બેઠકો પર સવારે 8 વાગ્યાથી મતદાન શરૂ થશે, જે સાંજે 6 વાગ્યા સુધી ચાલશે. 11 ફેબ્રુઆરીએ મતગણતરી થશે. આવતીકાલના મતદાનને લઇને આપ અને ભાજપે છેલ્લી ઘડી સુધી મતદારોને રીઝવવાના પ્રયાસો કર્યા છે. બંનેએ આ વખતે પ્રચારમાં પૂરી તાકાત લગાવી છે.

આ પણ વાંચોઃ રાજદ્રોહ કેસમાં કોંગ્રેસ નેતા હાર્દિક પટેલની મુશ્કેલીમાં વધારો, બિનજામીન પાત્ર વોરંટ ઈસ્યૂ

ગત ચૂંટણીમાં ભાજપને માત્ર 3 જ બેઠક મળી હતી. ત્યારે સત્તા મેળવવા માટે ભાજપે આ વખતે પીએમ મોદી અને અમિત શાહે પણ દિલ્લીના ચૂંટણી જંગમાં જંગી રેલીઓ સંબોધી. જો કે સામે કેજરીવાલે પણ પૂરજોશમાં પ્રચાર કર્યો હતો. ત્યારે આ વખતે દિલ્લીની ચૂંટણી રસપ્રદ જરૂર છે. પાંચ વર્ષ ભલે કોઇપણ પક્ષના હોય, પણ આવતીકાલનો એક દિવસ દિલ્લીની જનતાનો રહેશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો