આજકાલ ગુજરાતના રાજકારણમાં ક્રિકેટ ફિવર જોવા મળી રહ્યો છે. મુખ્યપ્રધાન વિજય રૂપાણીની ટી- ટ્વેન્ટી મેચ રમવાના નિવેદનને લઈને રાજનીતિ ગરમાઈ છે. ત્યારે નાયબ મુખ્યપ્રધાન નીતિન પટેલનું સુચક નિવેદન સામે આવ્યું છે. નીતિન પટેલે કહ્યું કે, હું ક્રિકેટ કે કોઈ રમત રમવા નથી આવ્યો. મને તો સમાજ સેવાનો શોખ છે. વારંવાર જેલોમાં ગયો છું. આ રીતે નાયબ મુખ્યપ્રધાન નીતિન પટેલે સેફ ગેમ રમવાનો પ્રયાસ કર્યો.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
નોંધનિય છે કે, થોડા દિવસ પહેલા અમદાવાદમાં પ્રોપર્ટી શોના ઉદ્દઘાટન સમયે વિજય રૂપાણીએ ફટકા બાજી કરી હતી. સિક્સર ફટકારી હતી. કહ્યું હતું કે, જ્યારથી મુખ્યપ્રધાનનું પદ સંભાળ્યું ત્યારથી મને ખબર હતી કે હું વન ડેનો ખેલાડી નહિં પણ ટી-20નો ખેલાડી છું. હું ક્રિઝની ચિંતા કરવા નથી આવ્યો. અડધી પીચે રમવા આવ્યો છું. આ નિવેદન ઘણું કંઈ જાય છે.