Home Remedies : સફેદ વાળથી તમે પરેશાન છો? તો ઘરમાં રાખેલી આ વસ્તુઓનો કરો ઉપયોગ
White Hair : વાળ સફેદ થવા પાછળ ઘણા કારણો હોઈ શકે છે. લાઈફસ્ટાઈલની ભૂલોને કારણે લોકો સમય પહેલા સફેદ વાળની સમસ્યાનો સામનો કરવા લાગ્યા છે. પરંતુ તમે ઘરમાં રાખેલી વસ્તુઓનો ઉપયોગ કરીને તમારા માથાના સફેદ વાળને વધુ સફેદ થતા અટકાવી શકો છો.
મહેંદી : કેટલાક લોકો સીધા વાળમાં મહેંદી લગાવે છે. પરંતુ તેનાથી વાળ કાળા નહીં પણ લાલ દેખાશે. તમારા વાળ કાળા કરવા માટે તમારે લોખંડની કડાઈમાં મહેંદી તૈયાર કરવી પડશે. તેમાં કોફીનું પાણી મિક્સ કરો. આ પછી તેમાં આમળા પાવડર પણ નાખો. આ ત્રણેયને મિક્સ કરીને વાળના મૂળમાં લગાવો.
મેથીના દાણા : મેથીના દાણા વાળ માટે પણ ખૂબ જ ફાયદાકારક છે. તેના ઉપયોગથી વાળ ખરવા અને ડેન્ડ્રફની સમસ્યા દૂર થઈ શકે છે. મેથીના દાણાની પેસ્ટ તૈયાર કરો અને તેમાં નારિયેળનું તેલ અને આમળાનો રસ મિક્સ કરો. તેને ઓછામાં ઓછા એક કલાક સુધી માથા પર રાખો.
ડુંગળી : માથાના સફેદ વાળને વધતા રોકવા માટે પણ ડુંગળીનો ઉપયોગ કરી શકાય છે. આ માટે ડુંગળીને પીસીને તેને નારિયેળ તેલથી પકાવો. થોડું ઠંડુ થયા પછી તેને તમારા વાળમાં લગાવો. તેનાથી વાળ સફેદ થવાનું પ્રમાણ ઘટશે.
Published On - 2:00 pm, Sun, 14 July 24
