શું તમે શરદીને કારણે બંધ નાકથી પરેશાન છો? આ પાંચ ઉપાયો તમને આપશે રાહત
જો તમને શરદી થાય છે તો બંધ નાક તમારી સ્થિતિને વધુ ખરાબ કરે છે. વ્યક્તિને શ્વાસ લેવામાં તકલીફ થવા લાગે છે. જ્યારે કોઈને શરદી થાય છે ત્યારે નાકની કોશિકાઓમાં સોજો વધી જાય છે. આમાંથી રાહત મેળવવા માટે કેટલાક ઘરેલું ઉપાયો ખૂબ અસરકારક છે.
શિયાળાની ઋતુમાં શરદી એ સૌથી સામાન્ય સ્વાસ્થ્ય સમસ્યા છે પરંતુ સૌથી મોટી સમસ્યા નાક બંધ થવાથી થાય છે. જો નાક બંધ થઈ જાય તો શ્વાસ લેવામાં પણ તકલીફ પડે છે. સૂતી વખતે સમસ્યા વધુ ખરાબ થઈ જાય છે. ખરેખર જ્યારે શરદી થાય છે, ત્યારે કફ એકઠો થાય છે. આ ઉપરાંત નાકના કોશિકાઓમાં સોજો આવે છે. જેના કારણે નાક બ્લોક થઈ જાય છે. સૂકા પવનો આ સમસ્યાને વધુ તીવ્ર બનાવે છે. બંધ નાકથી છુટકારો મેળવવા માટે ઘરેલું ઉપચાર ખૂબ અસરકારક છે.
બંધ નાકને કારણે કોઈપણ કામ કરવું, બેસવું કે સૂવું ખૂબ મુશ્કેલ બની જાય છે. લોકો શરદીથી છુટકારો મેળવવા માટે દવાઓ પણ લે છે, પરંતુ તાત્કાલિક રાહત મેળવવી મુશ્કેલ છે. આજકાલ, બંધ નાક ઓપન કરવના સ્પ્રે પણ બજારમાં આવવા લાગ્યા છે, પરંતુ ઘણા લોકોને લાગે છે કે તેઓ તેના વ્યસની થઈ ગયા છે. તો ચાલો જાણીએ બંધ નાક ખોલવા માટેની સરળ ટિપ્સ.
અજમાની પોટલી : જો તમારું નાક બંધ થઈ ગયું હોય તો તેને ખોલવામાં અજમો ખૂબ ઉપયોગી છે. એક થી દોઢ ચમચી એજમા લો અને તેને તવા પર શેકી લો અને તેને ગરમાગરમ મલમલ અથવા હળવા સુતરાઉ કાપડમાં બાંધીને નાની પોટલી બનાવો. તેને સુંઘવાથી બંધ નાક ખુલી જાય છે. આ નુસખો નાના બાળકો માટે બેસ્ટ છે.
નાસ લો : પુખ્ત વયના લોકોથી લઈને બાળકો સુધી, બંધ નાકમાંથી રાહત મેળવવા માટે વરાળ લેવી એ એક શ્રેષ્ઠ રીત છે. તમે ગરમ પાણીમાં લવિંગનું તેલ ઉમેરી શકો છો અથવા 7 થી 8 લવિંગનો ભૂકો કરીને પાણીમાં નાખો અને પછી નાસ શ્વાસમાં લો. આ સિવાય જો ઘરમાં ટ્રી-ટ્રીનું તેલ હોય તો તેને પાણીમાં ઉમેરો.
સરસવનું તેલ : જ્યારે બાળકોનું નાક બંધ થઈ જાય છે, ત્યારે દાદીમા જે સૌથી જૂના ઉપાયો અજમાવે છે તે છે નાકમાં સરસવનું તેલ નાખવું. બંને નાકમાં સરસવના તેલના એક કે બે ટીપા નાખો અને થોડીવાર સૂઈ જાઓ. આ નાક ખોલવામાં મદદ કરે છે.
આ ચા દિવસમાં બે થી ત્રણ વખત પીવો : શરદીથી રાહત મેળવવા માટે એક કપ પાણીમાં 6-7 તુલસીના પાન, 2-3 લવિંગ, અડધા ઇંચ આદુનો ટુકડો, 3-4 કાળા મરીને સારી રીતે ઉકાળો. આ પાણી પીવાથી શરદી અને ગળામાં દુખાવો ઓછો થાય છે અને કફની જડતામાંથી પણ રાહત મળે છે.
Published On - 8:35 am, Tue, 28 January 25