Year Ender 2024 : રશિયા-યુક્રેનથી લઈને ઈઝરાયેલ-હમાસ અને હવે સીરિયા…વર્ષ 2024માં યુદ્ધની આગ સતત સળગતી રહી
વર્ષ 2024માં વિશ્વના વિવિધ ભાગોમાં યુદ્ધ અને સંઘર્ષની આગ સતત સળગતી રહી. આ યુદ્ધોએ લાખો નિર્દોષ લોકોના જીવ લીધા તેમજ વૈશ્વિક રાજકારણ અને અર્થવ્યવસ્થા પર પણ ઊંડી અસર કરી હતી. 2024 એક એવું વર્ષ બન્યું જેણે માનવતાને યુદ્ધની દુર્ઘટનાનો ઊંડો અહેસાસ કરાવ્યો.
વર્ષ 2024માં વિશ્વના વિવિધ ભાગોમાં યુદ્ધ અને સંઘર્ષની આગ સતત સળગતી રહી. આ યુદ્ધોએ લાખો નિર્દોષ લોકોના જીવ લીધા તેમજ વૈશ્વિક રાજકારણ અને અર્થવ્યવસ્થા પર પણ ઊંડી અસર કરી હતી.
રશિયા-યુક્રેન યુદ્ધ - આ યુદ્ધ 2024માં ચરમસીમાએ પહોંચ્યું હતું. બંને દેશોએ આધુનિક શસ્ત્રો અને લશ્કરી વ્યૂહરચનાનો ઉપયોગ કર્યો. યુક્રેનને પશ્ચિમી દેશો તરફથી મજબૂત ટેકો મળ્યો, જ્યારે રશિયાએ તેની સૈન્ય શક્તિ અને ઊર્જા પુરવઠાનો શસ્ત્રો તરીકે ઉપયોગ કર્યો.
ઇઝરાયેલ-હમાસ યુદ્ધ - મિડલ ઈસ્ટમાં ઇઝરાયેલ અને હમાસ વચ્ચેના સંઘર્ષે ગાઝા પટ્ટીને યુદ્ધના મેદાનમાં ફેરવી દીધું. યુદ્ધના કારણે હજારો લોકોનું વિસ્થાપન થયું અને મોટા પ્રમાણમાં માનવતાવાદી કટોકટી સર્જાઈ. શાંતિ વાટાઘાટોના પ્રયાસો નિષ્ફળ ગયા અને પ્રદેશમાં તણાવ યથાવત રહ્યો. આ યુદ્ધમાં લાખો લોકોએ પોતાના જીવ ગુમાવ્યા.
ઇઝરાયેલ-હિઝબુલ્લાહ અને ઇઝરાયેલ-ઇરાન તણાવ - ઇઝરાયેલ અને હિઝબુલ્લાહ વચ્ચે લેબનોન સરહદ પર અથડામણ વધુ તીવ્ર બની. હિઝબુલ્લા સાથેના યુદ્ધમાં ઇઝરાયેલે 3 દાયકા સુધી સંગઠનની કમાન્ડ કરનાર નસરાલ્લાહને ખતમ કર્યો. આ ઉપરાંત હિઝબુલ્લાના સમગ્ર ટોચના નેતૃત્વને પણ ખતમ કરી નાખ્યું.
લગભગ 14 મહિનાના યુદ્ધ પછી ઇઝરાયેલ અને હિઝબુલ્લાહ યુદ્ધવિરામ માટે સંમત થયા હતા. તો ઈઝરાયેલ અને ઈરાન વચ્ચે તણાવ પણ વણસ્યો હતો. ઈઝરાયેલે ઈરાનના પરમાણુ પ્રોગ્રામને લઈને હવાઈ હુમલાઓ તેજ કર્યા હતા, જ્યારે ઈરાને પણ બદલો લેવાની ધમકી આપી હતી.
સીરિયામાં ગૃહ યુદ્ધ - 2024માં સીરિયા ફરી એકવાર યુદ્ધનું મેદાન બની ગયું છે. સરકારી દળો, બળવાખોરો અને ISIS વચ્ચે ચાલી રહેલા સંઘર્ષે સ્થિતિ વધુ ખરાબ કરી. સીરિયન સરકાર માટે રશિયા અને ઈરાનના સમર્થન અને બળવાખોર જૂથોને યુએસ અને અન્ય દેશોની સહાયથી સંઘર્ષ વધુ જટિલ બન્યો અને અંતે અસદ સરકાર પડી ભાંગી અને દેશ યુદ્ધની આગમાં લપેટાયો.
આ બધા યુદ્ધોએ વિશ્વને અનિશ્ચિતતામાં મૂકી દીધું. લાખો લોકો વિસ્થાપિત થયા, અનેક લોકોએ જીવ ગુમાવ્યા, વૈશ્વિક અર્થવ્યવસ્થા નબળી પડી અને શાંતિના પ્રયાસો નિષ્ફળ જતા દેખાયા. 2024 એક એવું વર્ષ બન્યું જેણે માનવતાને યુદ્ધની દુર્ઘટનાનો ઊંડો અહેસાસ કરાવ્યો. (Image - Getty Imges)