Yellow Alert Gujarat: રાજ્યમાં હવામાન વિભાગ દ્વારા અપાયુ યલો એલર્ટ, AMCએ ગરમીથી બચવા આ 8 તકેદારી રાખવા કહ્યુ
તારીખ 23 એપ્રિલથી લઈ 29 એપ્રિલ, 2026 સુધી હવામાન વિભાગ દ્વારા યલો એલર્ટ જાહેર કરવામાં આવ્યું છે. આ સમયગાળામાં મહત્તમ તાપમાન 41°Cથી 43°C સુધી રહેવાની શક્યતા છે. તેથી Ahmedabad Municipal Corporation દ્વારા શહેરીજનોને ગરમીથી બચવા ખાસ તકેદારી રાખવા અપીલ કરવામાં આવી છે.
હવામાન વિભાગે ગુજરાતમાં ગરમીની આગાહી કરી છે. અમદાવાદ સહિત અનેક શહેરોમાં તાપમાન 40°Cને પાર કરી ચૂક્યું છે. AMC દ્વારા નાગરિકોને બપોરે બહાર ન નીકળવા અને પૂરતું પાણી પીવા અપીલ કરવામાં આવી છે.
બહાર જતી વખતે હંમેશા પાણીની બોટલ સાથે રાખવી.
દિવસ દરમિયાન પૂરતા પ્રમાણમાં પ્રવાહી પદાર્થો જેમ કે પાણી, લીંબુ શરબત, છાશ અને નાળિયેર પાણીનું સેવન કરવું.
તાજા ફળો અને શાકભાજી ખાવા, જ્યારે તીખું, વધુ પ્રોટીનયુક્ત અને વાસી ખોરાક ટાળવો.
ચા, કૉફી અને સોડાવાળા પીણાંનું ઓછું સેવન કરવું.
બહાર જતી વખતે છત્રી/ટોપી/સ્કાર્ફનો ઉપયોગ કરો તથા આછા રંગના ઢીલા સુતરાઉ કપડાં પહેરવા.
લાંબા સમય સુધી તડકામાં ન રહેવું અને કામ દરમ્યાન વિરામ લઈ ઠંડકવાળા સ્થળે આરામ કરવો.
નાના બાળકો, વૃદ્ધો અને ગર્ભવતી સ્ત્રીઓનું ખાસ ધ્યાન રાખવું.
લૂ લાગવાના લક્ષણોમાં વધારે પરસેવો, નબળાઈ, માથાનો દુખાવો, ચક્કર, ચામડી લાલ-સુકી થવી, સ્નાયુ દુખાવો, ઉબકા અને ઉલ્ટીનો સમાવેશ થાય છે.
