બનાસકાંઠાની ભાભર APMC પર ભાજપની પેનલનો વિજય, વિકાસ પેનલના 10 ઉમેદવારો વિજેતા બન્યા

બનાસકાંઠામાં સહકારી સંસ્થાઓ પર ભાજપનું પ્રભુત્વ યથાવત છે. સરહદી વિસ્તારની અગ્રીમ હરોળની ભાભર APMC પર કબજો મેળવવા માટે ભાજપ અને કોંગ્રેસના ઉમેદવારો સામે હતા. પરંતુ ભાભર APMCમાં ભાજપ નેતા શંકરભાઈ ચૌધરી અને વર્તમાન ચેરમેન લાલજી પટેલની કોઠાસૂઝને કારણે છ બેઠકો બિનહરીફ બની હતી. જ્યારે 10 બેઠકો પર મતદાન થયું હતું. બુધવારે થયેલા મતદાન બાદ ગુરુવારે મતગણતરી હાથ ધરવામાં આવી હતી. જેમાં મત ગણતરીમાં ભાજપ સમર્થિત વિકાસ પેનલના 10 ઉમેદવારો વિજેતા બનતા સંપૂર્ણ નિયામક મંડળ ભાજપનું સત્તા સ્થાને આવ્યું છે. જેના કારણે સત્તાધારી નિયામક મંડળમાં આનંદનો માહોલ છે.